Спорт
Следните два дена нашата Футсал репрезентација ќе одигра два контролни натпревари против Црна Гора

Македонската футсал репрезентација денес (19:00 часот) и утре 16. декември (17:30 часот) во С.Ц. Борис Трајковски ќе одигра два контролни натпревари против селекцијата на Црна Гора.
Селекторот на нашата футсал репрезентација, Васко Скендеровски за двете пријателски пресметки против црногорците ќе смета на следните играчи:
Голмани: Антонио Петровски (СК Проект Цико), Влатко Петровски *СК Проект Цико), Иван Стојановски (Шкупи);
Одбрана: Реџеп Сулејман (Шкупи), Таулант Исмаили (ФК Ликени, Косово), Ферид Агуши (Шкупи), Драган Петровиќ (Шкупи), Берат Рамадани (Арбен Бајрами);
Напад: Иван Крстевски (СК Проект Цико), Алекандар Глигоров (Железарец), Игор Леовски (СК Славија Прага, Чешка), Мартин Мехмединовиќ (СК Прокет Цико), Дарко Ранготов (СК Проект Цико), Мартин Тодоровски (СК Проект Цико), Еркан Сефери (Шкупи), Јакуп Рамадани (ФК Ликени, Косово), Адријан Мицевски (Штутгартер 2020, Германија);
Васко Скендеровски – селектор на македонската футсал репрезентација:
– Очекуваме интересен натпревар против Црна Гора. Повикавме претежно играчи од домашниот шампионат и ова се натпревари на кои шанса ќе добијат сите повикани за да го согледаме реалниот потенцијал со кој располагаме. Резултатот е важен пред сѐ заради подигнување на самодовербата пред претстојните квалификации за Светското првенство.
– Добрите резултати од минатиот квалификациски циклус ни овозможија да бидеме еден барабан погоре во ждребот и ги избегнуваме предквалификациите. Имаме доволно време за подготовка, а за следните натпревари се надевам дека ќе бидеме комплетни со Даниел Де Соуса, Џокица Арсовски и Седат Зибери.
Спорт
ФФМ со експресно соопштение ја извести јавноста во врска со случајот ФК Гостивар

На денешниот натпревар од Прва МФЛ меѓу ФК Гостивар и ФК Работнички бевме сведоци на срамен чин – свесно и организирано напуштање на теренот од страна на екипата на ФК Гостивар.
ФК Гостивар грубо ја изневерија фудбалската јавност и фер-плејот.
Наместо спортски да се борат до последниот свиреж, ФК Гостивар реши да избега од реалноста и вината за својата очајна постапка да ја префрли врз судиите.
Вистината е документирана: во официјалниот записник е наведено дека уште предвреме претставник на ФК Гостивар ги известил судиите дека екипата ќе се повлече доколку резултатот не биде во нивна корист, истакнаа за јавноста од ФФМ, во продолжение погледнете го целото соопштение на официјалниот натпис ТУКА
Спорт
Денес заседаваше УО при ФФМ, ОФС Охрид доби суспензија, донесени и низа одлуки

На денешната седница на Управниот одбор на Фудбалската федерација на Македонија (ФФМ) беа донесени следните одлуки:
Управниот одбор на ФФМ донесе одлука ОФС ОХРИД поради грубо кршење на одредбите од Статутот и актите на ФФМ да добие суспензија.
У.О. на ФФМ по темелна постапка и по претходни сознанија од Одделот за интегритет, а во врска со нарушување на интегритетот во целост од страна на овластени службени лица од ОФС Охрид, едногласно одлучи да го суспендира Општинскиот фудбалски сојуз Охрид (ОФС Охрид).
Во продолжение прочитајте повеќе на официјалниот натпис од ФФМ, ТУКА
Спорт
ФФМ со официјална судиска анализа на 28-то коло во првата македонска фудбалска лига, упатуваат апел за почитување поддржувајќи ги напорите за подобрување на судењето преку конструктивен дијалог

