Социјални мрежи
„Тик Ток“ со нова опција и видеа до 3 минути

Платформата ТикТок, која првенствено ја користат тинејџери и млади, таа како што знаеме е меѓу првите која го воведе трендот на кратки видео содржини. Во моментов, ограничувањето на должината на видеото е 60 секунди. Сепак, наскоро должината на видеото на платформата ТикТок ќе биде три минути!
Ова беше објавено во официјална порака од Дру Кирххоф, менаџер на производи за ТикТок. Тој изјави дека креаторите на содржината разговарале долго и интензивно со претставниците на компанијата и дека благодарение на нивните повратни информации била донесена одлука за продолжување на максималното времетраење на видеото трипати, односно до три минути.
Главната забелешка што ја дадоа креаторите на содржини е дека во пракса тие секогаш мора да споделуваат видео содржина затоа што е многу тешко да кажете сè што сакате за само една минута, така што огромен број видеа имаат свој втор и трет дел (дел 2, дел 3) После тоа, тестирањето на оваа функција беше спроведено во затворен круг, а по позитивни реакции беше донесена одлука за воведување подолга видео содржина на платформата ТикТок.
На овој начин, корисниците веќе нема да бидат „принудени“ да гледаат неколку видеа по ред, и ќе поминуваат повеќе време во рамките на апликацијата, што отвора бројни можности за „ТикТок“, бидејќи визијата на компанијата е да го зголеми ангажманот во рамките на апликацијата „Тикток“.
Новата опција се очекува да стане достапна за корисниците ширум светот во фази, по региони.
Социјални мрежи
„WhatsApp“ воведува превод на пораки директно во апликацијата

„WhatsApp“ почна да воведува нова функција што им овозможува на корисниците да преведуваат пораки директно во разговорите, достапна за „Android“ и „iPhone“. Преводот се врши локално на уредот, што значи дека пораките остануваат енкриптирани и „WhatsApp“ нема пристап до нивната содржина.
Функцијата може да се користи во приватни разговори, групи и канали. За превод на пораката, корисникот треба само долго да ја притисне и да избере „Преведи“.
Покрај поединечните преводи, корисниците на „Android“ можат да активираат и автоматски превод за целиот разговор, па сите идни пораки ќе се прикажуваат на избраниот јазик веднаш.
Според официјален блог-пост на компанијата, целта на новата функција е да се олесни комуникацијата меѓу повеќе од три милијарди корисници во над 180 земји, без оглед на јазичните бариери.
Функцијата е веќе достапна на „Android“ и „iPhone“. На Android се поддржани шест јазици: англиски, шпански, хинди, португалски, руски и арапски. На „iPhone“, пак, корисниците можат да преведуваат на арапски, холандски, англиски, француски, германски, хинди, индонезиски, италијански, јапонски, корејски, мандарински, полски, португалски, руски, шпански, тајландски, турски, украински и виетнамски.
Сè уште не е познато кога функцијата ќе стане достапна на „WhatsApp Web“ или на десктоп апликациите за „Windows“ и „Mac“, објави TechCrunch.
Социјални мрежи
Корисниците во повеќе европски земји, како и кај нас пријавија потешкотии при користење на „Google, Gmail“ и останатите сервиси

Корисниците во повеќе европски земји, особено во Југоисточна Европа, Турција и Кавказ, се соочуваат со сериозни потешкотии при користење на услугите на „Google“, како што се „Gmail, YouTube, пребарувачот, Google Maps“ и други.
Првичните пријави за проблеми почнаа да се појавуваат на „Downdetector“ и социјалните мрежи од земјите од Југоисточна Европа, а набрзо потоа стигнаа извештаи и од Турција и Кавказкиот регион. За среќа овој проблем се чини дека е веќе надминат и се е вратено во нормала.
Прекини беа забележани во вкупно 24 држави, меѓу кои Македонија, Србија, Турција, Грција, Бугарија и Романија. Сепак и во САД и Западна Европа се регистрирани помали потешкотии.
Причината за прекинот засега останува непозната, а од Google сè уште нема официјален коментар.
Социјални мрежи
„WhatsApp“ со нови функции за подобрено корисничко искуство

WhatsApp неодамна претстави неколку новини кои треба да ја подобрат комуникацијата и интеракцијата меѓу корисниците, особено во деловите „Четови“, „Повици“ и „Ажурирања“. Овие нови можности ќе се појавуваат постепено кај корисниците на Android и iOS во наредните недели.
Една од најзабележливите промени е воведувањето на анимирани емоџиња, кои додаваат живот и израз на разговорите. Дополнително, корисниците сега можат да креираат сопствени анимирани налепници користејќи видеа, што претставува нов и креативен начин на изразување преку пораки.
Новитет има и кај аватарите – можно е споделување налепници со аватари во приватни разговори со луѓе што исто така користат аватари.
Процесот на создавање групи е поедноставен – доволно е само да се внесе името на групата, а додавањето членови или споделување на покана може да се направи подоцна.
Кај споделување повеќе фотографии или видеа одеднаш, корисниците сега можат да стават заеднички опис за целата колекција, а примачите можат да реагираат или одговорат на секоја поединечно или на сите заедно.
Во видео повиците, додадени се шест нови филтри и шест визуелни ефекти кои го збогатуваат визуелното искуство, како за самите повици, така и за фотографиите направени за време на повикот.
Кај каналите, администраторите сега можат да додаваат слики во анкетите, што ги прави попривлечни и поангажирачки. Исто така, корисниците имаат можност да ги означат со ѕвезда омилените објави за полесно да им пристапат подоцна.
Ажурирањата на статусите се надградени – сега може да се означат цели групи, не само индивидуални контакти. Секој член на означената група ќе добие известување и ќе може да го сподели статусот на својот профил.
-
Кичево1 ден
Кичевските бербери на состанок одлучија да ги поскапат нивните услуги
-
Кичево12 часа
Ноќеска „ТППЕ Кичево“ со полни раце работа, спречен поголем пожар во населба „Девеана“
-
Хороскоп2 дена
Хороскоп за вторник (7 октомври)
-
Хороскоп24 часа
Хороскоп за среда (8 октомври)
-
Македонија9 часа
Прилеп: Традицијата продолжува, на 11-ти октомври на „Авто слалом“, кичевчанецот Кристијан Бојоски во нов поход кон пиедесталот на награди!
-
Македонија2 дена
Целосно затворен патен правец Велес-Тетово помеѓу Волково и Кондово, истиот ќе се одвива двонасочно поради градежни работи
-
Хроника1 ден
По долга и тешка болест почина познатиот пејач – Халид Бешлиќ
-
Технологија1 ден
„Snapdragon X2 Elite Extreme“ новото „чудовиште“ од процесор на „Qualcomm“ за најмоќните лаптопи и премиум мобилни телефони