Следете не

Култура

(ВИДЕО+ФОТО) Чудотворната икона на Свети Георгиј благословена и осветена на Света Гора

Објавено пред

на

©bigorski.org.mk

По желба и со благослов на нашиот возљубен светителољубив Старец и Игумен, Епископот Антаниски г. Партениј, овие дена новоизработената икона на Светиот Великомаченик и Чудотворец Георгиј Победоносец, од страна на неколку наши отци и браќа беше однесена во Светата Гора Атонска, во двата манастира посветени на Светијата, Светите Обители Ксенофонт и Зограф, за таму да го прими благословот и да биде осветена од првообразната чудотворна Молдавска икона што се чува во зографскиот католикон.

„Учествувавме во исклучителен историски настан, којшто е голем благослов од Господ и го почувствувавме изобилието на благодатта Божја на Светата Гора Атонска“.

Постојаното благословено чувство на реалното присуство на Светиот Георгиј за сето време на опходот, насекаде и непречено ни го отвораше патот, исполнувајќи го со восхит, радост, умиление и благодарност секого кој ќе ја здогледаше неговата прекрасна чудотворна икона.

„Особено допрени бевме од љубовта, вниманието и грижата на Ксенофонтскиот Старец, дедо Алексиј, кој татковски нѐ пречека и направи да се почувствуваме како дома. Силно ѝ се израдува на иконата! Кога ја виде веднаш почна да пее, да го фали, да му се моли на Светиот Георгиј, а потоа неуморно да ни ја раскажува историјата на Манастирот и на бројните чудотворни икони. Радоста што ја почувствува Старецот, ни беше светогорски благослов од Св. Георгиј. Неговите молитви и желби, за Светиот Победоносец да ни носи трофеи на победи, да нѐ заштитува, обединува и помага во делото на Едната Света Соборна и Апостолска Црква, беше изобилен излив на благодат, која ги стопли и стопи срцата.

„Голем благослов е за вашиот манастир и за вашата монашка заедница и за народот Божји таму доаѓањето на светата икона на Светиот Великомаченик Георгиј Победоносец. Посакувам Светиот секогаш да ве поткрепува, да ви носи трофеи на победа, на духовна победа, во оваа епоха којашто е особено тешка. Но силата и благодатта Божја секогаш ќе нè оснажуваат и застапништвата на Светиите ќе ни помагаат и ќе нè водат.

Ве молам пренесете му ја нашата најдлабока почит на Игуменот и Епископот Свет Антаниски г. Партениј, и да му кажете дека го љубиме и го очекуваме“ – со љубов ни зборуваше осветениот Христов слуга.

Потоа нѐ прими во својата игуменска одаја и нѐ почести со аристократската љубов во Духот. Неговата почит и љубов кон нашиот татко во Христа, Старецот Епископ г. Партениј, беа сублимирани во следниве негови зборови, изговорени со длабочина на искуство и подвиг: „Чувајте го, помагајте му, подражавајте го, оти вашиот Старец е просветлен човек, што е многу ретко во овие тешки години“. Овие зборови на осумдесетгодишниот Старец силно се отпечатија во нашите души.

Благодатта од преданието кое го пазат, почитта на поредокот во Манастирот и во устројството на Црквата, љубовта кон Таткото на Православните, Сесветиот Вселенски Патријарх г. г. Вартоломеј, беа вистински пример на дејствително христијанство и монаштво кое преобразува и спасува.

Нескриена беше радоста и воодушевеноста и во другата Свештена Обител на Св. Георгиј наречена Зограф, која ја посетивме следниот ден, со нетрпение очекувајќи да ја принесеме до чудотворната Молдавска икона и да го испросиме благословот и благодатта на Светиот да дојде и на нашата истообразна икона, изработена со страв Божји, вера и љубов. Радоста и задоволството на братството на Обителта со Старецот г. Амвросиј и на многуте духови на нашите предци кои духовно нѐ прегрнаа, ни беше гаранција за благоволението на Св. Георгиј врз иконата што ја приведовме.