Одборот на судии во рамки на Фудбалската федерација на Македонија остануваат цврсто посветени на транспарентноста и отчетноста како основни вредности во работењето со единствена цел – развој на фудбалски систем базиран на фер-плеј, објективност и професионалност.
Интегралното соопштение од Фудбалската федерација на Македонија ви го пренесуваме во целост и гласи:
– Потврдивме дека секој натпревар од Прва МФЛ се анализира со највисоко ниво на внимание од страна на контролорите на судење, како и од стручните тела на ФФМ, со што се обезбедува квалитетна и фер евалуација на судиските перформанси.
Во врска со натпреварот од 28. коло помеѓу ФК Шкупи и ФК Силекс истакнуваме дека при израмнувачкиот погодок за гостинската екипа во 62. минута постои прекршување на Правилата, иако ситуацијата е технички исклучително комплексна за проценка, но видео анализата укажува дека голот не требало да биде признаен поради офсајд прекршок од напаѓачот кој со минимален дел од телото е понапред од топката. Одговорноста за ваквата погрешна проценка на вториот помошен судија е препознаена и од контролорот на натпреварот Горан Спирковски од Прилеп со негативна оцена од 7.9.
Истовремено, на натпреварот меѓу ФК Воска и ФК Вардар, кој беше прекинат во 76. минута поради напуштање на теренот од страна на домашната екипа, посочуваме дека реакцијата беше заснована врз субјективно доживеан момент.
Видео материјалите од посочениот момент при постигнување на израмнувачкиот погодок за гостинската екипа не потврдуваат никакво прекршување на Правилата на фудбалската игра, ниту нивна погрешна интерпретација и оттука одлуката на судијата не може да биде оценета како погрешна проценка. Одлуката на ФК Воска да го напушти теренот претставува сериозен преседан, непрофесионален и крајно неодговорен чин, кој е во спротивност со духот на спортот, основните фудбалски принципи и фер-плеј вредностите кои ги застапуваме. Фудбалската игра подразбира почитување на процесите, институциите и правилата на играта, дури и во моменти на несогласување. Со самоволно прекинување на натпревар во професионално натпреварување како Прва МФЛ се испраќа порака која не е добредојдена, ниту на теренот, ниту надвор од него. Ваквиот однос мора јасно и недвосмислено да биде санкциониран.
Контролорскиот извештај за овој натпревар од страна на контролорот Џенан Хајдари од Скопје е со оценка 8.4 за целиот судиски тим.
Изминатиот викенд бевме сведоци и на реакција од страна на ФК Гостивар за дуелот со Струга Трим Љум. Станува збор за момент во 85. минута при резултат 0:1 за Гостивар. Во споменатиот момент не е направена никаква материјална повреда на натпреварот од страна на судиската четворка.
Контролорскиот извештај на контролорот Илиевски Зоранчо од Битола е со највисока оценка 8.5 за главниот судија и вториот асистент, а првиот асистент и четвртиот се оценети со 8.4 кои без ниту една грешка го водеа натпреварот.
Судиските одлуки како и секаде во светот се подложни на човечки фактор и можни ненамерни грешки. Она што е клучно е дека тие се предмет на системска анализа и се третираат со максимална сериозност. Исто така, не смееме да го игнорираме бројот на прецизни и исклучително тешки одлуки кои судиите ги носат успешно, што директно придонесува за регуларноста на натпреварите.
– Апелираме до сите фудбалски чинители, клубовите, играчите, навивачите и медиумите, да го почитуваат процесот и да ги поддржат напорите за подобрување на судењето преку конструктивен дијалог, а не преку избрзани заклучоци и јавен притисок.
Одборот на судии во рамки на Фудбалската федерација на Македонија ќе продолжи да работи транспарентно и одговорно, а секоја погрешна судиска проценка ќе биде третирана соодветно во рамки на процедурите. Единствено со принципиелност и истрајност може да изградиме здраво и фер фудбалско опкружување, за јавноста истакнаа од ФФМ.
-
Хороскоп2 дена
Хороскоп за недела (27 април)
-
Хороскоп18 часа
Хороскоп за понеделник (28 април)
-
Кичево1 ден
(ВИДЕО) КУД „Рацин“ Кичево во полна сала вчера го реализираше традиционалниот „Велигденски концерт“ на песни и ора „Писмо дојде“
-
Спорт21 час
ФФМ со експресно соопштение ја извести јавноста во врска со случајот ФК Гостивар
-
Македонија3 часа
Од ноќеска поскапуваат нафтените деривати, ова е новата цена!
-
Здравје и убавина24 часа
Мувлата на овошјата може да доведе до несакани последици по здравјето на човекот
-
Скопје20 часа
СВР Скопје изрече 96 санкции, 41 од нив биле за возење со брзина поголема од дозволената
-
Занимливости48 минути
Светскиот гигант „Google“ ќе ги враќа вработените во своите канцеларии, работењето од дома ќе стане минато