Следете не

Култура

(ВИДЕО) Духовен подвиг во Манастир Пречиста – сестра Текла и нејзиниот монашки завет

Објавено пред

на

©porta.mk

Со радост го споделуваме ова возвишено видео, кое ги доловува светите моменти од прославата во Манастирот Пречиста Кичевска, при монашењето на сестра Текла, на празникот Рождество на Пресвета Богородица (20/21 септември 2024). Овој духовен настан, исполнет со небесна благодат, го означи почетокот на новиот живот на сестра Текла во Христа, посветувајќи го своето битие на монашкиот пат.

Видеото содржи величествени кадри од манастирската слава и светиот чин на монашењето, умешно монтирано од Александар Пауновски, кој истовремено е и главен снимател на видеото. Во снимањето учествуваше и Дарко Цветаноски, чии дополнителни кадри ја збогатуваат атмосферата, а воздушните снимки се дело на Никола Наумовски, кој користеше дрон за да ги прикаже манастирот и неговата околина од височина. Музичката придружба е дело на Петар Христов, кој свири на критска лира и кларинет, со клавирска поддршка од Симон Облешевски, додека музичката продукција и обработката беа реализирани од Горан Трајковски – Готра.

Фотографите на овој значаен настан беа Давор од Порта.мк, Дарко Цветаноски, Никола Наумовски, Томе Љушев и Јован Ангелески, кои со своите фотографии дополнително ја доловија атмосферата и убавината на монашкиот чин. Нивните фотографии, заедно со видеото, ги пренесуваат најдлабоките моменти на радост и духовност што ги доживеа монашката заедница и присутните верници.

Во целото видео се чувствува тивка радост и духовен мир, додека сестра Текла, под духовното раководство на својот отец, епископот г. Партениј, ги положува заветите и го добива светото име на првата маченичка и рамноапостолна света Текла. Монашкиот постриг беше извршен од пастирските раце на Високопреосвештениот Митрополит Дебарско-кичевски г. Тимотеј, кој со својата благодат ја воведе сестра Текла во монашкиот живот, благословувајќи го нејзиниот нов духовен пат.

Погледнете го целосното видео тука: Монашење во Пречиста – монахиња Текла

Ве повикуваме да бидете сведоци на овој благословен момент, кој сведочи за живата традиција на православното монаштво, каде љубовта, смирението и посветеноста кон Бога го водат верниот народ. Нека патот на сестра Текла во служба на Христа биде инспирација и светлина за сите кои ја бараат вистинската смисла на христијанскиот живот.

Кредити за продукцијата:
🎬Видео монтажа: Александар Пауновски
📽️ Видео: Александар Пауновски, Дарко Цветански
🚁 Дрон: Никола Наумовски
⛪ Продукција: Бигорски Манастир
🎼 Музика: Петар Христов
🎺 Критска лира: Петар Христов
🎹 Клавир: Симон Облешевски
🎚️ Музичко студио и обработка: Горан Трајковски – Готра

Не го пропуштајте ова духовно сведоштво за верата и посветеноста!

Култура

Денеска е Св.Антониј Велики, честито име Антонио, Антоанета, Антониј..