И двајцата игумени со нивните братства беа воодушевени од прекрасната изработка на Иконата и ни посведочија за доброто и благословено дело што е направено. А ние си спомнавме за благочестивиот г. Ратко Капушевски со семејството, кој штедро ја обдари Рајчичката Обител со оваа скапоцена и историска Икона, молејќи се Бог да ги благослови со секаков небесен и земен дар, живот, здравје и спасение во Христа Исуса нашиот Господ и да ги удостои за Царството Небесно.

Оваа посета на Света Гора остана запаметена по братољубието, истодушноста и обединетоста во Христовата љубов и неговите Светии како наши обединители во Христа. Молитвите и благопожелбите на Светогорците беа застапништвото и благословот на Светиот Великомаченик Георгиј да биде со Старецот, братството, сестринствата, со нашата Црква и народ.

Официјалниот пречек на Чесната икона е предвиден за утре, сабота, 30 март, во Манастирот на Светиот Великомаченик Георгиј Победоносец во Рајчица. Покана за присуство имаат сите светителољубиви души кои сакаат да му оддадат достојна чест на Светецот и да го испросат неговиот благослов, пишува bigorski.org.mk

Повеќе галерија ќе најдете на официјалниот линк од Бигорски – ТУКА

Култура

Кичевчанецот Зоран Стефаноски го претстави својот нов соло проект наречен Fly Above

Објавено пред

на

Неговиот седми музички проект „Fly Above“ штотуку е објавен на Youtube, зад себе има уште шест музички проекти наречени “The Beginning”, “Between Passion And Suffering”, “Empire Of Slaves”, “Butchered Hope”, “Wrath Of The Innocent” и “Hand Of Salvation And justice”кој може да ги преслушате на неговиот Youtube канал.

Кичевчанецот, освен што е комплетен автор, тој е и комплетен изведувач на темата, аудиото, миксот и мастерингот се на Христијан Ѓоргиевски, а сето тоа визуелно ни го претставија Александар Вренцовски и Ненад Милошески

Послушајте, споделувајте и се надеваме ќе ви се допаднe.

Прочитај повеќе...

Култура

Честитки по повод верскиот празник „Рамазан Бајрам“ на сите припадници на исламската вероисповед

Објавено пред

на

Токму денес на сите наши читатели, поддржувачи на пишаниот збор од информативен и јавен карактер – Ви го честитаме срдечно највозвишениот ден од исламскиот календар, празникот Рамазан Бајрам, посакувајќи празнична радост во сите муслимански семејства.

/Порта.мк

Прочитај повеќе...

Култура

Денес се слави „Благовец“ празник на мајките, честит именден на Благој, Благица, Блаже..

Објавено пред

на

Името на празникот Благовештението е истоименито со Евангелието.

Тие носат исто име. Евангелие е Благовестие, Благовештение. Празникот така и се нарекува на грчки јазик: Евангелизмос (ЈО Еујаггелисмовч), а на старомакедонски (црковно-словенски) јазик: Благовештение(БлаговѕГен·е). Составено е од два збора: блага + вест, радосна вест.

Свето Благовештение е Богородичен празник, односно еден од празниците посветени на Пресвете Богородица. Тие се поврзани со животот на Божјата Мајка. Таков е и овој празник. Со право некои го сметаат и за двоен празник: Господов и Богородичен. Господов, бидејќи на овој ден Господ Исус Христос се воплотил зачнал, а Богородичен, бидејќи Богородица постанала Божја мајка.

Полното име на празникот е: Благовештение на Пресвета Богородица. Се сретнува, обично во руски и црковно-словенски богослужбени книги и како Благовештение на Пресветата Владичица наша Богородица и Приснодева Марија.
Бил именуван и како: Благовештение на Марија од ангелот, Зачнување Христово, Почеток на искупувањето, Почеток на спасението, Благовештение за Христа, а во ВИИ век е усвоено името: Благовештение на Пресвета Богородица.
Благовештение го празнуваат и Источната и Западната црква.
Неговото народно именување е Благовец, Благоец, Благостене, Благовден, Половина Велигден, Блошчење, Кукувден.

