Истражувачите од мал јапонски град на северот на земјата пронајдоа одржливо решение за еден од најголемите проблеми со кои се соочуваат, а нивните научници велат дека овој модел може да им служи на другите земји кои се соочуваат со слични проблеми.

Аомори, град со големина на Нови Сад, се наоѓа на 715 километри северно од главниот град Токио. Покрај боровите шуми кои вообичаено ги красат овие предели, градот е познат и како место со најмногу снежни врнежи во светот – околу 8 метри годишно.

Причината поради која има толку многу снег во Аомори е токму неговата локација и надморска височина. Градот се наоѓа помеѓу два заливи (Мутсу и Аомори) и планината Хакода, каде што е директно изложен на студениот северен воздух и околните води.

Минатата година беше особено проблематична. Толку многу снег падна во градот што локалните власти мораа да издвојат 46 милиони долари (5,6 милијарди ¥) само за да ги исчистат покривите и улиците.

Aomori pic.twitter.com/Ght0u5CW

— JAPAN Night@Photo (@JPN_NightView) January 16, 2023

А знаете ли каде јапонците го фрлаат тој снег? Во океанот.

Иако звучи едноставно, се испостави дека овој начин на отстранување на снегот е прескап и бара многу време и труд.

Затоа тимот, составен од научници од Јапонскиот национален универзитет за електро-комуникации (UEC, Токио) и стартап компанијата „Форте“, предложи интересно решение за овој проблем.

Велат дека целиот снег што се наталожува во текот на годината може да се искористи за производство на струја.

Тестирањето на новиот систем е веќе започнато, а јапонските научници веруваат дека нивниот пристап може да им помогне на другите земји, особено на оние кои се соочуваат со енергетска криза предизвикана од војната во Украина.

#Didyouknow,
The snowiest city on earth is in #Japan ❄️

Aomori City receives more snowfall than any major city on the planet. 🌎
Each year citizens are hit with 312 inches, or about 26 feet, of #snow ☃️ pic.twitter.com/aIMo1LYWBK

— One Tree Planted (@onetreeplanted) January 2, 2023

Како снегот може да произведе струја?
За време на истражувањето, јапонските научници ќе користат големи количини собран снег и „надворешен“ воздух за напојување на турбина која произведува електрична енергија.

Истражувачите ќе користат топлински цевки за снабдување со воздух на турбината. Еден дел од цевката ќе биде под земја во слив кој постојано е исполнет со снег, додека другиот ќе биде изложен на надворешниот воздух.

Надворешниот воздух има повисока температура од воздухот од снегот бидејќи се загрева од сонцето, а токму овие разлики во температурата ја придвижуваат оваа турбина.

Разликата во температурата помеѓу ладниот и топлиот воздух ќе доведе до конвекциона струја во течноста за ладење на уредот, што предизвикува турбината да се ротира и да произведува електрична енергија, како што може да се види на видеото погоре.

Научниците велат дека нивниот метод за производство на електрична енергија би можел да ја достигне истата ефикасност како и производството на соларна енергија, а сето тоа на многу поисплатлив начин.

Сепак, тие предупредуваат дека ефективноста на овој систем во голема мера зависи од факторот температурна разлика.

/nova.rs