Предмалку на ул. „11-ти септември“ во Кичево се случила сообраќајна несреќа помеѓу патничко моторно возило „бмв“ и „голф“ со кичевски регистарски ознаки. Несреќата се случила непосредно до детската градинка „Олга Мицеска“, додека причинета е само материјална штета, за среќа учесниците според за сега неофицијални информации се без сериозни повреди.

Од ударот едното патничко моторно возило изгубило контрола и преминало спротивно во зелена површина.

Полициски службеници на ОВР Кичево и Медицинска екипа на Општата Болница – Кичево беа излезени на терен. Повеќе информации очекуваме во текот на утрешниот ден од СВР Охрид.

– Инаку во текот на денешниот ден, пред неколку часа се случила и уште една сообраќајка во близина кај селото Колари кичевско, во која учествуваа четири патнички возила. Портпарол на СВР Охрид, Стефан Димовски за јавноста истакна дека и во таа сообраќајка, четири лица биле со полесни повреди, така што додека се вршеше увид во тој реон сообраќајот беше времено отежнат.

Упатуваме апел за поголемо внимание во сообраќајот.

Денес во 18:00 часот од страна на градскиот „Кеј“, пред општинската зграда во Кичево ќе се одржи четвртиот протест на револтирани граѓани за настанатата дива депонија која тлее доста време и шири непријатна миризба. Организаторите и кичевчани повторно ќе апелираат врз надлежните институции веднаш да се зафатат со решавање на долгогодишниот проблем – депонијата, која се наоѓа во градското подрачје, кај стар „Керамички Комбинат“.

Преку социјалните мрежи го повикуваат градоначалникот на град Кичево да ја земе иницијативата и да дојде на овој протест, за да соопшти дали овој проблем има конечен исход, односно негово решение.

Во меѓуредови упатуваат порака дека протестот не е партиски, не е национален ниту религиски, туку граѓански протест и дека се строго забранети партиски обележја.

– Протестот според изворот е закажан за денес 29 мај (четврток) од 18:00 часот

Фејсбук настан – ТУКА, последна објава ТУКА

Некои приказни не се раскажуваат. Некои лица никогаш не врескаат. Но насилството не бара бучава за да уништи. Токму затоа, здружението „Саншајн Кидс“ – Кичево го спроведе проектот „Be Her Voice“– гласот што зборува во име на сите жени што молчат зад затворени врати, зад телефон без пораки, зад поглед што премногу трпи.

Во време кога сè уште е тешко да се зборува за интимното партнерско насилство (IPV), без разлика на годините, оваа иницијатива направи чекор напред – со образование, пристап, храброст и акција. Преку работилници, интерактивни сесии и лични разговори, тие научија да го препознаат насилството, но и да зборуваат за него.

Алатка што може да спаси живот

Централниот производ на овој проект е нешто што досега го немавме, а е изработен од тимот на Саншајн Кидс: практичен и разбирлив IPV Toolkit – алатка за секојдневна
употреба, насочена кон жените, нивните другарки, наставнички, мајки и соседки. Овој водич нуди:

• Како да се препознае психолошко, емоционално и физичко насилство
• Кои се првите чекори кога не знаеш кому да се обратиш
• Каде да побараш помош, без осуда
• Како да помогнеш некому што страда, а не зборува

На финалниот настан кој ќе се одржи оваа сабота во 12 часот, Китино Кале овој Toolkit ќе биде официјално промовиран. Преку QR код поставен низ целиот простор, посетителите ќе можат веднаш да го преземат и – што е најважно – да го споделат на своите социјални мрежи под хаштаговите:

👉🏻 #BeHerVoice #BreakTheSilence #SheIsNotAlone

🎤 Настан што не се гледа – туку се чувствува

Финалниот настан нема да биде класична презентација. Тоа ќе биде искуство – комбинација од сведоштва, симболика, разговори и дигитална акција. Панел-дискусијата ќе вклучи експерти, наставници и институционалнни претставници. Ќе се зборува за се што се молчи и сцени што се повторуваат во илјадници домови.

– „Секоја жена заслужува живот без страв. А секој од нас има одговорност да не гледа настрана“– велат од Саншајн Кидс.

Институциите се клучот

Настанот е отворен за јавноста и граѓаните претставници од образованието, социјалните служби, здравствени установи, полицијата и локалната самоуправа. Нашата улога не е само да присуствуваме – туку да се вклучиме, да слушаме и да почнеме да дејствуваме.

Затоа: Не чекај. Не молчи.

Биди нејзиниот глас.
📍Китино Кале / 31 мај / 12:00ч
Контакт 📧: [email protected]
Facebook настан: ТУКА

/ПР