Денес времето во Македонија ќе биде сончево со мала локална облачност и со слаб до умерен ветер од западен и од северозападен правец. Максималните температури ќе се искачуваат во интервалот од 3 до 10 степени, вели нашиот метео прогнозер Славчо Попоски.

Во Скопје и околината времето ќе биде сончево со мала локална облачност. Ќе дува слаб до умерен ветер од променлив правец. Максималната температура ќе се искачи до околу 6 степени. Потоа од утре попладне па натаму времето ќе биде променливо облачно со повремени врнежи од дожд и снег на планините.

Поинтензивни врнежи ќе има во сабота, а ќе дува и умерен, повремено засилен ветер од југоисточен правец. температурите ќе бележат тенденција на пораст и ќе се искачуваат во интервалот од 7 до 14 степени, додека пониски температури ќе имаме за време на викендот и истите ќе се искачуваат во интервалот од 3 до 10 степени. за време на викендот врнежи од снег ќе има и на некои од повисоките места.

Известува Славчо Попоски за порталот Еспресо.мк

Под влијание на влажна и студена воздушна маса од север, денес времето во Македонија ќе биде облачно со повремени врнежи од дожд и снег на повисоките места и на планините. Во текот на денот и тоа поради заладувањето, услови за врнежи од снег ќе има и на некои од пониските места.

Ќе дува умерен, а Долж Повардарието засилен ветер од северен и од северозападен правец. Максималните температури ќе се искачуваат во интервалот од 0 до 9 степени.

Во Скопје и околината времето ќе биде облачно и студено со умерен до засилен ветер од северен и од северозападен правец. Ќе има услови и за локално проврнување на дожд и снег. Максималната температура ќе се искачи до околу 6 степени.

Потоа утре ќе има краткотрајно стабилизирање на времето и повеќе сонце. Наутро ќе биде студено со минимални температури кој ќе се спуштаат во интервалот од -8 до 2 степени, додека максималните ќе се искачуваат во интервалот од 2 до 10 степени.

Под влијание на влажен воздушен бран, од четврток попладне па натаму ќе има нови повремени врнежи од дожд и снег на планините.

Автор: Славчо Попоски

Денес времето во Македонија ќе биде сончево со умерена локална облачност. Претпладне по одделни котлини ќе има појава на слаба магла и на ниска облачност. Ќе дува слаб до умерен ветер од јужен и од југоисточен правец и истиот на некои места ќе засилува на интензитет. Во вечерните часови, и во текот на ноќта облачноста ќе се зголемува и во западните предели ќе има локални врнежи од дожд, а на високите планини врнежите ќе бидат од снег. Температурите ќе се искачуваат во интервалот од 7 до 14 степени, вели нашиот метео прогнозер Славчо Попоски.

Во Скопје и околината претпладнево ќе има појава на слаба магла и на ниска облачност, додека во текот на денот времето ќе биде сончево со умерена локална облачност. Во вечерните часови облачноста ќе се зголемува и во текот на ноќта ќе има услови за повремени врнежи од дожд. Ќе дува слаб до умерен, а попладне и навечер, како и во текот на ноќта повремено засилен ветер од јужен и од југоисточен правец. Температурата ќе се искачи до околу 9 степени.

Според Попоски, под влијание на ПОГОЛЕМ влажен бран, утре и во вторник времето во Македонија ќе биде облачно со врнежи од дожд и истите локално ќе бидат ПОИНТЕНЗИВНИ (над 30 л/м2), додека на повисоките планини ќе има врнежи од снег и таму ќе се формира нова снежна покривка. Во текот на ноќта кон вторник, како и во вторник поради спуштање на студена воздушна маса од север, врнежи од снег ќе има и на повисоките места, а во вторник услови за врнежи од снег ќе има и на некои пониски места. Во вторник снежна покривка ќе се формира и на некои места со надморска височина од под 1000 метри.

Утре ќе дува умерен до засилен ветер од јужен и од југоисточен правец, додека во вторник истиот ќе го промени својот правец во северен. Температурите ќе се искачуваат во интервалот од 6 до 14 степени, додека во вторник истите ќе бележат тенденција на ЗНАЧИТЕЛНО опаѓање и ќе се искачуваат во интервалот од 0 до 8 степени.

Пишува Славчо Попоски за порталот Еспресо.мк