Денес паметните телефони се незаменливи – ги користиме за навигација, фотографирање, комуникација и пристап до информации во секое време. Но, проблемот со траење на батерија на телефон е чест извор на стрес, особено кога сме надвор од дома без полнач или приклучок.

Непланираното празнење на батеријата во клучен момент може да ги наруши плановите и да го отежни снаоѓањето во непозната средина. За среќа, постојат едноставни трикови со кои можете значително да го продолжите работното време на вашиот уред.

1. Оптимизирајте го екранот и врските

Екранот е најголемиот потрошувач на енергија. Намалете ја осветленоста на најниско удобно ниво и скратете го времето за автоматско исклучување на дисплејот на 30 секунди. Ако имате OLED екран, активирајте „Dark mode“ за дополнителна заштеда, а исклучете ја и функцијата „Always-on display“.

Подеднакво е важно да управувате со врските – исклучете Wi-Fi, Bluetooth и GPS кога не ви се потребни. Во области со слаб сигнал, вклучете Airplane mode за да спречите непотребни пребарувања на мрежата.

2. Активирајте режими за заштеда на енергија

Современите телефони имаат Power saving mode кој автоматски ги ограничува процесите во позадина, визуелните ефекти и непотребните известувања. Понапредните функции, како „Adaptive Battery“ на Google Pixel, ја оптимизираат потрошувачката со учење на вашите навики.

Ограничете ја активноста на апликациите што ретко ги користите и исклучете ги гласовните асистенти како „Hey Google“ кои постојано ја слушаат околината и трошат енергија.

3. Грижете се за долгорочното здравје на батеријата

Екстремните температури – топлина или студ – можат трајно да го намалат капацитетот на батеријата. Избегнувајте да го оставате телефонот на директно сонце или на места со многу ниска температура.

Кога станува збор за полнењето, најдобро е батеријата да се одржува меѓу 20% и 80%. Многу нови телефони нудат „Optimized charging“ што автоматски го запира полнењето на 80% за да се зачува нејзиното здравје и да се продолжи животниот век.

Со овие три практични совети, вашиот телефон ќе може полесно да го издржи целиот ден, а батеријата ќе остане во добра состојба многу подолго.

Извор: Danas

Предмалку реномираната „DJI“ го претстави новиот дрон од серијата „мини“ – DJI Mini 5 Pro кој практично претставува ново ниво во компактните дронови на компанијата, бидејќи за првпат доаѓа со 1-инчен сензор од 50 MP, значително поголем од 1/1,3-инчниот кај претходниот Mini 4 Pro. Со реални димензии од 15,19 x 11,11 mm, тој нуди повеќе од двојно зголемена површина за прием на светлина, а DJI истакнува и 14 стопа динамички опсег, што значи поквалитетни фотографии и видеа во различни услови.

Компанијата тврди дека Mini 5 Pro може да обезбеди дури и подобри резултати од Air 3S (2024), со појасни портрети одблиску, повидливи детали во сенки и поумерена обработка на зеленило. Дополнителен бонус е зголеменото траење на батеријата – 36 минути лет со стандардна батерија (наспроти 34 кај Mini 4 Pro), без зголемување на тежината над клучната граница од 250 g. Со „Intelligent Flight Battery Plus“, која сепак нема да се продава во Европа, траењето достигнува 52 минути, што е рекорд во серијата Mini.

Во делот на безбедноста, Mini 5 Pro ја презема технологијата од Air серијата, вклучувајќи напредно избегнување пречки при слаба светлина со LiDAR, што му овозможува полесна навигација и враќање дури и без GPS сигнал. Брзината на искачување е удвоена – 10 m/s, а хоризонталната максимална брзина е зголемена на 42 mph (во споредба со 36 mph кај Mini 4 Pro).

Камерата добива и нови можности: 4K120 видео, поширок ISO опсег (до 12800), како и 48mm Med-Tele режим, што претставува дигитален зум инспириран од Air. Иако тоа не е вистинска телефото леќа, DJI ветува употребливи резултати. Дронот располага и со 42 GB внатрешна меморија, а новиот Wi-Fi 6 обезбедува брз трансфер до 100 MB/s.

Од Mavic 4 Pro, Mini 5 Pro наследува кардан со ротација до 225°, а од DJI Flip – можност автоматски да се вклучи при отворање на краците. Сепак, QuickShots маневрите остануваат достапни само со контролер.

Она што претставува проблем е достапноста: во САД дронот официјално нема да се продава, иако може да се најде во ограничени серии кај независни трговци, со ризик царината да ги блокира. DJI сепак истакнува дека гаранцијата важи, во зависност од условите на купување.

Цената официјално ќе изнесува: 769 $ во Канада, 689 £ во Велика Британија, 798 € во Европа и 106.700 ¥ во Јапонија. Тоа значи дека DJI ја задржува ценовната политика без поскапувања, а евентуално повисоките цени во Америка ќе бидат резултат на увозни давачки.

DJI Mini 5 Pro ќе биде достапен во пакети со додатоци, контролери со екрани и повеќе батерии. Важно е да се нагласи дека пропелерите, ND филтрите и батериите се нови и некомпатибилни со Mini 4 Pro – иако батериите од постари модели може физички да се вклучат, DJI не го препорачува тоа.

„Content“ креаторите веднаш излегоа со квалификации, тестови и сл:

iOS 26 носи свежи можности и визуелни подобрувања за iPhone, но голем дел од нив не се активираат автоматски – корисникот сам мора да ги вклучи. Еве ги осумте најкорисни settings што вреди да ги пробате веднаш по update-от.

1. Adaptive Battery Mode

Достапно на iPhone 15 Pro и понови, овој режим користи Apple Intelligence за динамично управување со потрошувачката. Автоматски го намалува brightness, ги оптимизира background процесите и заштедува енергија без агресивно гасење функции. Активирање: Settings > Battery > Power Mode.

2. Call Screening

Сите модели со iOS 26 добиваат call filtering. Под Settings > Phone можете да изберете: Classic (off), Silence Unknown Callers или Ask Reason, каде iPhone го прашува повикувачот за причината и ви прикажува transcript пред да одлучите дали да одговорите. (Засега не работи добро на локални јазици).

3. Нови Ringtones

Apple додаде неколку нови ringtones, меѓу кои шест варијации на „Reflection“ и новиот „Little Bird“. Лоцирајте ги во Settings > Sounds & Haptics > Ringtone.

4. Disable “Liquid Glass” Effect

Ако не ви се допаѓа новиот transparent UI look, можете да го исклучите. Отидете во Settings > Accessibility > Display & Text Size и вклучете „Reduce Transparency“.

5. Custom iMessage Wallpapers

Сега можете да зададете wallpaper за секој iMessage разговор – од предефинирани (Water, Sky) до ваши сопствени фотографии. Корисниците на iPhone 15 Pro можат да генерираат и AI wallpapers преку Apple Intelligence.

6. Notification Summary за News Apps

Функцијата Notification Summary се врати за news и entertainment апликации (BBC, Netflix). При update ќе ви се појави екран за избор, а подоцна може да се прилагоди во Settings > Notifications > Scheduled Summary.

7. Transparent Icons

Ако ви се допаѓа „Liquid Glass“ стилот, сега можете да имате и transparent icons. На Home Screen притиснете и задржете → Edit > Customize > Delete, каде можете да изберете светол или темен transparency стил.

8. Lock Screen Upgrades

Новиот lock screen е многу пофлексибилен: можете да ја менувате големината на часовникот, да reposition widgets, да додадете Apple Music search, да користите spatial photo scenes за 3D depth ефект и да го адаптирате clock или widget според позадината.