Објавено пред

на

Мисирец, роден околу 250 година во некое село Кома близу Хераклеја. По смртта на неговите благородни и богати родители си го подели наследството со својата малолетна сестра, ја згрижи кај некои роднини, својот дел им го раздаде на сиромасите, а самиот во дваесеттата година од животот се посвети на подвижнички живот, како што тежнееше од детството.
Најпрво се подвизуваше во близина на своето село, но за да го избегне онеспокојувањето од луѓето, се оддалечи во пустина, на брегот на Црвеното Море, каде што како затворник помина дваесет години не дружејќи се со никого освен со Бога преку непрестајна молитва, богомислие и созерцание, поднесувајќи ги неискажливо трпеливо демонските искушенија.
Неговата слава се пронесе по целиот свет и околу него се собраа многубројни ученици коишто ги поучуваше со пример и со слово на патот кон спасението. За осумдесет и петте години од неговиот подвижнички живот само двапати отиде во Александрија, и тоа првиот пат да бара мачеништво во времето на гонењето на Црквата, а вториот на повик на Св. Атанасиј за да ја собори клеветата на Ариевците дека божем и тој ја прифатил Ариевата ерес.
Се упокои во сто и петтата година од животот, а зад себе остави цела војска следбеници и ученици. Иако на беше наобразуван, им беше советник и учител на најучените луѓе на неговото време, каков што беше Св. Атанасиј Велики. Кога некои елински филозофи го искушуваа со книжевна мудрост, Антониј ги засрами со прашањето: „Што е постаро: разумот или книгата? И кое од тие двете е причина за другото?“ Засрамени филозофите се разотидоа, зашто видоа дека самите имаат книжевно памтење без разум, наспроти разумот што го има Антониј. Тој е човек кој го достигна совршенството коешто воопшто може да биде достигнато на земјата.
Тој е воспитувач на воспитувачите и учител на учителите; цели осумдесет и пет години се преобразуваше себеси, па само така имаше сила да ги преобразува и другите. Исполнет со многубројни години и добродетели, Свети Антониј се упокои во Господ во 335 година.
Исто така денес име празнуваат и Антон, Андон, Антоанета, Доне, Дончо, Донка, Тони…
Честито име, да донесе здравје, љубов, среќа, душевен мир и благосостојба!
Прочитај повеќе...

Култура

БОГ СЕ ЈАВИ, НАВИСТИНА СЕ ЈАВИ! – За многу години!

Објавено пред

на

Кога Господ Исус наврши триесет години од телесното раѓање, го започна Својот учителски и спасителен подвиг. И самиот почеток на тоа го означи со примајќи Крштение на Јордан.

Како што вели Свети Кирил Ерусалимски: „Почеток на светот е водата, почеток на Евангелието е Јордан“. Кога Исус Христос се крштеваше во водите на Јордан, на светот му се објави онаа тајна која во Стариот Завет само се навестуваше, за која во Мисир и во Индија единствено се баснословеше: тајната на Божествената Троица.

Отецот му се јави на сетилото за слух, Духот на сетилото за вид, а Синот дури и на сетилото за допир. Отецот го изговори Своето сведоштво за Синот, Синот се крсти во вода, а Светиот Дух во вид на гулаб лебдеше над водата.

И кога Свети Јован Крстител посведочи и рече за Христа: „Еве го јагнето Божјо кое на Себе ги зеде гревовите на светот“ (Јован 1, 29) и Го потопи и Го крсти во Јордан, со ова се укажа на Христовата мисија во светот и на патот на нашето спасение. Зашто Господ ги зеде врз Себе гревовите на родот човечки и под нив умре (пототпувањето) и оживе (излегувањето од водата); а и ние мораме да умреме како стар и гревовен човек, а да оживееме очистени, обновени и преродени. Тоа е Спасителот и тоа е патот на спасението.

Празникот Богојавление (на грчки Теофанија) се нарекува и Просветлување. Зашто настанот на Јордан просветлува, прво: покажувајќи ни го Бога како Троица еднобитна и неразделна. И второ: бидејќи секој од крстените во вода се просветлува бивајќи восиновен од Отецот на светлината, со заслуга на Синот, со силата на Светиот Дух.

Прочитај повеќе...

Култура

Денес е „Водопост“ или „Водокрст“ денот пред „Богојавление“, овие работи треба да ги знаеме

Објавено пред

на

Празникот Водици го менува денот, но датумот не. Се празнува на 19 јануари. Меѓутоа обичаите сврзани со празнувањето на овој Свет ден се врзани за три дена: 18 јануари – Водокрст или Водопост, 19 јануари – Богојавление (Водици) и 20 јануари – Собор на Свети Јован Крстител.

