Спорт
(ФОТО) Кичево има надеж, Марко Божиноски веќе игра за У-15 фудбалска репрезентација на Македонија
Младите фудбалери од генерацијата 2009. од Академијата на ФФМ предводени од тренерот Драган Начевски започнаа со тренинзи.
Претходниот период, оваа млада генерација одржа два тренинг кампови во Кнежино кичевско и Дојран. Во периодот од 28. јули до 4. август беше одржан првиот тренинг камп во Кнежино. Од 7. август до 13. август беше одржан тренинг кампот во Дојран.
Главниот тренер на генерацијата на фудбалери родени 2009 година, Драган Начевски даде свој коментар и видување за младата селектирана генерација на фудбалери.
„Претходниот период го искористивме на најдобар можен начин за да се подготвиме што подобро за активностите што не очекуваат наредниот период. Одржавме два тренинг кампови во Кнежино и Дојран. Задоволен сум што имав можност да ги имам на располагање сите 28 деца кои се дел од Академијата на ФФМ“.
„Децата се заедно цело време и имаат можност да се запознаат многу подобро, да се дружат и социјализираат. Со нас имаме и спортски психолог кој е многу значаен фактор, посебно во овој период кога децата треба да се развиваат на правилен начин и во вистинска насока“.
„На овие тренинг кампови, акцентот беше ставен пред се на физичката подготовка на децата, но го искористивме периодот и да поработиме на техничко – тактичките идеи. Задоволен сум од посветеноста и ангажираноста на децата на овие подготовки. Овие фудбалери се сеуште млади, пред нив е долг пат, но верувам дека со вистински пристап и ангажираност од сите, можеме да создаваме нови одлични фудбалери кои ќе бидат носители во своите клубови и репрезентацијата во иднина“.
„Во Академијата на ФФМ, младите деца ги имаат сите предуслови да се развиваат, да учат кои се вистинските вредности и да станат одлични фудбалери. Проектот е базиран на тренинг програма која е усогласена целосно со УЕФА тренинг програмата, се со една цел, вистински и правилен развој на овие млади фудбалери. Децата се сместени во зградата на ФФМ академијата, каде што имаат извонредни услови за напредок. Имаат редовен организиран превоз до училиштата каде што следат настава, сместени се во ФФМ академијата, имаат три квалитетни оброци, ментор кој е задолжен за нивното однесуванње во училиштето и надвор од него“.
„На секој тренинг работат четири тренери (главен, помошен, финтес и тренер на голмани), физиотерапевт и доктор. Во текот на целата школска година имаме на распоред од 15 до 20 меѓународни натпревари против репрезентации и клубови, со цел децата континуаирано да напредуваат и да се подобруваат и после двегодишниот престој во Академијата да се вратат во клубовите многу подобри и со поголемо искуство. Верувам дека ова е вистинскиот начин генерално да се подигне квалитетот на македонскиот фудбал“.
„Во оваа генерација на млади фудбалери има огромен број на талентирани деца кои се надевам дека ќе станат идни репрезентативци. Од истата оваа Академија произлегуваат еден Елиф Елмас, Влатко Стојановски. Давор Здравковски, Милан Ристовски, кои се фудбалери со одлична меѓународна кариера и стандардни репрезентативци.
Ние од Кичево сме особено горди на нашето дете кое од рана возраст на свои 4 години тренира фудбал во својот матичен клуб ФК Кичево, а сега е веќе во академијата, односно ги брани боите на У15 македонската фудбалска репрезентација, Марко Божиноски преден везен играч.
Имено нашиот град од секогаш поседувал млади генерации деца кои имале вистински потенцијал за блескава фудбалска кариера, само треба многу труд, желба, ентузијазам и активна поткрепа од најблиските!
Само успеси момчиња, ние сме тука да го следиме вашиот чекор и во иднина! 👏
Среќно на следниот натпревар со вашите врсници од Турција!
Спорт
Официјално ФФМ го предаде проектот за изградба на западната трибина на стадионот Билјанини Извори во Охрид
Фудбалската федерација на Македонија (ФФМ) официјално го предаде проектот за изградба на новата западна трибина на стадионот „Билјанини Извори“ до Општина Охрид. На денешната средба во Охрид присуствуваа претседателот на ФФМ, Муамед Сејдини, членот на Управниот одбор на ФФМ, Тони Иваноски и претседателот на Општинскиот фудбалски Сојуз на Охрид, Цане Милошоски, кои остварија средба со градоначалникот на Охрид, Кирил Пецаков.
Новата западна трибина се очекува да има капацитет од 3.500 седишта и дополнителни простории, вклучувајќи 8 скај-боксови за ВИП зони. Ова е вториот инвестициски проект на ФФМ во стадионот во Охрид, по изградбата на источната трибина според меѓународни стандарди.
Покрај инвестициите на ФФМ, со овој договор Општина Охрид се обврзува да ги изгради и двете трибини зад головите, како и осветлувањето, со што стадионот ќе се трансформира во модерен спортски објект спремен за одржување на меѓународни натпревари, вклучувајќи ги и оние на македонската А репрезентација.
Со овој проект Охрид ќе стане значаен центар на фудбалот и со меѓународна спортска инфраструктура.
