Кичево
Вечерва сите патишта водат кон кичевскиот манастир „Св.Богородица – Пречиста“

Во пресрет на главната манастирска слава на Свештената Пречистанска Обител, во спомен на раѓањето на Богомајката, нашата застапничка пред Бога, ја имаме честа денес да ве поканиме денес од 18:00ч. на празнична Вечерна богослужба, на која ќе началствува Неговото Високопреосвештенство Митрополитот Дебарско-кичевски г. Тимотеј, а ќе претстојат Митрополитот Повардарски г.Агатангел и секако нашиот највозљубен Старец и Епископ Антаниски – г.Партениј.
Во текот на богослужбата, една искушеничка (Душица) од сестринството ќе биде вброена кон рамноангелскиот монашки чин.
сабота, 21 септември
7:00ч. – утрена богослужба.
8:45ч. – пречек на Архиереите: Митрополитот Дебарско-кичевски г. Тимотеј, Митрополитот Повардарски г. Агатангел, Митрополит г.Илија од Финска и Старецот и Епископ Антаниски г. Партениј.
9:00ч. – Света архиерејска Златоустова Литургија.
Потпирајќи се со цврста вера на Онаа Која е поширока од Небесата и Која Го роди Спасителот наш, ве очекуваме со голема радост заеднички да го прославиме роденденот на Мајката Божја и Мајката наша! Воедно, ќе учествуваме заеднички и во молитвите при чинот на монашкиот потстриг на нашата сестра. А за сето тоа да биде целосно исполнето со најубавото источно православно пеење, ќе помогнат нашите најдраги пријатели од Света Гора: архимандритите о. Матеј, о. Антипа, о. Херувим, монаси, псалти и други гости.
– Преку нашиот медиум посакуваме сите патишта да водат кон манастир Св.Богородица Пречиста, понесувајќи го со себе благословот од средбата со Чудотворната икона Богородица Крнинска, Пречистанските Светии Евнувиј, Пајсиј, Аверкиј, чесните мошти на Света Параскева.
– Во продолжение погледнете ТУКА како помина манастирската слава минатата 2023-та година!
Ве очекуваме во што поголем број и повторно да доживееме духовно и телесно исцеление и обновување заедно.
Кичево
(ВИДЕО) Вечерва салата во НУЦК „Кочо Рацин“ беше претесна да ги собере сите кичевчани кои максимално дадоа своја поддршка за лекување на Дејан Огненоски

Пред два часа заврши и официјалниот „Хуманитарен концерт“ чија цел беше од хуман карактер, за лекување на нашиот сограѓанин Дејан Огненоски кој се бори со тешка болест и е на лекување во Република Турција. Кичевчани и денес ја покажаа својата хумана страна, покажаа дека кога се сака, сѐ се може. Во максимален број во Национална установа Центар за култура „Кочо Рацин“, речиси како никогаш до сега, и старо и младо беа присутни и ги слушаа нашите кичевски доајени на македонската музика, како и традиционалните песни и ора на нашите амбасадори, играорците од кичевските културно уметнички друштва.
Концертната програма ја водеше најдобриот кичевски глас, Г-ѓа Зорица Ѓореска од нашите партнери „Акорд Радио 96,5 fm“, настанот аудио го покри Виктор Алексоски (Vix Alex Sound supports Zoran Mickovski „Zmija“). Гости на вечерта беа, КУД Бисер, КУД Младост, КУД Рацин, КУД Нико Пусоски, Христијан Трајаноски и Филип Михајлоски, Христијан Тришоски, Мирослав Мирчески и Костадин Крстески, Дарко Стојаноски, Дамјан Стојаноски и Илија Калески, Влатко Миладиноски -//-, Лука и Марко Лазарески, Михајло Данилоски & група Бели Мугри. Свој завршен говор имаше и организаторката на оваа манифестација Г-ѓа Биљана Дејаноска (Роденденски пињати), воедно и главен иницијатор за хуманитарниот подвиг за Дејан Огненоски. Упати срдечна благодарност до сите хумани луѓе кои несебично ги помагаат нејзините хуманитарни активности. Најмногу акцент стави на кичевските свештеници и нивната парохија од градската православна црква Св.Апостоли Петар и Павле за нивните заложби и хумани дела за народот, кои се за сите почести.
Сите кои сакаат да донираат и да учествуваат во оваа наша хумана мисија, истото можат да го направат преку мобилен телефон, односно со јавување на тел броеви: А1 – 143463, Telekom – 143138 – еден повик кон броевите ќе ви одземе „100 денари“ и со тоа ќе дадете поддршка за лекувањето на нашиот сограѓанин.
Оние кои сакаат да донираат преку трансакциска сметка, истото можат да го направат на следниве податоци:
Т-ска сметка: 200002853684314
Име и презиме: Дејан Огненоски
Број на ЛК/Пасош: А0015074
Во прилог, концертот ви го пренесуваме во целост, напомена музичкото исполнение „Петко љубел многу жени“ е 🔇 без глас, од 42:39 до 45:53, затоа што јутјуб каналот на изведувачот/авторот препознава авторски права, а дозвола за репродукција на аудиото од истиот немаме. Уживајте:
Кичево
Неделна и викенд акција на производи само во „АТВА Маркети“ – Кичево, купувајте и заштедете!

Одлична неодолива викенд, но и неделна акција на производи само во ланецот на „АТВА Маркети“ – Кичево, во продолжение погледнете кои производи ќе бидат на акција:
Кичево
Од испукана петарда, малолетничка од Кичево се здобила со повреди констатирани во Општата Болница

На 05.02.2025 во 20:10 часот во ОВР Кичево било пријавено дека на улица „Рудничка“ во Кичево, една малолетничка од Кичево се здобила со повреди од претходно испукана петарда.
Таа била пренесена во Општа Болница во Кичево каде и била укажана помош.
Се преземаат мерки за расветлување на настанот, за медиумите и јавноста информира портпаролот на СВР Охрид, Стефан Димоски.
-
Спорт18 часа
Кичевчанецот Дејан Милошевски повторно во најдобрите 16 карате судии во САД, претходно беше избран за член на судиската карате комисија на и одговорен за 12 држави
-
Македонија17 часа
(ФОТО) СВР Охрид реализираше едукативно-превентивна кампања „Не пиј кога возиш“, додека ОВР Кичево ја спроведе „Паркирај совесно, паркирај одговорно” за сите учесниците во сообраќајот
-
Хороскоп2 дена
Хороскоп за понеделник (10 февруари)
-
Хороскоп14 часа
Хороскоп за вторник (11 февруари)
-
Lifestyle1 ден
Зошто крпите имаат непријатен мирис? Перењето на вистинска температура е клучно
-
Здравје и убавина2 дена
Зошто не треба да го задржувате кивањето во себе, како грда навика
-
Магазин17 часа
Пејачката од соседна Србија – Јелена Карлеуша остана без својот Инстаграм профил кој имаше над 2 милиони следбеници, дали петицијата на „Еко Стража“ успеа?
-
Свет15 часа
Санторини не мирува, нов силен земјотрес регистриран пред неполн час, ова се информациите