Спорт
Судиска анализа за 26-то, односно 23-тото коло во првата и втората македонска фудбалска лига, ова се проценките..

На натпреварите од 26 коло на ПРВА МФЛ немало спорни ситуации за судиска анализа, така што Судиската анализа на 23 коло од ВТОРА МФЛ за сезона 22/23 ги донесе следните заклучоци:
На натпреварот ФК Гостивар –ФК Тетекс одигран на 08.04.2023 година анализирани се ситуациите од 2, 3 и 34 минута.
Главен судија: Дејан Младеновски Помошен судија: Петар Новачев и Роберт Црвенов.
2 минута: ИСПРАВНА ПРОЦЕНКА НА ГЛАВНИОТ СУДИЈА (Доделен ЦРВЕН КАРТОН)
Играч од екипата на домаќините додаде топка до свој соиграч, пред да ја прими топката, голманот на гостите надвор од својот шеснаесетник ја фати топката со раце и го спречи играчот на домаќините да игра со неа наоѓајки се во очигледна шанса за гол.
Исправна одлука на главниот судија, досуден слободен удар за домаќините и доделен ЦРВЕН картон за голманот на гостите, поради спречување очигледна шанса за гол (ја фати топката со раце надвор од својот шеснаесетник).
3 минута: ИСПРАВНА ПРОЦЕНКА НА ГЛАВНИОТ СУДИЈА (Доделен ЦРВЕН КАРТОН)
Во прекин на игра, играч од екипата на гостите незадоволен од одлука на судијата прави неспортски и некоретен потег,му го зема црвениот картон од рака на судијата и фрла на земја.
Исправна одлука на главниот судија, доделен ЦРВЕН картон за играчот на гостите, поради неспортски и некоректен потег кон судијата (земање од рака картон на судија и фрла на земја картонот)
34 минута: ИСПРАВНА ПРОЦЕНКА НА ГЛАВНИ СУДИЈА (Недосуден удар од 11 метри)
Играч на домаќините додаде топка кон свој соиграч во шеснаесетникот на гостите, пред соиграчот да ја прими топката играш од одбраната на гостите преви лизгачки старт, притоа прв ја удира топката и потоа доага до контакт со играчот од нападот на домакините.
Исправна одлука на главниот судија што не досуди удар од 11 метри за екипата на домакините, бидејки играчот од одбраната на гостите прв доага до топката и ја удира, меѓутоа главниот судија погреши што досуди индиректен слободен удар и додели жолт картон за играчот од нападот на домакините поради симулација. Играчот од екипата на домакините не направи никаков неспортски потег за симулација за пенал.
На натпреварот ФК Борец –ФК Детонит одигран на 08.04.2023 година анализирани се ситуациите од 50 87 минута.
Главен судија: Контантин Влахо Помошен судија: Бесарт Абдули и Александар Николоски.
50 минута: ИСПРАВНА ПРОЦЕНКА НА ВТОРИОТ ПОМОШЕН СУДИЈА (Досудено офсајд позиција)
Играч од екипата на гостите центрираше топка во шеснаесетникот на домаќините, негов соиграч кој во моментот на центаршутот се наоѓаше пред предпоследниот играч од одбраната на домаќините постигна гол со глава.
Исправна одлука на вториот помошен судија, голот за екипата на гостите е поништен и досудено е офсајд позиција, бидејки играчот од екипата на гостите при центрирањето на топката спрема него се наоѓаше во недозволена позиција (пред предпоследниот играч од одбраната на домаќините).
87 минута: ИСПРАВНА ПРОЦЕНКА НА ВТОРИОТ ПОМОШЕН СУДИЈА ( Не досудено офсајд позиција)
Играч од екипата на гостите ја имаше топакта во свој посед странично од голот на домакините и надвор од шеснаесетникот, ја додаде топката до свој соиграч кој во момент на додавањето се наоѓаше во иста линија со играчот што му ја додаде топката, истиот центрираше и друг соиграч постигна гол.
Исправна одлука на вториот помошен судија, голот е регуларен, бидејки играчот од екипата на гостите при примањето на топката од својот соиграч и центрирањето на топката се наоѓаше во линија со својот соиграч.
На натпреварот ФК Пехчево–ФК Арсими одигран на 08.04.2023 година анализирани се ситуациите од 28 и 90 минута.
Главен судија: Владимир Ѓорѓиевски, Помошен судија: Петар Степаноски и Дарко Василевски , 4-ти судија: Миле Лазов.
28 минута: ПОГРЕШНА ПРОЦЕНКА НА ГЛАВНИОТ СУДИЈА, ПРВИОТ ПОМОШЕН СУДИЈА И 4-ТИОТ СУДИЈА (Доделен жолт картон на погрешен играч, односно не доделен втор жолт-ЦРВЕН картон на играчот што го прави прекршокот)
Играч од екипата на гостите беше во посед на топката странично од голот на домаќините и во ветувачка акција,пред шеснаесетникот истиот беше повлечен за дрес од страна на играчот со бр 17 од екипатата на домаќините, кој за овој старт требаше да добие втор жолт-ЦРВЕН картон.
Главниот судија во соработка со првиот помошен судија и 4-тиот судија носат погрешна одлука, бидејки по направениот прекршок од играчот со бр 17 од екипата на домаќините кој требаше да добие втор жолт односно автоматски црвен, главниот судија во соработка со првиот асистент и четвртиот судија погрешно го детектираат играчот и доделуваат жолт картон на погрешен играч со бр.14.
90 минута: ПОГРЕШНА ПРОЦЕНКА НА ГЛАВНИОТ СУДИЈА (Доделен ЦРВЕН картон)
Играч од екипата на гостите пред својот шеснаесетник ја имаше топката во свој посед, играч од екипата на домаќините направи лизгачки старт со една нога странично и ниско на ногата на противникот каде целта му е топката , меѓутоа направи прекршок.
Погрешна одлука на главниот судија што додели ЦРВЕН картон, во оваа ситуација главниот судија требаше да додели жолт картон, бидејки лизгачкиот старт на играчот на домаќините беше странично и ниско на ногата на противникот иако целта на играчот беше да игра со топката..
На останатите натпревари од ВТОРА МФЛ немаше спорни ситуации за судиска анализа.
Спорт
Маркез доминираше денес за големата награда на Унгарија на уникатната патека „Балатон Парк“

