Македонија
(ВИДЕО) Два хеликоптери на МВР и еден на АРМ утрово дејствуваат над пожарите во Чучер Сандево, Чучер и Блаце

Утрово трите хеликоптери (два на МВР и еден на АРМ) во 05:00 часот почнаа со дејство над пожарот на територијата на Општина Чучер Сандево, селата Чучер и Блаце. На пожарот дејствуваат и силите на БППЗ на Град Скопје со повеќе екипи и ПП возила, ЈКП од Општината, Црвен крст со еден базен од кој хеликоптерите полнат вода, како и тимови со ПП возила на ДЗС, известува ЦУК.
ЦУК е во постојана комуникација и координација со сите надлежни институции на терен, предмалку известија на нивната фејсбук страница.
🔥 ВКУПНО ПОЖАРИ НА ОТВОРЕНО: 12
• Активни: 4
• Локализиран: 1
• Изгаснати: 7
⸻
🔴 АКТИВНИ (4):
1️⃣ Опш. Прилеп: с. Бешиште (приземен во мешана шума)
2️⃣ Опш. Македонски Брод: с. Црешнево (деградирана дабова шума и грмушки)
3️⃣ Опш. Чашка: под Солунска глава, помеѓу Изворите на Бабуна и Бабина дупка – само чад во карпест дел (шумски пожар)
4️⃣ Опш. Чучер Сандево: помеѓу с. Блаце и с. Чучер (мешана шума и ниска вегетација)
🟡 ПОД КОНТРОЛА: – / –
🟢 ЛОКАЛИЗИРАНИ (1):
✅ Опш. Делчево: Градска депонија Делчево (депонија)
ИЗГАСНАТИ (7):
1️⃣ Опш. Сарај: с. Љубин (ниска вегетација и борова шума)
2️⃣ Опш. Ѓорче Петров: н. Даме Груев, покрај р. Лепенец (ниска вегетација)
3️⃣ Опш. Карпош: кај болницата во Бардовци (грмушки и ниска вегетација)
4️⃣ Опш. Прилеп: кај Фабриката Партизанка (ниска вегетација и дрвен праг од железничка пруга)
5️⃣ Опш. Чешиново-Облешево: с. Чешиново (стрниште)
6️⃣ Опш. Куманово 1: ул. Октомвриска револуција кај My market (ѓубре и ниска вегетација)
7️⃣ Опш. Куманово 2: автопат, бензинска пумпа Макпетрол (гуми и ѓубре)
Извор: ЦУК
Македонија
Дизелот со намалена цена од ноќеска, додека бензините остануваат со иста цена

Малопродажните цени на бензините ЕУРОСУПЕР БС-95 и ЕУРОСУПЕР БС-98, не се менуваат, односно остануваат на исто ниво како што биле утврдени со одлуката за утврдување на највисоки малопродажни цени на нафтените деривати и горива за транспорт од 13.10.2025 година и со тоа малопродажната цена на ЕУРОСУПЕР БС-95 изнесува 73,00 ден/лит, додека малопродажната цена на ЕУРОСУПЕР БС-98 изнесува 75,00 ден/лит.
Малопродажните цени на ЕУРОДИЗЕЛ (Д-Е V) и на Екстра лесното масло за домаќинство на (ЕЛ 1), се намалуваат за 1,00 ден/лит, во однос на малопродажните цени утврдени со одлуката за утврдување на највисоки малопродажни цени на нафтените деривати и горива за транспорт од 13.10.2025 година и со тоа малопродажната цена на ЕУРОДИЗЕЛ (Д-Е V) изнесува 67,00 ден/лит, додека малопродажната цена на Екстра лесното масло за домаќинство на (ЕЛ-1)изнесува 66,50 ден/лит.
Македонија
МВР: Гласањето се одвива мирно, без поголеми нарушувања на јавниот ред и мир, доколку има било какво нарушување на изборниот процес граѓаните да пријават во најблиската полициска станица или на телефонски броеви 192 или 112

Локалните избори 2025 се одвиваат во мирна, фер и демократска атмосфера на територијата на целата држава. МВР презема мерки и активности во рамки на своите надлежности со цел непречено и безбедно спроведување на изборниот процес. До сега не се регистрирани посериозни нарушувања на јавниот ред и мир.
Во 09:00 часот на улица „Дабничка“ во Прилеп, полициски службеници од ОВР Прилеп, во врска со кривично дело „поткуп при избори и гласање“, ги лишија од слобода Б.Х.(72) и Д.С.(36), двајцата од Крушево. Во врска со истиот настан, во Полициската станица Прилеп повикани се С.А.(28), М.А.(31), Ш.А.(40), Д.А.(22) и Џ.А.(36) од Крушево, со престој во Прилеп. По целосно документирање на случајот ќе следува соодветна пријава.
Регистрирани се неколку пријави за агитирање при гласање на повеќе места, но по преземени мерки до овој момент не се потврдени наводите од пријавите.
МВР апелира до сите граѓани и до политичките партии, да придонесат за мирна и демократска атмосфера. Доколку има било какво нарушување на изборниот процес граѓаните да пријават во најблиската полициска станица или на телефонски броеви 192 или 112.
Македонија
Нов случај со измама за наводно случена сообраќајка, каде побарана била изнуда од висока сума на пари за итна операција

На 16.10.2025 во 17:20 часот во СВР Скопје, 71-годишна жена од Скопје пријавила дека била измамена за сума од 36.300 евра. Според пријавеното, едно лице ја контактирало телефонски, се претставило како полициски службеник и ѝ кажало дека нејзината ќерка направила сообраќајна несреќа и е тешко повредена и дека треба да плати за да се направи итна операција.
Како што е пријавено, таа повторно била контактирана телефонски, овојпат од лице кое се претставило како лекар и кое и посочило каде да ги остави парите.
Се преземаат мерки за расчистување на случајот, информираше МВР.
-
Хороскоп1 ден
Хороскоп за вторник (21 октомври)
-
Магазин13 часа
(ФОТО) По 25 години во „Бигорскиот манастир“ се враќа копаничарската колонија
-
Временска прогноза2 дена
Пред нас период на суво време и значително топло
-
Македонија1 ден
Дизелот со намалена цена од ноќеска, додека бензините остануваат со иста цена
-
Lifestyle2 дена
5 причини да јадете тиква: Ако сакате да ослабете, подгответе ја вака
-
Lifestyle2 дена
Со топол леб или палачинки: Овој џем од јаболка ќе стане вашето омилено есенско откритие
-
Магазин2 дена
Apple го претстави првиот M5 чип
-
Гејминг2 дена
Battlefield 6 продаде над 7 милиони примероци за само три дена