Култура
(ВИДЕО) По повод најголемиот христијански празник „Велигден“, жителите на овој дел од Скопје направија видео кое не остава рамнодушен никого, традиција на повидок

Доаѓаме од мало место, полно љубов, приградските села Јурумлери, Нова Колонија, сплотени во едно. Овие села имаат долга историја, места каде со векови се негуваат добрите вредности и традицијата. Уште од деца, од мали нозе, нашите родители не учеа колку е важна почитта кон религијата и како верата секогаш повикува на духовно растење и развивање на личноста. За нас црквата претставува духовен храм, место каде што се соединуваме ние верниците и нашиот Бог.
Тоа место во нашата околина е црквата св. Петар и Павле, која датира од 20от век, а до ден денес е центар на духовен мир за жителите во овие места. Водени од вербата во Бога, во пресрет на Велигденските празници, дојдовме до замисла која не остави рамнодушен ниту еден од нас. Замислата при организација на ова што го гледате беше со цел уште поголемо зближување на луѓето, заедничка соработка и најава на големиот Христијански празник. Навистина беше прекрасно чувството, сплотеноста помеѓу сите нас, сплотеноста помеѓу постарите и помладите генерации во едно. Во моментот кога ги запаливме бакљите и огнометот, срцата заиграа, а реакциите од сите присутни само ни потврдија дека она што го правиме, навистина вреди.
Ова е наша прва година на ваква организација, која во иднина ќе стане традиција, која ќе ја негуваат идните генерации. Христијани, почитувајте ја својата религија, верувајте во Бога и правете добро, за доброто да ви се врати, на кратко ни изјави Иле Ристов, еден од главните иницијатори за овој прекрасен чин претставен преку видео.
Христос Воскресе – Навистина Воскресе!
Доколку не се вчита видеото, ексклузивно погледнете го ТУКА
Култура
Денеска е „Духовден“ – Празник на Светиот Дух

Денес се слави Духовден, голем христијански празник посветен на слегувањето на Светиот Дух врз апостолите. Овој празник, познат и како Педесетница, секогаш се одбележува во недела и трае три дена. Тој е единствениот меѓу 12-те големи празници кој нема претпразненство, но празничната атмосфера се чувствува во целиот период од Велигден до Духовден.
Во народната традиција, денот пред Духовден е познат како Задушница или „Мртва сабота“, ден посветен на душите на починатите, кога се изведуваат обичаи во нивна чест.
Празникот Педесетница се слави токму 50 дена по Велигден и е поврзан со еврејската традиција – кога Евреите го добиле Законот на Мојсие на Синај. Во христијанскиот контекст, тој ден ја одбележува дарбата на Светиот Дух врз апостолите, што се смета за основање на Христовата црква.
Според Библијата, на тој ден апостолите биле собрани заедно, кога одеднаш се слушнал силен звук како од ветрот, а Светиот Дух во форма на огнени јазици слегол врз секој од нив. Сите почнале да зборуваат на различни јазици. Народот што го слушнал шумот се зачудил, некои мислеле дека апостолите се пијани. Тогаш апостол Петар објаснил дека тие се исполнети со Светиот Дух и повикал народот да се покае и крсти. Тоа го направиле околу 3.000 луѓе.
Овој момент е опишан во книгата „Дела на светите апостоли“, каде се вели дека тоа било исполнување на пророштвото на Јоил – дека Светиот Дух ќе се излее врз сите луѓе. Тоа е и остварување на зборовите на Св. Јован Крстител, кој најавил дека Христос ќе крштева со Светиот Дух и оган.
Поради ова, Духовден уште се нарекува и празник на Света Троица – бидејќи на овој ден се јавуваат Таткото, Синот и Светиот Дух. Со тоа, овој ден се смета за роденден на Христијанската црква.
Народни обичаи и верувања
Во македонската традиција, Духовден се смета за многу важен ден – не се работи, се оди на црква, се прават гозби и обичаи, а на места попладне се игра оро. Во некои села се практикува обредот „Скрсти“ – молитва за дожд и плодна година.
Во народното верување, се смета дека од Велигден до Духовден душите на мртвите се слободни и се движат меѓу живите, често престојувајќи на цвеќињата на дрвјата. Се верува дека на Духовден душите разговараат меѓу себе, а ако некој ставел уво на гроб можел да ги слушне како шепотат.
На Задушница се организираат трпези и се дели храна „за душа“. Се верува дека душите мора да бидат нахранети пред да се вратат во задгробниот свет. Затоа, луѓето раздаваат храна и вода, и не се јаде ништо додека не се раздаде. Ако некој не добие, душата му останува „непричестена“.
Традиционално, црквите, домовите и гробовите се украсуваат со зелени гранки и цвеќиња – симбол на обновување и духовна свежина. Оревовите гранки, пак, имаат посебна улога – според верувањата, тие привлекуваат души, а истовремено ги штитат алиштата од молци.
Локални обичаи
Во некои краишта, како селото Лески во Неврокопско, постои верување дека полето го чува змеј кој живее во пештера, па на Духовден му принесуваат курбан за да го заштити посевот од град. Ако не се изврши ритуалот, се верува дека ќе дојде несреќа.
Во тој ритуал, се коле овен на планински врв и крвта се пушта во пештерата – домот на змејот. Жените носат лепчиња и ги редат околу пештерата, а обредите се прават со чукање клепало.
Во многу места на овој ден на гробовите се оставаат бардачиња (дулиња) со вода. Тие се носат дома и се пие од нив „за душа“. Во некои краишта тие се оставаат на гробот и се дополнуваат со вода во текот на годината.
Се верува и дека оние што починале меѓу Цветници и Духовден одат директно во рајот. Во Гевгелиско, пак, се верува дека до Духовден мора да се пожнее јачменот, оти потоа доаѓаат силни ветрови што може да го уништат родот.
Култура
(ВИДЕО) Краток фрагмент на отец Партениј за „Македонија и Патриотизмот“ од новиот филм посветен на неговиот триесет годишен монашки пат