Шпанецот Марк Маркез, возач на Дукати, извојува убедлива победа на денешната трка за Големата награда на Унгарија, возена на патеката Балатон Парк. Маркез ја помина целната линија со време од 42:37,68, обезбедувајќи ја својата 98-ма победа во кариерата во сите класи на Мото ГП шампионатот. Овој триумф во Унгарија воедно е и негов десетти во тековната сезона во „кралската класа“.
На второто место заврши Педро Акоста, исто така од Шпанија, кој вози за тимот на Ред Бул, со заостанување од 4,314 секунди зад Маркез. Италијанецот Марко Бечеки, возач на Априлија, се пласираше трет, со заостаток од 7,488 секунди.
Во генералниот пласман, Марк Маркез води убедливо со 455 поени, пред неговиот брат Алекс Маркез од тимот Гресини Рејсинг, кој има освоено 280 поени.
Следната трка од календарот на Мото ГП ќе се одржи на 7 септември, кога ќе се вози Големата награда на Каталонија.
Спорт
Роналдо стана единствен фудбалер во историјата кој постигнал најмалку 100 голови во четири различни клубови

Кристијано Роналдо (40) зад себе има импресивна голгетерска кариера – 450 голови за Реал Мадрид, 145 за Манчестер Јунајтед и 101 за Јувентус, пред неодамна да го постигне и својот 100-ти погодок во дресот на Ал Наср, клуб на кој му се приклучи во декември 2022 година.
Со тоа, Роналдо стана единствениот фудбалер во историјата што постигнал најмалку 100 голови за четири различни клуба. Досега, само Исидро Лангара, Ромарио и Нејмар имаат по 100 голови за три клуба.
Јубилејниот 100-ти гол за Ал Наср Роналдо го постигна во финалето на Саудискиот Суперкуп против Ал Ахли, реализирајќи пенал во 40-тата минута. Натпреварот заврши 2-2 во регуларното време, а иако Португалецот беше прецизен и во пенал-серијата, Ал Ахли славеше со 5-3 и го освои трофејот.
Спорт
Утре започнува првото коло во втората македонска фудбалска лига, според новите правила само шампионот обезбедува место во ПМФЛ

Утре од 17:00 часот стартува новата сезона во Втората македонска фудбалска лига со натпреварите од првото коло. Сезоната 2025/2026 се очекува да биде една од највозбудливите и најнепредвидливите досега. Дополнителна доза на неизвесност носат и промените во системот на натпреварување – од следната сезона лигата ќе брои две екипи помалку, а изменети се и правилата за промоција и испаѓање.
Според новите правила, само шампионот директно обезбедува место во Првата МФЛ. Тимовите што ќе завршат на втората и третата позиција ќе играат бараж за влез во елитата.
Најдраматичната борба, сепак, се очекува на дното од табелата: четирите последно пласирани екипи директно испаѓаат, додека тимовите од 9. до 11. место ќе мора да одиграат бараж-дуели со прваците од Третите лиги за опстанок.
Како главен фаворит за првата позиција и директна промоција се истакнува штипска Брегалница, но во борбата за елитата се вбројуваат и Беласица, Скопје, Шкендија Арачиново и Детонит Плачковица. Сепак, амбиции за висок пласман имаат сите клубови, особено со оглед на тоа што секој бод може да биде клучен за избегнување на испаѓање.
Сите натпревари ќе бидат достапни во живо преку YouTube-каналот на ФФМ.
Распоред за 1. коло – Втора МФЛ (23 август, 17:00 часот):
-
Вардар Неготино – Тетекс
-
Брегалница 2008 – Кожуф
-
Новаци – Победа
-
Каменица САСА – Осогово
-
Преспа – Шкендија Арачиново 77
-
Охрид Лихнидос – Беласица
-
Скопје – Слога 1934
-
Големо Коњари – Детонит Плачковица
Извор: ФФМ (Фудбалска федерација на Македонија)
-
Кичево2 дена
Кичево: Најавени градежни работи кон месност Крушино, за тоа време ќе има времен прекин на сообраќај
-
Хороскоп1 ден
Хороскоп за недела (24 август)
-
Временска прогноза1 ден
Попоски со нова метео анализа, септември надпросечно топол
-
Хроника2 дена
Уште една трагедија на македонските патишта, загина украинец пешак, го удрил жител на Косово од Германија
-
Хороскоп4 часа
Дневен Хороскоп за понеделник (25 август)
-
Lifestyle2 дена
Како да ја направите вашата орхидеја да расцвета: 4 корисни совети
-
Спорт1 ден
Роналдо стана единствен фудбалер во историјата кој постигнал најмалку 100 голови во четири различни клубови
-
Гејминг2 дена
Fortnite повторно достапен на iOS во Австралија