Следете не

Храна

Следните 6 витамини се најзастапени во магдоносот, истиот може да помогне при висок крвен притисок

Објавено пред

на

ФОТО: Unsplash.com / Hanna Stolt

Магдоносот спаѓа во зачински билки кои најчесто се користат при готвење, а покрај својата арома обезбедуваат бројни хранливи материи и корисни здравствени својства.

Само 30 грама свежо исецкан магдонос подмирува 108% од дневната потреба на организмот за витаминот А и 53% за витаминот Ц, а дури 547% за витаминот К (луѓето кои пијат лекови против коагулација треба да бидат свесни за количината на овој витамин во магдоносот, бидејќи витаминот К може да ја намали ефикасноста на антикоагулансите). Освен овие три витамини, магдоносот претставува добар извор на фолна киселина, железо и калиум.

Кога станува збор за поволните здравствени својства, магдоносот може да помогне при висок крвен притисок, алергии и воспалителни болести. Поволно влијае и на здравјето на очите поради високата содржина на бета каротен, зеаксантин и лутеин, додека благодарение на витаминот К помага да се одржува минералната коскена густина и да се спречат фрактури на коските.

/denar.mk

Магазин

Крем супа од печурки – вкусен и лесен рецепт за топол оброк

Објавено пред

на

Фото: nrd @ unsplash
Фото: nrd @ unsplash

Ако сакате нешто кремасто, миризливо и пријатно за ладните денови, оваа домашна крем супа од печурки е вистинскиот избор. Лесна е за подготовка, хранлива и богата со природен вкус на шампињони. Совршена за ручек, вечера или како предјадење.

Состојки:

  • 400 г шампињони (или мешани печурки)

  • 50 г путер

  • 1 црвен кромид

  • 2 чешниња лук

  • 3 лажици брашно

  • 1,2 литри супа од зеленчук (или вода со една коцка за супа)

  • 200 мл павлака за готвење

  • сол и црн пипер по вкус

За сервирање:

  • свеж магдонос

  • златни топчиња за супа или крутони

  • малку павлака

Подготовка:

  1. Подготовка на зеленчукот:
    Исчистете ги печурките и исечете ги на тенки парчиња (околу 3 мм). Излупете го кромидот и лукот, па исечете ги на ситни коцки.

  2. Пржење:
    Во подлабоко тавче или тенџере растопете го путерот на средна температура. Додадете го кромидот и пржете неколку минути додека не омекне и не стане светол и проѕирен.

  3. Додавање на печурките:
    Додајте ги исечканите шампињони и динстајте ги додека не ја испуштат својата течност.

  4. Згуснување на супата:
    Додадете го брашното и добро промешајте за да се впие течноста и да се добие мазна смеса. Тргнете накратко од оган, па постепено додавајте го зеленчуковиот фонд или супа, мешајќи постојано за да нема грутки.

  5. Готвење:
    Вратете ја супата на оган, оставете да зоврие и варете околу 20 минути.

  6. Завршување:
    Додадете ја павлаката за готвење, потоа варете уште 10 минути. Зачинете со сол и црн пипер по вкус.

  7. Сервирање:
    Послужете ја топла, украсена со свеж магдонос, неколку капки павлака и златни топчиња за супа или крутони за крцкав контраст.

Совет:

Ако сакате погуст крем, можете да ја изблендирате супата со рачен блендер пред да ја додадете павлаката.
За посебен вкус, додадете неколку капки маслиново масло со тартуфи или малку рендано пармезан сирење.

Извор: Nezavisne

Прочитај повеќе...

Храна

Совет од експерти: Како правилно да складирате компири во текот на есента

Објавено пред

на

Фото: Lars Blankers @ unsplash
Фото: Lars Blankers @ unsplash

Есента е сезона на вкусни, топли јадења – чорби, супи, печено месо и разни гарнитури – а компирите се неизбежна состојка во речиси секој од нив. Сепак, многу луѓе несвесно прават грешка кога ги оставаат компирите на кујнскиот пулт, не знаејќи дека тоа може значително да го забрза нивното расипување.

Кујните се често влажни и топли средини, а токму влагата и светлината го поттикнуваат процесот на гниење и ’ртење на компирите. Според експертите од компанијата „Алберт Бартлет“, најдобар начин за да ги зачувате компирите свежи подолго време е да ги чувате во фрижидер.

Иако долго време се сметаше дека ниските температури во фрижидерот го претвораат скробот во шеќер – што може да влијае на вкусот при готвење – новите истражувања ја побиваат оваа теорија. Според најновите упатства од Агенцијата за стандарди за храна (FSA), чувањето компири во фрижидер не го зголемува ризикот од создавање штетни материи како акриламидот.

