Следете не

Култура

Во недела бидете дел од големиот „Велигденски концерт“ во Кичево

Објавено пред

на

Радоста на Воскресението засветли во нашите срца „Радоста од висините“, „спасителната радост“ се јави. Од празниот Гроб во Ерусалим ни доаѓа утеха и надеж! Торжествува сега целата земја, огреана од животворните зраци на Христовата победа и секое срце го слави Христа Воскреснатиот!

Така и ние, поттикнати од таинствената светлина на невечерниот ден посакавме радосно да го прославиме Животот, и да му запееме на Оној Кој Воскресна од мртвите и ја победи смртта, а со тоа ни подари живот вечен.

 

По тој повод, исполнети со неовоземно веселие и пасхални восклици, би сакале и сите Вие да земете учество во нашето славје, и сите да ја прославиме победата над смртта, радосно пеејќи: ХРИСТОС ВОСКРЕСНА!!!

  • Бидете дел на големиот „Велигденски концерт“ кој ќе се одржи во недела на 30.04.2023 во Центарот за култура „Кочо Рацин“ со почеток од 12:00 часот

Свое учество ќе земат, неповторливите:

„Зарина Првасевда“
„Чалгии Мерак“
Хор „Митрополит Козма Пречистански“

Од организаторите

Култура

Денеска е „Духовден“ – Празник на Светиот Дух

Објавено пред

на

©porta.mk

Денес се слави Духовден, голем христијански празник посветен на слегувањето на Светиот Дух врз апостолите. Овој празник, познат и како Педесетница, секогаш се одбележува во недела и трае три дена. Тој е единствениот меѓу 12-те големи празници кој нема претпразненство, но празничната атмосфера се чувствува во целиот период од Велигден до Духовден.

Во народната традиција, денот пред Духовден е познат како Задушница или „Мртва сабота“, ден посветен на душите на починатите, кога се изведуваат обичаи во нивна чест.

Празникот Педесетница се слави токму 50 дена по Велигден и е поврзан со еврејската традиција – кога Евреите го добиле Законот на Мојсие на Синај. Во христијанскиот контекст, тој ден ја одбележува дарбата на Светиот Дух врз апостолите, што се смета за основање на Христовата црква.

Според Библијата, на тој ден апостолите биле собрани заедно, кога одеднаш се слушнал силен звук како од ветрот, а Светиот Дух во форма на огнени јазици слегол врз секој од нив. Сите почнале да зборуваат на различни јазици. Народот што го слушнал шумот се зачудил, некои мислеле дека апостолите се пијани. Тогаш апостол Петар објаснил дека тие се исполнети со Светиот Дух и повикал народот да се покае и крсти. Тоа го направиле околу 3.000 луѓе.

Овој момент е опишан во книгата „Дела на светите апостоли“, каде се вели дека тоа било исполнување на пророштвото на Јоил – дека Светиот Дух ќе се излее врз сите луѓе. Тоа е и остварување на зборовите на Св. Јован Крстител, кој најавил дека Христос ќе крштева со Светиот Дух и оган.

Поради ова, Духовден уште се нарекува и празник на Света Троица – бидејќи на овој ден се јавуваат Таткото, Синот и Светиот Дух. Со тоа, овој ден се смета за роденден на Христијанската црква.

Народни обичаи и верувања
Во македонската традиција, Духовден се смета за многу важен ден – не се работи, се оди на црква, се прават гозби и обичаи, а на места попладне се игра оро. Во некои села се практикува обредот „Скрсти“ – молитва за дожд и плодна година.

Во народното верување, се смета дека од Велигден до Духовден душите на мртвите се слободни и се движат меѓу живите, често престојувајќи на цвеќињата на дрвјата. Се верува дека на Духовден душите разговараат меѓу себе, а ако некој ставел уво на гроб можел да ги слушне како шепотат.

На Задушница се организираат трпези и се дели храна „за душа“. Се верува дека душите мора да бидат нахранети пред да се вратат во задгробниот свет. Затоа, луѓето раздаваат храна и вода, и не се јаде ништо додека не се раздаде. Ако некој не добие, душата му останува „непричестена“.

Традиционално, црквите, домовите и гробовите се украсуваат со зелени гранки и цвеќиња – симбол на обновување и духовна свежина. Оревовите гранки, пак, имаат посебна улога – според верувањата, тие привлекуваат души, а истовремено ги штитат алиштата од молци.

Локални обичаи
Во некои краишта, како селото Лески во Неврокопско, постои верување дека полето го чува змеј кој живее во пештера, па на Духовден му принесуваат курбан за да го заштити посевот од град. Ако не се изврши ритуалот, се верува дека ќе дојде несреќа.

Во тој ритуал, се коле овен на планински врв и крвта се пушта во пештерата – домот на змејот. Жените носат лепчиња и ги редат околу пештерата, а обредите се прават со чукање клепало.

Во многу места на овој ден на гробовите се оставаат бардачиња (дулиња) со вода. Тие се носат дома и се пие од нив „за душа“. Во некои краишта тие се оставаат на гробот и се дополнуваат со вода во текот на годината.

