Скопје
Универзитетската клиника за урологија стана лиценциран центар за поставување на уринарен сфинктер
Универзитетската клиника за урологија во Скопје, започна со изведување операции за вградување на вештачки уринарен сфинктер, нова процедура, која досега се спроведуваше само во странските и приватните медицински центри.
Интервенциите бea изведени од виш научен соработник д-р Огнен Ивановски. Првите две интервенции се изведоа под менторство на професор д-р Сергеи Владиславович Котов од Клиниката за урологија Пирогов во Москва, Русија.
Досега, изведени се вкупно 10 вакви интервенции, што ја вбројува Универзитетската клиника за урологија помеѓу ретките центри, кои се лиценцирани за изведување на овој тип нови процедури.

Во изминатава година, во однос на земјите од регионот, во Македонија се вградени најголем број уринарни сфинктери на пациенти кај кои е неопходна ваква интервенција. Операцијата на вградување сфинктер е целосно покриена од Фондот за здравствено осигурување на Р.С. Македонија и претставува нова услуга во јавното здравство.
Неконтролираното истекување на урина од мочниот меур (уринарна инконтиненција) најчесто се јавува после оперативно вадење на простатата поради карцином. Неволното истекување на урината најчесто се јавува при стоење или одење, а се интензивира при активности како кревање терет, смеење, кашлање или кивање. Оваа состојба во голема мера го нарушува квалитетот на живот на пациентот и претставува сериозен социјален и хигиенски проблем.

– „Повеќе од 10 месеци посветени сме на оваа нова процедура. Горди сме што можеме да понудиме решение на проблем за кој претходно пациентите беа принудени да патуваат во странство. Вградувањето на вештачкиот уринарен сфинктер е златен стандард за решавање на уринарната инконтиненција, особено кај пациенти по операција на простата. Оваа интервенција значително ја подобрува контролата на урината кај пациентите, за кои ова е комплетно решение“, вели д-р Ивановски, виш научен соработник на Универзитетската клиника за урологија во Скопје.
По стекнувањето на соодветна експертиза во странски центри, како што е работа на 3D испечатени модели на мала карлица во Турција, курсеви на кадавер, како и клинички стаж во Левен, Белгија, д-р Ивановски за првпат самостојно изведе операции за вградување на вештачки уринарен сфинктер кај 10 македонски пациенти.
– „Со воведувањето на оваа процедура, Универзитетската клиника за урологија, не само што ја проширува понудата на здравствени услуги во јавниот сектор, туку и го подобрува животот на пациентите, кои досега немале можност за третман на уринарната инконтиненција во рамките на земјава“, изјави директорот на Универзитетската клиника за урологија, д-р Башким Шабани.
– Карциномот на простата е најчесто дијагностицирана малигна болест кај мажите над 50-годишна возраст.
Се проценува дека 1,4 милиони мажи годишно го добиваат овој карцином, а 375.000 од нив умираат како директна последица од болеста, се вели во соопштението од Универзитетската клиника за урологија.
/ПР
Скопје
Утре и во среда посебен сообраќаен режим во Скопје
Утре и во среда посебен сообраќаен режим во Скопје поради официјална посета на претседателот на Република Словачка, Пелегрини и претседателката на Европската комисија, Урсула фон дер Лајен
На 14/15.10.2025 година (вторник и среда) во официјална посета на Република Македонија ќе присуствува претседателот на Република Словачка, Н.Е. г-дин Петер Пелегрини.
На 15.10.2025 година (среда) во официјална посета на Република Македонија ќе присуствува претседател на Европската комисија, Урсула фон дер Лајен. Од тие причини СВР Скопје – Единицата за безбедност на патниот сообраќај ќе преземе мерки за посебен режим на сообраќајот по сообраќајниците на поширокото централно подрачје на град Скопје.
СВР Скопје апелира до сите граѓани учесници во сообраќајот да се почитуваат наредбите кои ќе ги даваат униформираните полициски службеници, известуваат од МВР.