Во ладна и сува средина, компирите може да останат свежи и до три недели. Сепак, доколку немате место во фрижидерот, можете да ги чувате и надвор од него – важно е просторијата да биде ладна, темна и без влага. Најпогодни места се оставата, подрумот или затворените кујнски ормари подалеку од прозорците и изворите на топлина.

Избегнувајте да ги чувате компирите под мијалникот или покрај шпоретот, бидејќи тоа се највлажните делови во кујната, каде што се создаваат идеални услови за брзо расипување. Исто така, изложеноста на светлина може да предизвика создавање хлорофил, што ги прави компирите зелени и потенцијално токсични за јадење.

Со правилно складирање, не само што ќе ја задржите свежината на компирите, туку и ќе го намалите отпадот од храна, ќе заштедите пари и секогаш ќе имате подготвена состојка за вашите омилени есенски јадења.

Извор: RadioSA

Прочитај повеќе...

Храна

Дали знаете дека солената храна го зголемува апетитот?

Објавено пред

на

ФОТО: Unsplash.com @ Lachlan

Вообичаено се смета дека јадењето солена храна ја зголемува жедта. Сепак, ново истражување спроведено во рамки на симулација на мисија на Марс покажало изненадувачки резултати, космонаутите кои внесувале повеќе сол всушност задржувале повеќе вода и наместо да чувствуваат жед, чувствувале глад.

Научниците забележале дека испитаниците кои консумирале меѓу шест и дванаесет грама сол дневно пиеле помалку вода, додека нивната урина содржела повисока концентрација на сол.

Друго истражување, спроведено на глувци, дало дополнително објаснување за зголемениот апетит при повисок внес на сол.

Имено, кај глувците било забележано дека за да се исфрли вишокот сол без промена во количината на урина, организмот произведува повеќе уреа. Овој процес бара дополнителна енергија, што резултира со зголемена потреба за храна.

Прочитај повеќе...

Facebook

Последни објави

Временска прогноза6 часа

Периодот пред нас со нови врнежи деновиве и силен ветер до 70 км/час

Длабок циклонски систем со центар над централна и над северозападна Европа и истиот од северозапад ќе се преместува кон северните...

Македонија16 часа

Денеска е 23-ти октомври, ден на Македонската Револуционерна Организација

Денеска е празник, 23 октомври, Ден на основањето на македонската револуционерна организација во Солун (ВМРО). Токму на 23 октомври 1893...

Хороскоп19 часа

Хороскоп за четврток (23 октомври)

Овен Не сте многу посветени и само онака ги завршувате работите. Колегите и надредените можат да ви замерат поради тоа....

Фото: nrd @ unsplash Фото: nrd @ unsplash
Магазин1 ден

Крем супа од печурки – вкусен и лесен рецепт за топол оброк

Ако сакате нешто кремасто, миризливо и пријатно за ладните денови, оваа домашна крем супа од печурки е вистинскиот избор. Лесна...

ФОТО: Unsplash.com @ appshunter.io ФОТО: Unsplash.com @ appshunter.io
Магазин1 ден

WhatsApp воведува нова мерка против спам: ограничување на бројот на пораки

Популарната апликација за пораки WhatsApp воведува нова мерка за борба против спам, со која ќе се ограничи бројот на пораки...

Фото: Hydra 4x @ unsplash Фото: Hydra 4x @ unsplash
Lifestyle1 ден

Најефикасниот начин за отстранување на мувла од ѕидовите, според експертите

Мувлата е чест проблем во домовите, особено во текот на зимата кога во просториите се собира кондензација и влага. Таа...

ФОТО: Levart_Photographer @ Unsplash.com ФОТО: Levart_Photographer @ Unsplash.com
Магазин1 ден

OpenAI влегува во војната на прелистувачите: ChatGPT Atlas ја носи вештачката интелигенција директно на интернет

Компанијата OpenAI го претстави својот прв веб-прелистувач под името ChatGPT Atlas, правејќи голем чекор кон спојување на интернетот и вештачката...

Хороскоп2 дена

Хороскоп за среда (22 октомври)

Овен Успевате да ги решите сите проблеми кои ве оптоваруваа изминатиот период. Денеска ќе се чувствувате многу подобро. Имате потреба...

Фото: Dominik @ unsplash Фото: Dominik @ unsplash
Lifestyle2 дена

За само 10 минути, вашите фуги ќе блеснат како нови: трик што ја враќа белината без многу трошок

Со текот на времето, фугите меѓу плочките потемнуваат, стануваат валкани и тешко се чистат. Наместо да користите силни средства како...

Магазин2 дена

(ФОТО) По 25 години во „Бигорскиот манастир“ се враќа копаничарската колонија

По дваесет и пет години враќање „на изворот“, со благослов на нашиот старец, преосвештениот епископ Антаниски г. Партениј во Бигорскиот...

НАЈЧИТАНИ