И оваа година во пресрет на уписите на првачиња во тековната 2023/2024 ви ги истакнуваме сите потребни информации од кичевските училишта поединечно. Ова е се што треба да знаете за вашето дете

ООУ „Д-р Владимир Полежиноски“ – Кичево го истакна следното соопштение. Во прво одделение се запишуваат ученици кои до крајот на календарската година ќе наполнат 6 години. По исклучок во прво одделение можат да се запишат деца кои до 31.01.2024 год ќе наполнат 6 години по претходно доставено барање од родител и добиено мислење од стручната служба во училиштето.

Потребна документација за упис:

• Фотокопија од извод од матична книга на родени
• Потврда за примени задолжителни вакцини
• Потврда за извршен стоматолошки преглед
• Потврда за извршен офталмолошки преглед.

– Потврдите треба да бидат издадени од надлежна здравствена установа.

Уписот на учениците ќе се врши во месец мај, од 02.05.2023 год. Пријавувањето на учениците може да се врши со физичко присуство или електронски преку веб страната ТУКА со пополнување на апликацијата за упис и прикачување на документите во скенирана форма.

По поднесеното барање за упис, родителите ќе бидат контактирани од страна на Комисијата во училиштето, со цел закажување на термин за проценка на детето за упис во прво одделение, додека родителите со себе треба да понесат документ за идентификација односно лична карта.

ОУ „Санде Штерјоски“ – Кичево – ќе запишува ученици во I-(прво) одделение за учебната 2023/2024 год во временски период од 02.05.2023 год (вторник) до 31.05.2023 год (среда) под следните услови:

1. Во прво одделение ќе се запишат сите деца кои до крајот на календарската година ќе наполнат шест години (да се родени 2017 год и сите деца родени до 31 јануари 2018  год, по претходно барање од родителот и добиеното мислење од педагогот и психилогот во училиштето)
2. При запишување потребен е извод од матична книга на родени со матичен број (не мора да е нов, но изводот да е оригинал и заверена фотокопија)
3. При запишување на детето во прво одделение родителот/старателот е должен да достави:

• потврда за примените задолжителни вакцини за детето, издадена од надлежна здравствена установа
• потврда за стоматолошки преглед од надлежната здравствената установа или матичен стоматолог
• потврда од офталмолошки преглед од надлежна здравствена установа

При запишувањена дете со попреченост во прво одделение, родителот/старателот е должен да достави мислење-функционален прпофил од Комисија за проценка на деца и младинци за дополнително образовна, социјална и здравствена поддршка според МКФ.

Запишувањето ќе го врши Комисијата на училиштето составена од Педагогот, Психилогот и Одд.Наставник.

Родителите на децата кои се за запишување во прво одделение заради прибирање на податоци потребни за нивното евидентирање треба во паралелките на македонски и турски наставен јази да се јават на следниот тел бр. ☎️ 078/434-802 од Педагогот на училиштето за да одредат термин за денот и времето на опсервација на нивното дете.

Децата за упис треба да доаѓаат заедно со родител поради евидентирање на точни податоци од децата.

Родителите/старателите ќе можат да пополнат пријава преку апликација за упис на ученици во прво одделение преку порталот на „Услуги“ – ТУКА

ООУ „Кузман Јосифоски-Питу“ – Кичево за уписи на првачиња го истакнуваат следното соопштение:

1. Децата во прво одделение во основното училиште оваа учебна година се запишуваат во месец мај за следната учебна година.
2. Во прво одделение на основното училиште родителот, односно старателот е должен да го запише детето кое до крајот на календарската година ќе наполни 6 години (родени 2017 год)
3. Детето може да се запише во прво одделение доколку наполни 6 години до 31 јануари наредната година (2024г), по предходно барање на родителот, односно старателот и добиено мислење од Педагогот или Психологот во училиштето (родени јануари, 2018)
4. При запишувањето на детето во прво одделение родителот, односно старателот е должен да ги достави следните документи:

• извор од Матична книга на родените (копија), без разлика на датум на издавање
• потврда за примените задолжителни вакцини за детето
• стоматолошки преглед издадени од надлежна здравствена установа (детска и превентивна стоматологија-Кичево во време од 08:30-13:30ч со пауза од 10:30 до 11:00ч)
• офталмолошки преглед издаден од надлежна здравствена установа (со упат од матичен лекар)

5.  При запишувањето на детето со попреченост во прво одделение родителот односно старателот е должен да достави и мислење/функционален профил од Комисија за проценка на деца и младинци за дополнителна образовна, социјална и здравствена поддршка според МКФ.

При уписот треба да е присутно детето со еден од родителите кој со себе ќе носи документ за идентификација.

Родителите се покануваат да дојдат во стручната служба во училиштето за закажување на термин секој ден од 09:00 – 15:00 часот.

Опсервација и запишување на детето почнува на 03.05.2023 год.