Македонија
(ВИДЕО+ФОТО) Детали за приведените фалсификатори од Камерун кој пробаа да пренесат над 1 милион исечени парчиња со отпечатени банкноти
На 08.10.2021 полициски службеници од Одделот за сузбивање на организиран и сериозен криминал (ОСОСК) во содејство со Одделот за гранични работи и миграции на Граничен премин „Меѓународен Аеродром“ – Скопје, при влез во државата, ги лишија од слобода Т.Р.Ф.(36) и М.Б.С.(40), двајцата од Камерун, поради постоење на основи на сомнение за сторени кривични дела „Правење, набавување или отуѓување средства за фалсификување “.
Имено, при пасошка контрола на пријавените, кои допатувале од Милано, извршена им била дополнителна гранична контрола и при преглед на багажот, кај Т.Р.Ф. биле пронајдени 2.591 исечени парчиња хартија на кои од двете страни е отпечатен дел од дизајнот на банкноти од 50 евра, 2.363 такви парчиња со отпечатен дел од дизајнот на банкноти од 100 евра, 463 парчиња со дел од дизајнот на банкноти од 200 евра, 213 со дизајн на банкноти од 500 евра, 2 исечени парчиња хартија на кои од едната страна е отпечатен во повеќе бои дел од дизајнот на банкноти од 50 евра, 78 исечени парчиња хартија без никаква ознака, како и две шишиња со течност и УВ-ламба.
При преглед на багажот кај М.Б.С. пронајдени се 2.072 исечени парчиња хартија со црна позадина на кои од двете страни е отпечатен дел од дизајнот на банкноти од 50 евра, 1.321 такви парчиња со отпечатен дел од дизајнот на банкноти од 100 евра, 247 со отпечатен дел од дизајнот на банкноти од 200 евра, 104 со дизајн на банкноти од 500 евра, како и 1 француска лична карта на име К.В.С. и 1 камерунска патна исправа на име С.И.Ф. за кои нема податоци дека се вистинити.
Пронајдените предмети се одземени и предадени на вештачење во Народна банка и Одделот за за криминалистичко – технички испитувања и вештачења при МВР, при што било утврдено дека примероците се имитации на евро банкноти со различна апоенска вредност, кои се изработени со користење на професионална опрема. Исто така, од извршената експертиза од страна на Народната банка е констатирано е дека тие претставуваат примероци во рана фаза од изработката на фалсификувани евро банкноти со апоенска вредност од 50, 100, 200 и 500 евра.
Поради тоа што кривично-пријавените предметите неовластено ги поседувале со намера истите да ги внесат на територијата на нашата држава за да се искористат за правење на лажни пари во вкупна вредност од 902.150 евра, Одделот за сузбивање на организиран и сериозен криминал до ОЈО Скопје , поднесе кривична пријава против двете лица поради постоење на основи на сомнение за сторени кривични дела „Правење, набавување или отуѓување средства за фалсификување“ по чл.271 ст. 2 од Кривичниот законик.
Извор: МВР
Македонија
Укината целосната забрана за движење во шуми поради проценка за намален ризик од шумски пожари
Согласно Барањето од ЈП Национални шуми од бр.11-341/5 од 17.09.2024 година, Министерство за земјоделство, шумарство и водостопанство на Република Македонија, ја издаде согласноста за укинување на целосната забрана за движење во шума и шумско земјиште дадена на 15.07.2024год, заради проценката за намален ризик од појава на шумски пожари на површините под шума и шумско земјиште со кои управува ЈП Национални шуми, известува Центарот за управување со кризи.
Македонија
РЕК Осломеј, Битола и ТЕЦ Неготино добија ново раководство
Управниот одбор на АД ЕСМ денеска именувал нови директори во дел од термоенергетските производствени капацитети во рамките на компанијата.
Оттаму за јавноста нагласија дека за директор на РЕК Осломеј е назначен Сашо Вренцоски, дипломиран економист и истакнат стручен кадар со долгогодишно работно искуство во комбинатот, додека на директорска позиција во Осломеј е именуван и кичевчанецот Агим Садику, дипломиран економист со работно искуство во Управата за јавни приходи.
За директор на подружница РЕК Битола е назначен Тони Петрушевски, дипломиран машински инженер, а досегашниот в.д. директор Иле Костадиновски е назначен за помошник директор за правни, кадровски и општи работи во РЕК Битола.
Од компанијата информираат дека „в.д. директор на подружницата ТЕЦ Неготино е Александар Галапчев, дипломиран инженер со работно искуство во термоелектраната.
Извор: 4news.mk
Македонија
Стружанец заработи кривична пријава поради предизвикување пожар
Надворешната канцеларија за криминалистички работи Струга поднесе кривична пријава против А.М.(43) од Струга поради постоење основи на сомнение за сторено кривично дело „предизвикување општа опасност“. На 08.09.2024, пријавениот на земјен пат во с.Мислешево запалил сува трева и ѓубриште и заминал од местото, а огнот се проширил и на друг плац во кој имало барака, сопственост на М.К, известуваат од МВР.
-
Хороскоп2 дена
Хороскоп за четврток (19 септември)
-
Хороскоп16 часа
Хороскоп за петок (20 септември)
-
Македонија23 часа
РЕК Осломеј, Битола и ТЕЦ Неготино добија ново раководство
-
Кичево8 часа
Вечерва сите патишта водат кон кичевскиот манастир „Св.Богородица – Пречиста“
-
Кичево1 ден
(ФОТО) Министерот за одбрана Владо Мисајловски денес ја посети кичевската касарна ,,Чеде Филиповски – Даме’’
-
Lifestyle1 ден
Експертите потврдија: Ова е официјално најздравиот зеленчук во светот
-
Автомобили1 ден
Најчестите причини зошто автомобилот троши повеќе гориво
-
Lifestyle1 ден
Вистински избор за борба против настинка: Овој напиток многу ќе ви помогне со симптомите