Постојат многу обичаи кои се почитуваат за Водопост, но она што е потребно е да се молиме на Бога и да го поминеме денот во пост. Денот пред Богојавление, верниците одат во црква, палат свеќа, се крстат и ја читаат „Оче наш“. Постот е задолжителен и ригорозен. Кој може, овој ден треба да пости само со леб и вода!

Во православните храмови на Водопост се крсти вода, но и на Богојавление. Оваа света вода се пие само со почит и молитва. Се дава на деца со вера дека ќе ги излечи и заштити.

На овој ден, со молитва во срцето, мајките ќе направат знак на крст со масло на челото на детенцето, а крстената вода ќе ја чуваат во домот и ќе ги мијат децата преку целата година – ако е потребно.

Од Божиќ до Богојавление, наместо со „Добар ден“, соседите се поздравуваат со „Христос се роди“, а на Богојавление или Водици со „Бог се јави“.

За луѓето што се родени на овој ден се верува дека на нивните слаби рамења ја носат сенката на Светиот Крст и затоа се посебно одговорни за своите постапки пред Бога.

Водопост е ден кога треба да се опуштите и да се подготвите за Водици. Време е да престанете да обрнувате внимание на лоши мисли и гласини.

Прочитај повеќе...

Facebook

Последни објави

На денешен ден7 часа

На денешен ден, 11 февруари

1868.- Почина францускиот физичар Жан Бернар Леон Фуко, кој заедно со Арман Физо ја мереше брзината на светлината. Тој ја...

Хороскоп8 часа

Хороскоп за вторник (11 февруари)

ОВЕН Не сте осамени, имате на кого да се потпрете и се обидувате да најдете најдобар можен начин да се...

Свет8 часа

Санторини не мирува, нов силен земјотрес регистриран пред неполн час, ова се информациите

Земјотрес со јачина од 5,3 степени според Рихтеровата скала е регистриран во понеделник, 10 февруари, во 21 часот и 16...

Магазин11 часа

Пејачката од соседна Србија – Јелена Карлеуша остана без својот Инстаграм профил кој имаше над 2 милиони следбеници, дали петицијата на „Еко Стража“ успеа?

Еден од најследените Инстаграм профили на Балканот, профилот на Јелена Карлеуша, повеќе не е достапен. Што се крие зад овој...

Македонија11 часа

(ФОТО) СВР Охрид реализираше едукативно-превентивна кампања „Не пиј кога возиш“, додека ОВР Кичево ја спроведе „Паркирај совесно, паркирај одговорно” за сите учесниците во сообраќајот

Изминатиов викенд, Отсекот за превенција при СВР Охрид, на подрачјето на Охрид, ја реализираше едукативно-превентивната кампања – „Не пиј кога...

Спорт11 часа

Кичевчанецот Дејан Милошевски повторно во најдобрите 16 карате судии во САД, претходно беше избран за член на судиската карате комисија на и одговорен за 12 држави

Изминатиов викенд 1-2 февруари во Денвер Колорадо се одржа изборен натпревар за членови на америската сениорска карате репрезентација за 2025....

Lifestyle18 часа

Зошто крпите имаат непријатен мирис? Перењето на вистинска температура е клучно

Непријатниот мирис на крпите по перењето е чест проблем, чиј главен виновник се бактериите. Машината за перење лесно може да...

Магазин19 часа

Откриени спецификациите на Samsung Galaxy S25 Edge – ултра тенок телефон со премиум перформанси

Samsung Galaxy S25 Edge ќе дојде со импресивна главна камера од 200 MP и премиум дисплеј, во најтенкиот телефон на...

Автомобили20 часа

Продажбата на автомобили Tesla значително падна во пет клучни европски земји во јануари

Продажбата на автомобили Tesla во јануари годинава значително се намали во пет европски земји, при што најголем пад е забележан...

Lifestyle20 часа

Пет едноставни работи што можете да ги направите веднаш по будењето за подобар крвен притисок

Наместо драстични мерки, клучот за регулирање на високиот крвен притисок лежи во малите, но ефективни навики кои можете да ги...

НАЈЧИТАНИ