Скопје
Скопје со четиридневен регионален настан „Startup Revolution Summit.ai“, визионерите од светот на технологијата, претприемништвото и вештачката интелигенција на едно место
Подгответе се за нешто што досега не сме го виделе кај нас! Од 27 до 30 ноември 2025, Скопје ќе стане дом на „Startup Revolution Summit.ai“ – четиридневен регионален настан кој ќе ги собере на едно место визионерите од светот на технологијата, претприемништвото и вештачката интелигенција.
Во организација на „Стартап Клуб Скопје“, самитот ќе донесе над 1000 учесници од целиот регион – стартапи, инвеститори, истражувачи, студенти, фриленсери и AI ентузијасти. Програмата започнува во „Филхармонија“, каде ќе се одржат главните говори, панели и отварањето на самитот, а продолжува во „Македонска опера и балет“, каде ќе се одвиваат финалните настани, инвестициските презентации, startup showcase и големото затворање. Двете локации се култни институции во срцето на Скопје и ќе бидат центар на иновацискиот пулс што доаѓа. Очекувајте говорници од Европа и пошироко, практични сесии, инвеститорски средби, нетворкинг активности и содржини што ја отсликуваат новата бранова реалност која ја носи вештачката интелигенција во стартап светот.
Самитот е продолжение на успешната приказна зад наградуваниот подкаст „Стартап Револуција“, кој го создаде тимот на „Стартап Клуб Скопје“. Од аудио платформа до регионално движење, од разговори до активна заедница – сега оваа иницијатива кулминира во најголемиот самит за стартапи и AI во Македонија досега.
Ова не е само настан – ова е покана за сите кои сакаат да учествуваат во креирањето на технолошката иднина: дали си основач на стартап, AI практичар, истражувач, млад ентузијаст или едноставно љубопитен за трансформацијата што се случува пред нашите очи. Startup Revolution AI Summit ќе биде местото каде се поврзуваат идеи, луѓе и можности, создавајќи мост помеѓу регионот и глобалната сцена на иновации.
Покрај самитот, отворен е и јавниот повик за мапирање на регионалниот AI екосистем, посебна иницијатива со која се покануваат сите активни чинители од областа на вештачката интелигенција да се вклучат: стартапи, компании, инвеститори, фриленсери, истражувачи, академски институции и организации. Секој што ќе се пријави ќе биде дел од визуелна интерактивна мапа и специјален печатен буклет, кои ќе бидат промовирани на самитот и споделени со сите учесници.
Оваа мапа ќе служи како алатка за подобро вмрежување, регионално позиционирање и креирање нови партнерства. Ако си дел од AI екосистемот – приклучи се, остави свој белег и стани дел од историјата што заедно ја пишуваме.
Повеќе информации и пријави ТУКА
/ПР
Скопје
МВР: Старец во с.Љубин бил пронајден починат во неговиот дом, лекар на итна медицинска помош констатирал смрт
На 22.09.2025 во 17:43 часот во СВР Скопје е пријавено дека во неговиот дом во с.Љубин, скопско бил пронајден починат Ф.Ш.(79), а лекар од Итна медицинска помош констатирал смрт.
По насоки на јавен обвинител телото на починатиот било предадено на обдукција, известува МВР.
-
Кичево1 денУтре во НУЦК „Кочо Рацин“ – Кичево, се организира „Хуманитарен концерт“ на здружение на родители на деца со пречки во развој, да бидеме хумани!
-
Кичево4 часаВчера во кичевското с.Староец затекнат бил крушевчанец на криволов
-
Хороскоп2 денаХороскоп за петок (24 октомври)
-
Хороскоп18 часаХороскоп за сабота (25 октомври)
-
Македонија20 часаВисоки претставници на МВР денес беа во работна посета на ГП Блато и ОВР Дебар
-
Македонија1 денВо недела наутро започнува зимското сметање на време, со тоа што стрелките се враќаат еден час поназад
-
Македонија1 денАМСМ: Поради излетано тешко товарно возило, патот Скопје-Куманово кај Хиподром (обиколница) е во прекин
-
Мобилни уреди1 ден„Samsung Galaxy S26 Ultra“, се очекува да биде презентиран кон почеток на јануари идната година, супер моќен и елегантен мобилен телефон

