Кичево
„Станица Стража“ има потреба од дополнителен персонал за работа, ова се информациите
Реномираниот бренд „Станица Стража“ кој успешно работи тековно во годините, поради зголемениот обем на работа има потреба од повеќе персонал, односно на позициите „продавачи & жени за во кујна“, кои ќе бидат во редовен работен однос, осигурани од првиот работен ден, платен превоз, редовна плата (со можност за напредување), хранарина и одлични услови за работа.
Како што знаеме, се работи за мултифункционалниот објект и бренд кој е посетуван од многу посетители, познат по најубавото кафе, белите пецива, вкусен бурек, во лето незаменлив амбиентален простор и ладовина, додека во зима уникатен и природен снежен гламур, позициониран на превој „Стража“
Сите заинтересирани можат да контактираат повеќе на 076/355-400 ,а може и да дојдат во објектот директно.
Кичево
(ФОТО) ФК „Кичево“ вечерва во Охрид прикажа „спартанска“ игра и го победи домаќинот „Еврофудбал“, за прв пат под рефлектори!
Денес се одигра третото коло од детската лига во југозападниот регион, а нашите најмлади надежи од генерација 2014/2015 г. имаа можност за прв пат да играат натпревар во вечерните часови, односно под рефлектори на стадионот при СРЦ „Билјанини Извори“ – Охрид.
Натпреварот одигран против домаќините Еврофудбал заврши со победа на нашите момчиња од ФК „Кичево“ со резултат од 0:1. Стрелец на единствениот гол за нашата екипа беше Кристијан Николоски кој успешно се проби и прецизно стрелаше за 0:1 за својата екипа, прославувајќи со акробатска „ѕвезда“ атрактивно за голема радост на гледачите!
Максим Николаевски – тренер на ФК „Кичево“: Бевме сведоци на одлична игра, многу шанси и надигрувања. Нашата екипа имаше блескава игра и шанси за резултатот да биде поубедлив против тимот кој е еден од водечките во оваа генерација, додека мрежата ја зачувавме без примен гол на втор натпревар по ред. Честитам за пожртвуваноста на цел тим, со прикажана игра од ваков тип како денес, сигурен сум дека на сите дечиња им претстои блескава иднина, а нашиот клуб ќе го издигнеме високо на пиедесталот, впрочем тоа е и нашиот стремеж.
Галерија преку нашиот објектив:
Кичево
Во кичевската населба „Иванидол“ пронајдена граната, ДЗС безбедно ја подигна и предаде
На 25.09.2024 во 23.00 часот во ОВР Кичево е пријавено дека во кичевската населба „Иванидол“ била пронајдена граната.
Од овластено лице од Дирекцијата за заштита и спасување, гранатата денеска (26.09.2024) била безбедно подигната и предадена за натамошна постапка, известуваат од МВР.
Кичево
Од денес во ЈЗУ „Општа Болница“ – Кичево за прв пат започнува со работа долгоочекуваната „Стручна комисија за давање наод, за нега од друго лице“, нема веќе чекање и поаѓање во друг град
Од денес благодарение на новото раководство на чело со директорката Д-р Маја Цветановска-Трајкоска, со заложби на Министерството за здравство но и Министерството за труд и социјана политика, во Кичево стартува со работа „Стручна комисија за давање наод, оцена и мислење за потребата од помош и нега од друго лице“
– Комисијата ја сочинуваат тројца доктори специјалисти од нашата болница, соодветни спрема бараните и потребни специјалности. Комисијата ќе работи два пати неделно во просториите на болницата, во попладневните часови, по претходно закажани темини преку „Мој термин“. Нашите сограѓани досега за оваа услуга чекаа со месеци со поаѓање во други градови, а сега ќе имаат можност да ја искористат приликата во сопствениот град, за Порта.мк истакна директорката Цветановска Трајкоска.
- Од 1-ви октомври во нашата болница ќе започнат да доаѓаат доктори од „ЈЗУ УГАК“ и „ЈЗУ Општа Болница Охрид“, специјалисти гинеколози-акушери, при што ќе се отвори можноста за опслужување на сите родилки од нашиот град и пошироко, како и можноста за извршување на сложени гинеколошки операции. Со овие достапни услуги, пациентите нема веќе да мора да патуваат и ваквите услуги да ги бараат во останатите болници, додека во тек е и отварањето на нова специјалистичка гранка во нашиот град, Трудова медицина, која во соработка со повеќе специјалности од Општа Болница, ќе ги опслужува потребите на сите граѓани на Кичево, од типот на издавање на лекарски уверенија за професионални шофери, оружје итн, заврши Цветановска Трајкоска.
– „ЈЗУ Општа Болница Кичево“, водена од директорката и менаџерскиот тим, исто така ќе работат во следниот период за воведување на нови процедури и дијагностики, со една битна цел а тоа е најважното – навремено дијагностицирање и третман на пациентите на нашиот град!
– Упатуваме честитки, Кичево и кичевчани заслужуваат подобро здравство, модернизација, внимание на пациентите и нега, се надеваме дека ова е само почеток и дека народот штотуку почна да ги гледа промените на подобро!
-
Хороскоп24 часа
Хороскоп за сабота (28 септември)
-
Кичево1 час
(ФОТО) ФК „Кичево“ вечерва во Охрид прикажа „спартанска“ игра и го победи домаќинот „Еврофудбал“, за прв пат под рефлектори!
-
Временска прогноза13 часа
Од ноќеска, односно утре нагла промена на времето и пад на температурите
-
Култура7 часа
(ФОТО) Славата на светиот Крст во преубавиот Манастир Свети Великомаченик Георгиј Победоносец во Рајчица
-
Македонија6 часа
Фудбалската федерација на Македонија најостро го осудува нападот на претседателот Сејдини
-
Магазин1 ден
Snapdragon 8 Gen 4 носи до 56% побрз графички процесор благодарение на јадрото Adreno 830 на 1,15 GHz
-
Магазин1 ден
Gmail сега ви помага да пишувате контекстуално подобри одговори со помош на Gemini AI
-
Магазин1 ден
Google Search го открива потеклото на сликите генерирани со вештачка интелигенција