Фрагмент од изјавата за Македонија и за Патриотизмот, составен дел од новиот филм со наслов „Подвижник“ на г-дин Илија Каров, кој е посветен на триесет-годишниот монашки пат на отец Партениј во рамките на Македонската православна црква- Охридска Архиепископија
Култура
Денес се слави „Ѓурѓовден“, главен обичај за овој ден е плетење венец од билки, ова се останатите народни и традиционални верувања

Православните верници денес го прославаат светецот Георгиј Победоносец, познат како „Ѓурѓовден“, празникот кој е врзан со најголем број обичаи што постојат во народното верување. Овој светец се смета за граница меѓу зимата и летото, празник врзан за здравјето на домашните, женачката, плодност на стоката и добри посеви.
Главен обичај е плетење венец од билки, миење со цвеќиња, капење во река.
– Венецот сплетен од цвеќиња треба да се стави на влезната врата во куќата и тоа значи дека домот и годината ќе бидат богати.
Наутро со билките и со цвеќињата што домаќинката претходно ги потопила во вода, прво се мијат децата за да бидат здрави како дрен преку цела година, девојките и момчињата се грабаат околу нив, старите да бидат витални, а домашните куќата да им биде чувана.
Се верува дека на Ѓурѓовден не треба да се спие, бидејќи главата може да ве боли цела година.
– Во селата се палеле големи огнови за да се избркаат сите зли и лоши сили.
Се верувало дека ако е ведро, годината ќе биде плодна, а ако врне, дека ќе биде сушна година.
-
Хороскоп1 ден
Хороскоп за сабота (21 јуни)
-
Хроника2 дена
СВР Охрид со детали за страшната сообраќајка синоќа на булеварот „Туристичка“ во Охрид
-
Временска прогноза2 дена
Бран кој носи дожд се спушта над Македонија, првично кон север потоа кон западните делови
-
Македонија2 дена
Од ноќеска ново поскапување на дизелот, ова е новата цена
-
Хороскоп5 часа
Хороскоп за недела (22 јуни)
-
На денешен ден1 ден
Времеплов: На денешен ден – 21 јуни
-
Македонија17 часа
Возач од тетовско нов рекордер, возел 190 на саат на место ограничено 80 км/ч
-
Lifestyle2 дена
Валкан клима уред? Потенцијална закана за здравјето – еве зошто