Се ближи денот на Христовото Рождество. Насекаде радосно исчекување. Вистинско веселие во душите на сите. Народот секогаш се радувал и пеел и никогаш не престанал да Го воспева и да го слави Бога.

По тој повод, во оваа Дебарско-кичевска епархија, возглавена од почитуваниот митрополит г. Тимотеј, по желба и иницијатива на Игуменот на Бигорскиот манастир, Епископот Антаниски, г. Партениј, пред скоро една година беше основан хор по источно црковно и традиционално пеење. Истиот тој, сакајќи да ја сподели со сите претстојната радост за Рождеството Христово, во соработка со студиото „Mini musician production“ на истакнатиот музичар и професор нашиот пријател Бојан Ѓошиќ, фотографот Саше Лазарески и неговото студио „Media Centar/Медиа Центар“ во соработка и медиумско покровотелство на нас ПортаМК не почестија, компонираа и снимија дел од таканаречените каланди, песни кои по обичај се пеат особено во периодот на празниците Божик, Василица, Богојавление и други.

Уживајте во прекрасната најава, се гледаме утре во 11:00 часот кај најубавиот украс на градскиот плоштад во Кичево