Благовец празник на мајките

Благовец е празник на Божјата Мајка, а според старата црковна традиција е и празник на сите мајки Денот на мајките. Новото нецрковно време го заменуваше со празнувањето на 8 Март, па се подзаборава дека Благовештение е празникот на мајките.
На Благовец е денот на мајките, затоа што Богомајката Богородица е заштитничка на сите мајки кои зачнале и станале мајки. Тоа е ден на мајката која дала нов живот. Тогаш децата и благодарат на мајката, ја гушкаат и и даваат дарови во знак на љубов, почит и внимание.

Мајките, пак, ги благословуваат децата и тие да имаат свои рожби и радости.
Денес, бакнете ја мајка ви. На овој ден се покажува особена сострадалност и помош кон сирачињата, кон бедните и кон унесреќените.

Именден
Именден празнуваат: Благој, Блаже, Блажо, Благин, Благомил, Благомир, Благовестин, Благун, Евангел, Вангел, Блага, Благица, Благана, Блажена, Благојка, Благуња, Благодатка, Благовеста, Бонка, Вангелија, Евангелица и др.

Датум на празникот
Празникот Благовец е секогаш на 7 април (односно 25 март, по стар стил). Датумот не го менува и е од групата на постојаните празници.
Постојат две причини за поврзувањето на Благовец со овој датум: Првата е поврзаноста со Божик, а втората, со создавањето на човекот.

Уште од древноста, секогаш се празнувал на овој датум. Благовец е строго поврзан со Божик. Се празнува точно девет месеци пред Божик. Неговата поврзаност со Христовото раѓање не му дава да биде изместен, бидејќи тој е датумот на зачнувањето (7 април / 25 март с.к.), а девет месеци потоа е Раѓањето на Господа Исуса Христа (7 јануари / 25 декември с.к.).

Прочитај повеќе...

Facebook

Последни објави

Магазин34 минути

iPhone 16 може да остане без физички копчиња

Претстојните телефони од серијата iPhone 16 на Apple би можеле целосно да ги заменат физичките копчиња, сугерираат најновите гласини Apple...

Магазин36 минути

Meta се затвора во Турција

Од 29 април Meta нема да биде достапна во Турција. Meta планира „привремено“ да се затвори во Турција од 29...

Хороскоп13 часа

Хороскоп за вторник (23 април)

ОВЕН Само кога ќе помислите дека сте сфатиле сè, ќе откриете како се појави нешто ново. Слободно обрнете внимание на...

Македонија22 часа

Од ноќеска бензинот со нова покачена цена, дизелот се намалува

Малопродажната цена на бензинот ЕУРОСУПЕР БС-95 се зголемува за 1,00 ден/лит, во однос на малопродажната цена утврдена со одлуката за...

Lifestyle23 часа

Колку долго можеме да ја чуваме мократа облека во машината за перење?

Времето кога ја вклучувате машината за перење секогаш може да го искористите за извршување други задачи, но и за одмор....

Магазин23 часа

Netflix налути многу корисници со еден потег, но се покажа како одлична одлука

Иако го одложија воведувањето на промени кои нема да им се допаднат на корисниците, сепак на крајот нивниот потег доведе...

Автомобили23 часа

Tesla отпушта повеќе од 10 отсто од својата работна сила

Tesla отпушта илјадници вработени. Со цел да ги намали трошоците и да ја зголеми продуктивноста, Tesla отпушта илјадници работници. Според...

Хороскоп2 дена

Хороскоп за понеделник (22 април)

ОВЕН Денес, се ќе се сведе на достигнувања, а не на тоа што сте или како се чувствувате за другите...

Автомобили2 дена

„Toyota“ спрема нешто големо во автомобилизмот, еве за што станува збор..

Кога „Toyota“ подготвува нешто, секогаш е големо и го привлекува вниманието на целиот свет. Сега побара помош од две кинески...

Кичево2 дена

Кичевчани дел од најпознатата „ATM Chiptuning Performance“ тјунинг куќа, најдоброто решение за вашиот автомобил, сега достапно и кај нас!..

Веќе нешто повеќе од една година ултра популарниот „ATM Chiptuning Performance“, инаку светски позната тјунинг куќа која е синоним за...

НАЈЧИТАНИ