YouTube одлучи сериозно да го адресира прашањето за „clickbait“, најавувајќи отстранување на содржини со наслови и слики кои ветуваат нешто што видеото не го исполнува.

Овој потег првично ќе се спроведе во Индија, со планови за проширување во други земји во наредните месеци, изјави портпаролот на компанијата, Џек Мелон, во соопштение. Новиот правилник ги таргетира најголемите примери на измамнички содржини, особено во категориите “breaking news” и “current events.”

Примери на спорни содржини

Како примери, YouTube наведува наслови како “The President Resigns!”, додека видеото реално не содржи информации за оставката, или сликички со натписи за политички настани кои немаат никаква врска со темата.

Како ќе се применуваат правилата?

За да се олесни транзицијата, YouTube најави дека првично нема да издава предупредувања за креаторите чија содржина ги прекршува новите правила. Наместо тоа, фокусот ќе биде ставен на отстранување на проблематични видеа и едукација на креаторите за новите стандарди. Компанијата истакнува дека приоритет ќе бидат видео содржините што ќе се објавуваат во иднина.

Оваа иницијатива е дел од пошироката стратегија на платформата за зајакнување на довербата на публиката и намалување на количеството дезинформации. Како што правилата ќе стапат на сила, останува да се види како заедницата на креатори ќе реагира на овие промени.

Извор: Kurir

Според извештајот на аналитичката компанија Гартнер, до 2028 година, вештачката интелигенција (ВИ) значително ќе го промени начинот на кој се води бизнисот. Овој напредок ќе овозможи агентите на ВИ автономно да анализираат податоци, да креираат приспособени предлози и да реагираат побрзо на деловните предизвици, наведува веб-страницата Helwrld.

Што е агентска вештачка интелигенција?

Агентската вештачка интелигенција претставува форма на ВИ што функционира како независен ентитет способен да согледа околина, да донесува одлуки и да презема активности за постигнување одредени цели. Истражувањата покажуваат дека ваквите агенти ќе имаат потенцијал значително да го променат начинот на кој компаниите управуваат со задачите и донесуваат одлуки.

Клучни предвидувања до 2028 година

• 15% деловни одлуки ќе бидат донесени од ВИ агенти: Компаниите ќе интегрираат вакви агенти за да ја зголемат ефикасноста и точноста на деловните процеси.
• Платформи за управување со ВИ: Алатките за следење транспарентност и усогласеност со етичките упатства ќе помогнат во намалување на ризикот од инциденти за 40%.
• Безбедност од дезинформации: Половина од организациите ќе имплементираат алатки за заштита од дезинформации, обезбедувајќи интегритет на податоците и спречување измами.
• Квантна криптографија: Развојот на квантните компјутери ќе поттикне транзиција кон нови технологии за безбедност на податоците, отпорни на декрипција.

Одржливост и нови трендови

Компаниите сè повеќе ќе се насочуваат кон хибридни и енергетски ефикасни системи за да ја намалат емисијата на јаглерод и да ги оптимизираат ресурсите. Покрај тоа, технологии како полифункционални роботи, невролошки подобрувања и амбиентална невидлива интелигенција ќе станат клучни во дигиталната трансформација на деловниот свет.

Овие трендови го подготвуваат светот за нова ера, каде вештачката интелигенција и дигиталните платформи ќе играат централна улога во обликувањето на иднината на бизнисот.
Извор: Helwrld

Апликацијата за пораки Telegram стана профитабилна, откако нејзиниот вкупен приход во 2024 година надмина 1 милијарда долари, објави основачот Павел Дуров.

Компанијата ја воведе својата премиум претплата во 2022 година, која денес брои 12 милиони корисници што плаќаат, истакна Дуров.

Освен тоа, Telegram ја завршува годината со над 500 милиони долари готовински резерви, без да ги вклучи средствата во криптовалути, објави TechCrunch. Дуров додаде дека компанијата есенва исплатила значителен дел од своите должнички обврзници, но напомена дека останува „уште многу работа“ на ова поле.

Претходно оваа година, во интервју за Financial Times (FT), Дуров изјави дека компанијата очекува да ја достигне целосната профитабилност до 2025 година и дека планира во иднина да излезе на берза.

Со над 950 милиони активни корисници месечно, Telegram воведе нови функции за деловни корисници, ја активираше услугата за споделување приходи од реклами, им овозможи на креаторите заработка преку платени содржини и лансираше мини продавница за апликации.

Извор: B92