Спорт
Турската репрезентација убедлива на свој терен против своите врсници од Македонија до 15 години во фудбал

Младата репрезентација на Македонија до 15 години беше убедливо поразена од соодветната селекција на Турција во рамките на првиот контролен натпревар одигран помеѓу овие две селекции.
Во Истанбул, домашната селекција одигра одличен меч, особено во првото полувреме, беше подобар противник и забележа убедлива победа со резултат од 4:0.
На оваа контролна средба, избраниците на селекторот Драган Начески пропуштија неколку добри прилики за постигнување гол.
Нашите млади фудбалери одиграа далеку подобро второто полувреме, во кое наметна своја игра и создадоа неколку добри можности за гол.
Во 55. минута Георгиевски испрати одличен удар, кој беше скротен од голманот на Турција. Три минути подоцна во нова добра можност се најде Петковски, но домашниот голман одново успеа добро да интервенира. Темелков во 70. минута се најде во добра ситуација, но топката во последен момент беше расчистена пред гол линијата. Џангаровски во 76. минута одлично биеше од слободен удар, но не успеа да погоди. Во 80. минута Селими се најде во добра ситуација, но неговиот удар во последен момент беше изблокиран од противничкиот играч
Македонија: Даријан Денковски, Горјан Петковски, Мартин Џангаровски, Антонио Атанасов, Михаил Митревски, Матеја Масев, Бленди Љачка, Андреј Цветковски, Фадиљ Исламовиќ, Ердин Мамути, Јаков Стојковски
Селектор: Драган Начевски
Спорт
Прв семинар на „ФФМ“ во Македонија за „ВАР“ обука и сертификација на судии под водство на „ФИФА“ инструктор

Фудбалската федерација на Македонија (ФФМ) за првпат организираше официјален ВАР семинар, што претставува важен чекор кон воведување на ВАР технологијата во македонскиот фудбал. Обуката беше предводена од познатиот ВАР инструктор Далибор Ѓурѓевиќ, кој има големо меѓународно искуство како ВАР судија и менаџер во неколку земји, меѓу кои Кипар, Русија, Саудиска Арабија и Белорусија.
Семинарот официјално го отвори претседателот на ФФМ, Масар Омерагиќ. Тој истакна дека еден од главните приоритети на федерацијата е развојот на професионален и квалитетен домашен фудбал. Омерагиќ порача дека исполнувањето на дадените ветувања е веќе на дело и очекува високо ниво на професионализам од сите вклучени во процесот.
Повеќе ќе прочитате на нивниот официјален линк од ФФМ, ТУКА
Извор: ФФМ
Спорт
Нејмар потпиша нов договор, сепак останува дома

Нејмар сепак реши да остане во Сантос уште шест месеци. Повиците од европските клубови ги остави зад себе, а љубовта кон клубот каде што започна неговата кариера повторно го поврза со Сантос, 12 години по неговото заминување.
Некаде во минатото се сметаше за наследник на Роналдо и Меси, но серијата повреди ја спречија таа приказна. И покрај сè, Нејмар останува еден од најдобрите фудбалери на оваа деценија, иако многумина ќе се запрашаат дали целосно ги исполни големите очекувања. Тој е единствениот фудбалер во 21. век кој се најде меѓу првите 10 за Златната топка додека играл во бразилска лига – и сега се врати таму каде што сè започна, барем до крајот на оваа година.
Откако го напушти ПСЖ во 2023 и замина во Ал Хилал, неговото време таму беше скратено поради сериозни повреди – настапи само трипати. Сега, во Сантос, повторно се чини дека ја враќа љубовта кон играта, но и понатаму се соочува со предизвици околу формата и физичката подготвеност.
Сепак, тој има амбиција да го засили својот настап и да остане здрав, со цел да игра за Бразил на Светското првенство следната година. До тогаш, неговото патување продолжува во Сантос – барем до Нова Година.
Спорт
Бенфика приреди вистинска сензација, Баерн беше поразен, но со втората позиција продолжува понатаму

Бенфика приреди вистинска сензација на Светското клупско првенство, совладувајќи го Баерн Минхен со минимални 1-0 во Шарлот и обезбедувајќи го првото место во групата Ц.
Заедно со нив, и германскиот тим се пласираше во следната фаза, додека Бока Јуниорс и Оукленд го завршија своето учество во оваа група. Стрелецот на победничкиот гол за португалскиот клуб беше Андреас Сјелдеруп, кој погоди по одлична контранападна акција во 13-тата минута.
Во меѓувреме, натпреварот меѓу Бока и Оукленд во Нешвил заврши нерешено 1:1, но беше прекинат во 54-тата минута поради предупредување за можна бура.
-
Хороскоп2 дена
Хороскоп за вторник (24 јуни)
-
Хороскоп17 часа
Хороскоп за среда (24 јуни)
-
Магазин1 ден
Најбрз домашен сладолед со само една состојка
-
Магазин1 ден
Летен десерт со само две состојки – готов за 5 минути!
-
Автомобили1 ден
Toyota го претстави првиот електрифициран Land Cruiser во Европа
-
Спорт16 часа
Бенфика приреди вистинска сензација, Баерн беше поразен, но со втората позиција продолжува понатаму
-
На денешен ден16 часа
Времеплов: На денешен ден – 25 јуни
-
Lifestyle5 часа
Дали навистина треба да се плашиме од семките од лубеница? Еве што се случува кога ќе ги проголтате