Спорт
Вечерва ги дознаваме финалистите на турнирот во мал фудбал во с.Вранештица, кој ги руши сите рекорди на посетеност оваа година..

Вечерва се играат полуфиналните двојки на турнирот во мал фудбал во с.Вранештица – кичевско, кој се одржува по 55-ти пат по повод најголемиот празник „Илинден“. Со почеток од 20:00 часот следните екипи ќе ги одберат силите, победниците од вечерва ќе се борат за големото финале кое ќе се одржи на самиот ден „Илинден“ односно 2-ри август, каде настанот ќе биде збогатен со музика во живот, традиционално најдобрата скара на жар, ладни пијалоци и одлична атмосфера во природните убавини.
- ⚽️ Кеди Дизајн vs Викса Маркет ⚽️
- ⚽️ Охрид vs Асан ⚽️
Бидете дел!
Нека победат најдобрите!
Спорт
Младинците на „АП Брера Струмица“ ја освоија титулата во „Купот на Македонија“ против екипата на „ФК Брегалница“

Во финалето на „Купот на Македонија“ на младинци, денеска екипата на „АП Брера Струмица“ ја освои титулата со убедлива победа од 4:0 против тимот на „Брегалница“. Натпреварот се одигра на тренинг-центарот „Петар Милошевски“ во Скопје.
Првото полувреме заврши со водство за Брера откако Бобан Кузмановски постигна гол во 45. минута. Тој и во второто полувреме беше прецизен, зголемувајќи на 2:0 во 48. минута. Во 56. минута Давид Ристовски ја зголеми предноста на 3:0, а конечниот резултат од 4:0 беше поставен со автогол на Дарко Митев во 83. минута.
По завршувањето на натпреварот, пехарот и медалите им беа врачени на победниците од страна на Ѓорги Христов, технички директор на младинските селекции на Македонија и поранешен репрезентативец.
„ФК Брегалница“ настапи со следниот состав: Мартин Миленковски, Филип Чичев, Ненад Миланов, Алекс Дмитров, Драган Трајчов, Павел Штерјов, Лука Николов, Лука Бојаџиев, Дарко Митев, Бранимир Иванов.
Тренер: Никола Кузманов.
За „АП Брера Струмица“ играа: Спасе Вргов, Андреј Велков, Марио Митрев, Каменчо Андоновски, Мартин Шаренковски, Бобан Кузмановски, Игор Ристов, Давид Ристовски, Здравко Перески, Флориан Рочи, Никола Ангелов.
Тренер: Ѓорѓе Стојчев.
Спорт
Ѓоковиќ ќе се бори за 100-тата титула, откако го победи Нори во Женева!

Новак Ѓоковиќ се избори за место во финалето на АТП турнирот во Женева, откако во полуфиналето го совлада Камерон Нори со 2:1 во сетови. Српскиот „ас“ го започна мечот силно и го освои првиот сет со 6:4. Во вториот сет Нори заигра поагресивно, успеа да направи пресврт и по неизвесен тај-брејк го израмни резултатот.
Ѓоковиќ, сепак, не дозволи изненадување и со убедлива игра во третиот сет, каде што поведе со 3:0 и потоа 5:1, рутински го затвори мечот.
Ова е вторпат Ѓоковиќ да учествува на турнирот во Женева, а сега има шанса да стигне до својата јубилејна 100-та титула. Во финалето ќе игра против Хуберт Хуркач од Полска, кој во другото полуфинале беше подобар од Себастијан Офнер.
Спорт
Пионерите на ФК „Македонија Ѓ.П.“ се новите освојувачи на „Купот на Македонија“, во денешното финале беа поуспешни од ФК „Работнички“

Помладите пионери на фудбалскиот клуб „Македонија Ѓорче Петров“ се новите освојувачи на „Купот на Македонија“. Тие денеска славеа победа од 3:1 против „Работнички“ на финалниот натпревар кој се одигра на тренинг центарот „Петар Милошевски“.
– Од она што можеше да се забележи на терен, натпреварот започна динамично, а „Македонија Ѓ.П.“ поведе уште во 21 минута со гол на Стефан Ристиќ. Само пет минути подоцна, Ристиќ повторно се запиша во листата на стрелци, носејќи 2:0 за својот тим. „Работнички“ не се предаде, па во 43 минута преку Алек Трпковски намали на 2:1, враќајќи надеж за својот тим пред крајот на првото полувреме.
Во второто полувреме, и двете екипи создадоа неколку добри шанси, но реализираше само „Македонија Ѓ.П.“ Лука Кнежевиќ во 77. минута го постигна третиот гол, со што ја запечати победата и обезбеди трофеј за својата екипа.
Работнички: Коста Стојановски, Амер Бајрами, Давид Лиотоски, Мартин Боцев, Михаел Аврамовски, Алек Трпковски, Бљерон Буши, Ердин Мамуди, Горјан Ѓапиќ, Дарин Михајловски, Игор Трпковски
Тренер: Марко Арсовски
Македонија Ѓ.П.: Андреј Јанкуловски, Филип Наумовски, Теодор Љубомировски, Горјан Петковски, Стефан Ристиќ, Алек Чедомирски, Лука Лазаревски, Јован Гиевски, Огнен Сивевски, Михаил Митрески, Мартин Џангаровски
Тренер: Мартин Христов
Ја користиме оваа прилика да им честитаме на Македонија Ѓ.П. за освојувањето на „Купот на Македонија“
-
Хороскоп2 дена
Хороскоп за понеделник (26 мај)
-
Хороскоп21 час
Хороскоп за вторник (27 мај)
-
Кичево1 ден
Денес редовниот состав на кичевската полиција ќе реализира боево гаѓање на стрелиштето во с.Осој кичевско
-
Временска прогноза2 дена
Од утре нов бран на врнежи од дожд, проследен со северен ветер
-
Македонија1 ден
Од ноќеска цената на нафтените деривати се намалува
-
На денешен ден2 дена
Времеплов: На денешен ден (26 мај)
-
Свет24 часа
(Вознемирувачко Видео) Хаотични сцени на прославата за титулата на Ливерпул, влета со автомобил во толпа навивачи!
-
Занимливости2 дена
„Honda“ неодамна го одбележа 500 милионитиот произведен мотоцикл, јубилејниот мотор беше моделот „Activa“