Во неделата исполнета со хуманост и дарување свој несебичен придонес дадоа и матурантите од здравствената струка од ОСУ ,,Мирко Милески” – Кичево и класниот раководител Нела Митреска кои самостојно собираа донации во нашиот град и ги подарија на Дневниот центар на лица со посебни потреби, Ковид центарот и најранливата категорија граѓани кои немаат основни средства за живот и сопствен дом.

– Благодарна сум што овие четири години имав можност да бидам дел од животот на овие деца. Пресреќна сум и горда што сите пораснаа и созреаа во прекрасни млади луѓе,со големо срце,секогаш спремни да помогнат.

– Сигурни сме дека овие млади луѓе и во иднина ќе продолжат со својата хуманост, за нашиот портал ексклузивно изјави класниот раководител на IV-9

Во оваа прилика упатуваме и голема благодарност до сите кои донираа, сите ученици, наставници од сите основни училишта, едноставно листата е голема, и сите издвоени објави се со цел да се поттикнат останатите и да се побуди хуманоста во поголема мерка.

Ова е гест за почит, дај боже секогаш да се помагаме вака!