Спорт
(ВИДЕО) Франција е новиот патник во полуфиналето на Светското првенство во Катар, трагичарот Кејн промаши цел гол од пенал

Фудбалерите на Франција се пласираа во полуфиналето на Светското првенство во фудбал, откако ја совладаа селекцијата на Англија со 2:1. Во борбата за финалето ќе се сретнат со репрезентацијата на Мароко, која претходно победи против Португалците.
Во одличен натпревар полн со возбудувања видовме две фудбалски велесили на дело и лесно можеше натпреварот да оди во друга насока.
Актуелните светски шампиони рано поведоа во 17. минута од натпреварот кога Чуамени беше прецизен од далечина, на асистенција на Антоан Гризман.
Од тој момент следеше англиската офанзива, а спорен момент беше забележан во 25. минута кога Хари Кејн падна во шеснаесетникот, но судијата одлучи дека не станува збор за пенал.
Со предност на Французите заминавме на пауза, а потоа следеше вистинска драма. Поконкретни беа Англичаните, што вроди со плод во 52. минута кога Хари Кејн израмни од пенал.
Тоа беше сосема заслужено израмнувачки погодок, бидејќи Лорис претходно неколку пати ја сочуваше француската мрежа.
Англискиот налет продолжи, а потоа од никаде Французите постигнаа гол и повторно брилијантниот Жиру. Во 78. минута од натпреварот беше забележан мајсторскиот центаршут на Гризман, по втор пат вечерва Жиру се најде на вистинското место, кој со глава ја испрати топката во мрежата на Англија!
Неполни три минути подоцна, нов шок. Тео Хернандез го собори Маунт, а судијата досуди пенал по консултација со ВАР. Кејн повторно шутира, а потоа го промаши целиот гол и е дефинитивно трагичарот на мечот!
Еве го промашениот пенал од трибините:
Спорт
Одржана меѓународна работилница поврзана со клупскиот лиценцен систем, во организација на УЕФА и ФФМ

Оваа година ФФМ прославува уште еден јубилеј, а тоа е 20 години од постоењето и имплементирањето на клупскиот лиценцен систем. За таа цел, во текот на вчерашниот и денешниот ден во Скопје, во организација на УЕФА и Фудбалската Федерација на Македонија беше одржана меѓународна работилница поврзана со UEFA клупскиот лиценцен систем на кој учество земаа 23 држави од Европа.
На истиот беа присутни сите лиценцни менаџери заедно со нивните тимови на експерти на кои разменија искуства и најдобри пракси поврзани со клупскиот лиценцен систем во нивните земји.
На работилницата беша презентиран клупскиот лиценцен систем во Македонија од страна на Генералниот секретар Филип Поповски, а додека техничкиот директор Зоран Стратев презентираше за работата на Фудбалската федерација на Македонија во насока на развојот на младинскиот фудбал и работата на фудбалските академии.
На покана на ФФМ, беше направена и презентација од страна на ФК Работнички, преку Генералниот секретар Ненад Монев, за нивната работа со млади категории и стратегијата за општествена одговорност. Имено, ФК Работнички е единствениот клуб кој учествува во сите лиценцни процеси во изминатите 20 години, започнувајќи од 2003 година.
Спорт
Ова се противниците за пласман во ЕП2025 на младата репрезентација на Македонија во фудбал до 21 година

Младата репрезентација на Македонија до 21 година за противници ќе ги има селекциите на Холандија, Шведска, Грузија, Молдавија и Гибралтар во рамките на квалификацискиот циклус за пласман на Европско првенство што ќе се одржи во Словачка 2025 година.
На денешното извлекување во Нион, Швајцарија, беа одредени групите за 52 репрезентациите кои ќе бидат дел од квалификацискиот циклус за фудбалери до 21 година.
Квалификациите за пласман на ЕП започнуваат во март 2023 година и ќе траат до ноември 2024.
Репрезентацијата на Словачка како домаќин на финалниот турнир е директен учесник на ЕП 2025 година.
Квалификации за фудбалери до 21 година за пласман на ЕП 2025 во Словачка:
Група A: Италија, Република Ирска, Норвешка, Турција, Летонија, Сан Марино;
Група Б: Шпанија, Белгија, Шкотска, Унгарија, Казахстан, Малта;
Група Ц: Холандија, Шведска, Грузија, Македонија, Молдавија, Гибралтар;
Група Д: Германија, Полска, Израел, Бугарија, Косово, Естонија;
Група Е: Романија, Швајцарија, Финска, Албанија, Црна Гора, Ерменија;
Група Ф: Англија, Украина, Србија, Северна Ирска, Азербејџан, Луксембург;
Група Г: Португалија, Хрватска, Грција, Белорусија, Фарски Острови, Андора;
Група Х: Франција, Австрија, Словенија, Босна и Херцеговина, Кипар;
Група И: Данска, Чешка, Исланд, Велс, Литванија;
Спорт
Ѓоковиќ незапирлив! Гркот ќе мора подобро да се спреми и да почека за триумф!

Новак Ѓоковиќ е неприкосновен крал на Мелбурн! Кога и да оди во „Род Лејвер“ Арената да се бори за трофејот, српскиот тенисер едноставно не може да загуби, па продолжи да владее на Австралија опен – 10 трофеи во 10 финалиња.
Во моментов Стефанос Циципас беше единствениот способен да му се спротивстави бидејќи го игра својот најдобар тенис, сепак Гркот ќе мора да почека уште малку на својот прв Грен слем. Новак играше како да немал повреда на грбот цело време, со својата ментална сила ја совлада целата голгота што лани му ја подготвија Австралијците со депортација и во спектакуларното финале убедливо го совлада Циципас – 3:0 (6 :3, 7:6, 7:6).
KING OF MELBOURNE 👑 @DjokerNole pic.twitter.com/myM619PTVN
— #AusOpen (@AustralianOpen) January 29, 2023
Во мечот каде што победникот зема се, Ѓоковиќ стигна до својот 10-ти триумф на Австралија опен, негова 22-та Грен слем титула во 33-то финале, израмнувајќи го со Рафаел Надал, неговата 93-та титула во кариерата (четврта зад Лендл, Федерер и Конорс). нова заработка од 2.975.000 долари (вкупно 167,5 милиони долари во кариерата) и конечно да се врати на првото место на АТП листата бидејќи од денес (има 6.970 поени. Новак е неуништлив.
Новак го отвори 13-от меѓусебен дуел, втор во финалето на Грен слем, против Циципас. Одлично сервираше, го изнуди послабиот бекхенд на ривалот и поведе со 4:1 со брејк во четвртиот гем. Потоа лесно го доби првиот сет со 6:3 во 36 минута.
-
Хороскоп1 ден
Хороскоп за среда (8 февруари)
-
Свет15 часа
(ВИДЕО) Сириско момче истакна видео до под урнатините, „незнам дали ќе преживеам или умрам“, страшни снимки од земјотресот во Турција и Сирија
-
Хороскоп5 часа
Хороскоп за четврток (9 февруари)
-
Магазин2 дена
Дали ќе плаќаме за верификација на сметката и за Instagram и за Facebook?
-
Видео14 часа
Кој подобро ја слуша мама? Тиктокерка сними како им дава наредби на синот и кучето, видеото стана хит
-
Свет2 дена
SpaceX ќе се обиде да го лансира Starship во март
-
Магазин2 дена
Продажбата на конзолата PS5 надмина 32 милиони единици
-
Свет1 ден
Бројот на жртви не запира, денеска надмина 6,200 луѓе, додека спасувачите и покрај лошите временски услови се обидуваат да извадат живи луѓе..