Временска прогноза
Славчо Попоски повторно апелира за нови временски непогоди во Македонија, за следните часови и вечерва – ова се деталите
![](https://porta.mk/wp-content/uploads/2022/09/dozd_p0rtamk.jpg)
Територијата на Македонија продолжува да биде под влијание на циклонската активност која е со центар над Средоземјето. Во вакви околности денес попладне и во вечерните часови во поголем дел од Македонија ќе има развој на нестабилна облачност проследена со пороен дожд, грмежи и со засилен ветер.
Локално и на повеќе места повторно процесите ќе бидат застапени во форма на силно невреме, проследено со обилен пороен дожд за кратко време кој би можел да предизвика локални поројни поплавувања, силен ветер, силни грмежи и електрични празнења како и со појава на крупен град. Вакво силно невреме особено се очекува во западната половина од државава, како и во северните предели. Услови за ново посилно невреме ќе има и во делови од Скопската котлина.
Апелираме во случај на појава на силно невреме и на електрични празнења да не се претстојува на отворен простор и под осамени дрвја, исто така во случај на појава на крупен град автомобилите да се заштитат.
Инаку продолжуваат високите температури во Македонија, па така максимумот на истите ќе се искачува во интервалот од 30 до 38 степени, во Скопје до околу 35 степени, за Порта.мк пишува Славчо Попоски
Временска прогноза
Од утре по свежо, пред нас стабилен викенд без врнежи од дожд со температури до 30 степени, ова се метео вестите..
![](https://porta.mk/wp-content/uploads/2018/04/makedonija-vo-oblaci-sonce-i-veter-184631-900x600.jpg)
Променливо, но посвежо време ќе имаме и утре. На места локална појава на повремен пороен дожд и грмежи, но сепак условите за силно невреме за среќа позначително ќе се намалат. Услови за повремен пороен дожд и поретки грмежи ќе има во Скопје. Што се однесува до температурите тие утре ќе се искачуваат во интервалот од 23 до 30 степени. Во Скопје максималната дневна температура утре ќе се искачи до околу 30 степени.
За време на викендот во Македонија ќе имаме краткотрајно стабилизирање на времето, што значи не очекува сончев и топол викенд со максимални дневни температури кој ќе се искачуваат во интервалот од 30 до 38 степени, во Скопје до околу 35 степени.
Од почетокот на следната седмица не очекува нова позначителна дестабилизација на времето и ново невреме, како и позначително опаѓање на температурите, пишува Славчо Попоски
Временска прогноза
Попоски: Силно невреме му се заканува на Балканскиот полуостров, односно БиХ, соседна Србија и Хрватска
![](https://porta.mk/wp-content/uploads/2023/06/dozd_oblaci-scaled.jpg)
Атмосферата е премногу загреана и тоа поради повеќе дневното присуство на екстремно топлиот бран од Африка, од друга страна продорот на значително посвеж воздух од Атлантикот преку западна и северозападна европа, потоа преку централна европа и Алпскиот регион ќе предизвика формирање на секундарен висински циклон над Средоземјето.
Во ваква ситуација, утре 22,06.2024 во попладневните часови во источна Хрватска, северните и источните предели на Босна и Хрцеговина, како и западна и централна Србија ќе бидат на удар на локални силни временски непогоди, кои дури би можеле да бидат опасни и по човечкиот живот. Овие временски непогоди ќе се задржат и во недела, како и во почетокот на следната седмица, но со тоа што ќе ги има многу повеќе и на повеќе места на Балканот, вклучувајќи ја и нашата Македонија.
Од појави ќе има, обилни поројни врнежи од дожд, силни грмежи и електрични празнења, бурен ветер, како и со појава на крупен град. Да напоменеме дека можни се и штети, како и локални поројни поплавувања.
Апелираме, граѓаните во овие предели , секако и нашите граѓани кои се таму да бидат крајно внимателни, и во случај на појава на силно невреме и на силни електрични пранзења да не претстојуваат на отворен простор и под осамени дрвја, а автомобилите во случај на појава на крупен град исто така да се заштитат. Во ваква ситуација, можно е формирање и на Суперќелијски облаци во одредени места од споменатите области, пишува Славчо Попоски
Временска прогноза
Продолжениот викенд ни носи пеколни температури, ова се информациите
![](https://porta.mk/wp-content/uploads/2023/08/sonce_leto_toplovreme-scaled.jpg)
До недела нашата територија ќе се наоѓа под влијание на веќе споменатиот екстремно топол бран кој продира од северните предели на Африка кон нашата територија, но и на територијата на целиот регион. Температурите насекаде во Македонија од денес, па се до недела ќе надминуваат 30 степени, додека во поголем дел од државава тие ќе се искачат и до околу 35 степени а во најтоплите централни и југоисточни предели, како и во Скопската котлина локално тие ќе надминуваат и 40 степени.
Ув индексот ќе има екстремно висока вредност и ќе изнесува коефициент некаде помеѓу 9 и 10, па поради ова апелираме граѓаните без потреба да не излегуваат во најтоплиот дел од денот, односно од 11 до 17 часот, но и да пијат повеќе течности.
Меѓутоа, веќе во недела во Македонија и тоа поради влијание на висински циклон кој ќе биде со центар над Средоземјето во попладневните и во вечерните часови атмосферата позначително ќе се дестабилизира, па така на повеќе места ќе има развој на нестабилна облачност проследена со пороен дожд, грмежи и со засилен ветер. Поради големата енергија во атмосферата, и тоа токму поради повеќе дневниот екстремно топол бран од Африка, локално се очекува појава на силно невреме со обилен пороен дожд, силни грмежи и електрични празнења, силен ветер како и со појава на град кој во ваква ситуација големи се условите тој да биде и крупен.
Дури постои опасност од појава на Суперќелиски облаци како во Македонија, така и во регионот за време на викендот кој доаѓа. Ваквите Суперќелии би можеле да предизвикаат дури и појава на торнадо или пак да предизвикаат штети во одредени области, истакна Славчо Попоски
-
Хороскоп1 ден
Хороскоп за четврток (27 јуни)
-
Кичево18 часа
„Турнир во мал фудбал“ с.Вранештица – Кичево, традиција, спорт, дружење и одличен амбиент. Од денес официјално започнува пријавувањето на екипите, биди дел!
-
Хороскоп7 часа
Хороскоп за петок (28 јуни)
-
Кичево14 часа
(ФОТО+ВИДЕО) Предмалку ТППЕ Кичево изгаси пожар кон кичевско Раштани, опожарена беше сува трева
-
Временска прогноза9 часа
Од утре по свежо, пред нас стабилен викенд без врнежи од дожд со температури до 30 степени, ова се метео вестите..
-
Скопје2 дена
Ја уценувал девојката доколку не му даде пари ќе објави компромитирачки видеа
-
Lifestyle18 часа
Зошто сонот е суштински за вашето здравје: науката зад спиењето
-
Магазин2 дена
SpaceX започнува со продажба на Mini Starlink