Периодот кој што е пред нас ќе донесе доста променливо време проследено со почести врнежи од дожд, како и врнежи од снег на планинските места низ државава.

Утре ќе се задржи променливо облачно време со повремен локален дожд, додека на планините ќе има повремени врнежи од снег. Ќе дува слаб до умерен, понекаде и умерен ветер од западен и од југозападен правец, додека попладне и кон крајот на денот Долж Повардарието ќе започне да дува умерен, повремено засилен ветер од северен и од северозападен правец.

Температурите ќе се искачуваат во интервалот од 9 до 18 степени, додека во крајните југоисточни предели истите се очекува да се искачат до околу 20 степени.

Потоа во четврток и во петок ќе имаме претежно суво време. Односно времето ќе биде променливо облачно со сончеви периоди, додека за време на викендот под влијание на влажен воздушен бран ќе има врнежи од дожд насекаде, додека на планините врнежите ќе бидат од снег, додека температурите ќе бележат тенденција на пад и за викендот ќе се искачуваат во интервалот од 7 до 15 степени.

Променливото време со чести врнежи од дожд и снег на планините ќе се задржи и на почетокот од следната недела. Врнежите повремено ќе бидат ПОИНТЕНЗИВНИ и локално се очекува да наврне ПОЗНАЧИТЕЛНО количество на воден талог.

Автор: Славчо Попоски

Денес времето во Македонија ќе биде сончево и топло со умерена облачност. Кон крајот на денов облачноста постепено ќе се зголемува. Ќе дува слаб до умерен ветер од променлив правец. Температурите ќе се искачуваат во интервалот од 15 до 22 степени.

Во Скопје и околината времето ќе биде сончево со умерена облачност. Ќе дува слаб до умерен ветер од југоисточен правец. Температурата ќе се искачи до околу 21 степен.

Потоа од утре следува променливо облачно време со повремени локални врнежи од дожд. Локално ќе има услови за нестабилност проследена со пороен дожд, грмежи и засилување на ветерот. Особено од среда температурите ќе бележат тенденција на пад и ќе се искачуваат во интервалот од 8 до 17 степени, додека на повисоките планини ќе има и повремен снег.

Автор: Славчо Попоски

За време на овој викенд, како и во понеделник како што веќе најавивме ќе се задржи стабилно, суво и сончево време со умерена локална облачност. Ќе дува слаб до умерен ветер од јужен и од југоисточен правец.

Максималните температури ќе се искачуваат во интервалот од 13 до 20 степени, додека во понеделник ќе биде уште потопло со максимална температура која ќе се искачува во интервалот од 15 до 22 степени.

Од вторник па натаму се очекува нова промена на временската состојба кај нас. Облачноста ќе се зголемува и ќе има нови повремени локални врнежи од дожд. Локално ќе биде нестабилно со пороен дожд, грмежи и засилување на ветерот.

Ќе дува умерен, повремено засилен ветер и тоа најпрвин од јужен и југозападен правец, додека од среда навечер ветерот ќе го промени својот правец во северен а температурите ќе опаѓаат, со што на повисоките планини ќе има услови за повремен снег.

Автор: Славчо Попоски