Се верува и дека оние што починале меѓу Цветници и Духовден одат директно во рајот. Во Гевгелиско, пак, се верува дека до Духовден мора да се пожнее јачменот, оти потоа доаѓаат силни ветрови што може да го уништат родот.

Прочитај повеќе...

Култура

(ВИДЕО) Краток фрагмент на отец Партениј за „Македонија и Патриотизмот“ од новиот филм посветен на неговиот триесет годишен монашки пат

Објавено пред

на

©porta.mk

Фрагмент од изјавата за Македонија и за Патриотизмот, составен дел од новиот филм со наслов „Подвижник“ на г-дин Илија Каров, кој е посветен на триесет-годишниот монашки пат на отец Партениј во рамките на Македонската православна црква- Охридска Архиепископија

Интервјуто е снимено неколку дена после Божик 2025 г.
Прочитај повеќе...

Култура

Денес се слави „Ѓурѓовден“, главен обичај за овој ден е плетење венец од билки, ова се останатите народни и традиционални верувања

Објавено пред

на

Православните верници денес го прославаат светецот Георгиј Победоносец, познат како „Ѓурѓовден“, празникот кој е врзан со најголем број обичаи што постојат во народното верување. Овој светец се смета за граница меѓу зимата и летото, празник врзан за здравјето на домашните, женачката, плодност на стоката и добри посеви.

Главен обичај е плетење венец од билки, миење со цвеќиња, капење во река.

– Венецот сплетен од цвеќиња треба да се стави на влезната врата во куќата и тоа значи дека домот и годината ќе бидат богати.

Наутро со билките и со цвеќињата што домаќинката претходно ги потопила во вода, прво се мијат децата за да бидат здрави како дрен преку цела година, девојките и момчињата се грабаат околу нив, старите да бидат витални, а домашните куќата да им биде чувана.

Се верува дека на Ѓурѓовден не треба да се спие, бидејќи главата може да ве боли цела година.

– Во селата се палеле големи огнови за да се избркаат сите зли и лоши сили.

Се верувало дека ако е ведро, годината ќе биде плодна, а ако врне, дека ќе биде сушна година.

Прочитај повеќе...

Facebook

Последни објави

Македонија11 часа

Тлото не мирува, предмалку нов послаб земјотрес регистриран во охридско!

Предмалку „ЕМСЦ“ регистрираше нов земјотрес во Македонија со јачина од 2,4 степени според Рихтер. Според изворот земјотресот е лоциран со...

Хороскоп13 часа

Хороскоп за вторник (17 јуни)

ОВЕН Не сте осамени, имате на кого да се потпрете и се обидувате да најдете најдобар можен начин да се...

Спорт20 часа

Меѓународната скијачка федерација „FIS“ воведува нов систем за санкционирање, ќе се користат жолти и црвени картони како во фудбалот

Меѓународната скијачка федерација „FIS“ од следната сезона воведува нов систем на санкционирање во скијачките скокови и нордиските дисциплини, користејќи жолти...

Технологија20 часа

Тајван ги стави на црна листа компаниите „Huawei“ и „SMIC“, ќе им треба посебни дозволи за извоз

Тајванските власти за меѓународна трговија ги вклучија кинеските компании „Huawei“ и „SMIC“, заедно со нивни подружници, на својата листа на...

Скопје22 часа

Во Скопје било пријавено дека залутано зрно од огнено оружје оштетило битолски „мерцедес“

На 15.06.2025 во 12.50 часот во СВР Скопје било пријавено дека на ул. „Лазар Личеновски“ од заталкано зрно од огнено...

Временска прогноза22 часа

Од утре постепена дестабилизација на времето, ова се метео информациите

Поради продор на поладен воздух од север на висина, од утре (вторник 17 јуни) во Република Македонија ќе дојде до...

Македонија1 ден

Од ноќеска поскапување на сите горива, ова е новата цена

Малопродажните цени на бензините ЕУРОСУПЕР БС-95 и ЕУРОСУПЕР БС-98 и на ЕУРОДИЗЕЛ (Д-Е V) се зголемуваат за 1,50 ден/лит, во...

Македонија1 ден

(ВИДЕО) Земјотресот кој го разбуди Охрид и регионот, снимен на надзорна камера

Наши редовни читатели ексклузивно ни испратија видео запис од моментот на земјотресот кој го разбуди Охрид и западна Македонија, извадок...

Македонија1 ден

Земјотрес во Македонија, регистриран предмалку во западниот регион

Предмалку земјотрес ја потресе Македонија. Според првичните информации, истиот е регистриран во охридскиот регион. Истиот е детектиран во 04:34 минути,...

Хороскоп2 дена

Хороскоп за понеделник (16 јуни)

ОВЕН Можеби сите информации што ги имате не секогаш претставуваат сигурни критериуми, но без големи предизвици, нема поголема деловна афирмација....

НАЈЧИТАНИ