Мерните инструменти за квалитет на воздухот вечерва покажаа дека во Кичево е многу загадено. Концентрацијата во воздухот со ПМ10 честичките според последните мерења се искачи на 200 микрограми на еден кубен метар воздух (50 микрограми е граничната вредност).

Екстремни нивоа на загадување се бележат речиси сите македонски градови, а бројките идентично најлоши се токму во Кичево и Тетово, додека вкупниот AQI индекс на загадување вечерва изнесуваше 247, што е фрапантна вредност.

Повеќе информации ќе дознаете на следниот линк ТУКА

Инаку Институтот за јавно здравје (ИЈЗ) денеска објави податоци според кои воздухот е категоризиран како екстремно лош (сиромашен) на мерните станици во Берово, Тетово и Гостивар, а многу лош во Ѓорче Петров, поради концентрацијата на ПМ 2,5 честички.

ИЈЗ, повикувајќи се на европскиот Индекс за квалитет на воздух на Европската агенција за животна средина, во категоријата „многу лош“ ги смести Струмица, Битола и Кичево, но таму поради зголемени концентрации на ПМ 10 честички.