Спорт
Голгетерот Стефан Војчески од Кичево доби повик во младата репрезентација на Македонија до 16 години
Младата репрезентација на Македонија до 16 години (фудбалери родени 2009 година) ќе одиграат два контролни натпревари со соодветната селекција на Словенија, додека за прв пат во репрезентацијата заслужен повик доби и кичевчанецот Стефан Војчески (напад), каде своите почетоци му се во матичниот клуб ФК Кичево, а сега достојно ги брани боите на А.П Брера, каде од 5 натпревари до сега постигна 4 голови и практично е прв стрелец во тимот кој се натпреварува во Супер лигата.
– Да потсетиме Стефан беше апсолутен рекордер во својата генерација каде во регионалната лига постигна дури 50 погодоци во мрежата на противниците, ставајќи траен белег и неговото име влезе во историјата на клубот, а со тој ангажман освоивме прво место.
Доказ дека успешните изданија на теренот носат доверба и успех тоа го препозна македонскиот селектор Начески кој очекува блескав почеток на У16 во понатамошниот период.
Контролните натпревари ќе бидат одиграни на тренинг центарот „Петар Милошевски”, во Скопје.
Првиот меч на програмата е на 22. октомври, со почеток во 13. часот. Два дена подоцна ќе биде одигран и вториот контролен дуел на овие две репрезентации, во истото време.
Селекторот на младата репрезентација на Македонија до 16 години, Драган Начевски, за претстојните натпревари со Словенија, се одлучи да ги повика следните фудбалери:
ГОЛМАНИ:
Лука Грчевски Минералац, Србија
Амин Суљовиќ Парк
Даријан Денковски Македонија Ѓ.П.
ОДБРАНА:
Стефан Јорданоски Брера
Михаил Митрески Работнички
Матеја Масев Црвена Звезда, Србија
Аријан Рамадани Шкендија
Енсар Зеќири Австрија Виена
Антонио Атанасов, Работнички
Матеј Петков Илертисен, Германија
Горјан Петков Македонија Ѓ.П.
СРЕДЕН РЕД:
Јаков Ангелов Грос Умштад, Германија
Дарин Михајловски Работнички
Лука Трпевски Црвена Звезда, Србија
Фадиљ Исламовиќ Работнички
Андреј Цветковски Работнички
Ахмед Сејдини Работнички
Јоаким Горгиев А.П. Брера
НАПАД:
Стефан Војчески А.П. Брера
Ердин Мамути Работнички
Јаков Стојковски Падерборн, Германија
Вулнет Ахмети Шкупи
Спорт
(ВИДЕО) Судиската организација во ФФМ создаде најсовремена алатка за проценка на способноста на судиите за носење на правилна одлука под притисок
На есенскиот фитнес семинар за главни и асистенти судии кој Фудбалската федерација на Македонија го организираше минатата недела, за прв пат во фудбалската историја воопшто, беше спроведен комплетно автоматизиран тест кој интегрира високо интензивно трчање со донесување и анализа на судиска одлука.
Тестот кој беше имплементиран, всушност е иновација во фудбалското судење. Судиите кои беа дел од семинарот, станаа пионери во користењето на технологија, која дополнително ќе им помогне за подобро донесување одлуки во клучните моменти од натпреварите.
Во овој комплексен тест кој опфаќа звучни сигнали, видео клипови, апликација за донесување и анализа на одлука, прецизно движење во терен и други фактори, комплетно и отстрането човечкото влијание.
Судиите како и на натпревар потребно е навремено и оптимално да се позиционираат после одреден полигон до поставените екрани за да имаат можност да го видат видеото (инцидентот) кое автоматски стартува на одреден временски интервал.
По краткото видео кој се прикажува само еднаш, судиите е потребно во два наврати да донесат одлука:
првично преку мобилна апликација (која беше развивана во последните 15 месеци тука во Македонија и сега е надградена со дополнителни аналитички функции и се користи за потребите на УЕФА) со инстантни повратни информации, и втор пат користејќи ги картоните, реплицирајќи го процесот за време на вистински натпревар.
Сите одлуки се анализираат во рок од неколку минути по завршувањето на тестот, обезбедувајќи детален резултат на точни одговори за секој судија, придружени со соодветните видеоклипови. Видеоклиповите со поголем процент на неточни одговори веднаш се прегледуваат со технички инструктори и се дискутираат со судиите.
Фудбалската Федерација на Македонија преку националниот фитнес тренер интензивно учествуваше во УЕФА за креирањето на овој вид на тестирање кој претставува најсовремена алатка за проценка на способноста на фудбалските судии за донесување на правилна одлука под притисок, известуваат за јавноста од ФФМ.
-
Хороскоп2 дена
Хороскоп за понеделник (21 октомври)
-
Хороскоп23 часа
Хороскоп за вторник (22 октомври)
-
Кичево9 часа
Во ЈЗУ Општа Болница Кичево недостигал ехо апарат, случајот бил пријавен во МВР
-
Lifestyle10 часа
Кој е нормалниот крвен притисок според возраста?
-
Временска прогноза24 часа
Според „Европскиот“ и „Глобалниот“ метео модел најверојатно зимата доаѓа во почетокот на месец ноември, ова се информациите
-
Македонија1 ден
Од ноќеска пониска цена на горивата во Македонија
-
Lifestyle1 ден
Додадете две состојки во зелениот чај и направете моќен напиток: Го зајакнува имунитетот, ги топи килограмите
-
Магазин1 ден
Apple може конечно да го реши овој проблем