Алтернативите за млеко од растително потекло варираат доста по вкус, но изборот на млеко од овес, соја, кокос или бадем прави разлика кога станува збор за калориската вредност.

За оние кои внимаваат на дневниот внес на калории, бадемовото или кокосовото млеко е најдобрата опција бидејќи тие содржат само 13 до 21 килокалории (kcal) по децилитар, според податоците на германскиот советодавен центар за потрошувачи.

Треба да се има на ум дека ова се однесува само на незасладените пијалоци.

Бадемовото и кокосовото млеко исто така содржат помалку масти од кравјото.

Содржината на маснотии во полномасното млеко е 3,5 проценти, со околу 65 kcal на децилитар.

Обезмастеното млеко со содржина на маснотии од 1,5 отсто содржи околу 45 kcal на децилитар.

Ако не консумирате кравјо млеко, сакате да внесувате протеини во телото, млекото од соја е вистинскиот избор за вас, покажуваат податоците на германскиот институт Макс Рубнер, владина истражувачка агенција фокусирана на исхраната.

Млекото од соја, кое во просек содржи 38 kcal на децилитар, има подобар „квалитет на протеини“ во споредба со млекото од овес и бадем, открија истражувачите на овој Институт, а тоа го припишуваат на високиот удел на есенцијални амино киселини во млекото од соја.

Подобриот квалитет на протеините значи дека телото полесно ги обработува протеините од млекото од соја.

Бидејќи овесното млеко е направено од житарки, содржи многу јаглени хидрати и малку протеини.

Овесното млеко содржи 46 kcal на децилитар, што е највисоко во споредба со сите алтернативи на млеко од растително потекло, испитани од германски експерти.

Растителните млека за баристите често се користат за да се постигне што повеќе пена бидејќи обично содржат уште повеќе калории и масти, предупредуваат од Институтот.

Извор: N1Info

Совршените вкусови на овој шумски деликатес ни се на располагање во моментов и едноставно не можеме да го пропуштиме.

Варени или печени, солени или слатки, костените се секогаш вкусни, па ако во близина немате специјална тава за костени, еве еден практичен совет.

Дали сте од оние луѓе кои едвај чекаат костените да заземат стратешки места во вашиот град, а потоа да не освојат со нивните прекрасни есенски мириси?

Ние сме, о да… И затоа, еве еден краток совет како да го направите истото, а можеби и подобро, дома, бидејќи освен тоа што се многу фини, постојат многу причини зошто имаме почесто да јадете костени.

За почеток, не ризикувајте непотребни повреди со тапи ножеви и сечење на кората на крстови или кругови, потребна ви е само една долга линија по целиот костен и тоа се прави со назабен нож за леб.

После тоа, во тенџере со вода ставете ги костените . Вклучете ја топлината и варете додека не зоврие водата, а потоа исцедете ги, ставете ги во сад за печење и печете ги на 220 степени 20 до 25 минути . Кога ќе бидат готови, завиткајте ги во кујнска крпа и оставете ги да одморат неколку минути.

Погледнете ги другите трикови во видеото! Пријатно. 

Студиите за врската помеѓу кафето и депресијата покажаа дека луѓето генерално имаат поблаги симптоми на депресија кога пијат кафе. Еве како тоа го објаснија научниците.

Кофеинот е стимуланс кој се наоѓа во храната и пијалоците како кафето, па може да ни даде енергија и чувство на возбуда. Токму затоа научниците решиле да ја истражат поврзаноста помеѓу кафето и депресијата, што покажало дека луѓето генерално имаат поблаги симптоми на депресија кога пијат кафе.

Бројни студии за ефектите на кафето врз телото открија и други позитивни придобивки, како што е намалување на ризикот од развој на рак или мозочен удар. Пиењето кафе може да го намали и ризикот од развој на деменција и Паркинсонова болест, пишува 24sata.

Заштитните соединенија присутни во зрната кафе, заедно со ефектите на кофеинот, можат да ги подобрат нашите ментални когнитивни способности и да ја намалат веројатноста за развој на Алцхајмерова болест.

Депресијата погодува милиони луѓе, а сериозноста на симптомите варира од личност до личност. Некои од најчестите симптоми вклучуваат губење на интерес за активностите во кои некогаш сте уживале, тешкотии со концентрирање и недостаток на енергија.

Се чини дека пиењето кафе им помага на луѓето на кои им е дијагностицирана депресија. Сепак, тоа не значи дека кафето треба да стане постојан дел од вашата исхрана. Иако има одредени здравствени придобивки од пиењето кафе, има и негативни страни од прекумерното консумирање кафе.

Кофеинот стана незаменлив меѓу работниците и студентите кои бараат дополнителна енергија за да ги завршат своите задачи. Американската агенција за храна и лекови (ФДА) смета дека четири шолји кафе со обична големина се генерално безбедни. Сепак, пиењето кафе може да предизвика несакани ефекти како што се немир, забрзан пулс и несоница.

Извор: N1Info