Следете не

Автомобили

(ВИДЕО) Кинескиот „ѕвер“ од автомобил „XPeng P7“ и официјално влегува во германскиот пазар

Објавено пред

на

printscreen/official video

Кинеската автомобилска компанија XPeng официјално објави дека започна со работа на германскиот пазар. Релативно новиот производител на електрични возила во Европа планира да ја прошири својата продажна мрежа во Италија, Франција и Велика Британија до крајот на годината.

Откако првично го разви бизнисот во Скандинавија и испорача повеќе од 1.000 возила за краток временски период, новиот бренд на електрични автомобили продолжува да се шири низ Стариот континент. Сега официјално е отворено претставништво и на германскиот пазар.

За почеток, азискиот бренд ќе лансира два модели на овој пазар: теренец и седан. Станува збор за целосно електрични модели, кои од мај ќе се продаваат на најсилниот европски пазар. До крајот на оваа година кинеската компанија ќе ги лансира своите автомобили и во Италија, Франција и Велика Британија, пишува Klix.ba.

Поточно, станува збор за моделите P7 и G9. Седанот XPeng P7 ќе биде достапен во три верзии: Long Range, Performance и Wing Edition. Почетната верзија е придвижувана од електричен погон од 276 КС, додека другите верзии имаат два електромотори кои развиваат вкупно 473 коњски сили.

Во случајот со верзијата Long Range, досегот е 576 километри во WLTP режим, а батеријата од 82,7 kWh може да се наполни од 10 до 80 проценти за 29 минути. Помоќните верзии имаат помала автономија од 505 километри. Цената на лимузината P7 во Германија започнува од 49.600 евра. За споредба, Volkswagen ID.7 има почетна цена од 56.995 евра, пренесува британскиот „AutoCar“

Автомобили

Утре во Прилеп ќе се одржи традиционалниот „Авто слалом“, учество ќе земе шампионот од Кичево, Кристијан Бојоски!

Објавено пред

на

©porta.mk

Утре (недела), 1-ви јуни со почеток од 11:00ч, град Прилеп повторно ќе биде домаќин на традиционалното државно првенство на Македонија во „Авто слалом“ со возила „Олд тајмери“ и „Јанг тајмери“ во организација на Национална Федерација за историски возила на Македонија која припаѓа во семејството на „FIVA“ – Fédération Internationale des Véhicules Anciens и „Класика Прилеп“ поддржано од Министерство за Спорт.

На наше огромно задоволство и под наше медиумско покровителство свое учество ќе земе нашиот кичевчанец, поранешен шампион и долгогодишен искусен учесник Кристијан Бојоски со својот модифициран „Опел Кадет“, кој долги години е миленик на прилепската публика, а владее голема поддршка и од нашиот град Кичево.

Инаку да потсетиме лани Кристијан Бојоски се натпреваруваше во класа 3 заедно со уште 11 учесници, рекорден број во таа категорија. Бојоски заврши на четвртата позиција со извозено време 1:40

Бидете дел и заедно да навиваме за кичевчанецот кој благодарение на пријателите и спонзорите кои здружено помагаат првично во техничката спремност, а тука не смее да се заборави поддршката на „Adler“, успешно плови по автомобилистичките води.

Имено да потсетиме, во октомври 2023, Бојоски го извози најдоброто време во класата „олд тајмери“ и се закити со пехар и медалја.

Настанот е на официјалната локација пред „Палма Шоп“ во Центарот на градот. Истиот беше закажан за 11-ти мај, но доби нов датум 1-ви јуни поради санација на делови од патеката, тогаш истакнаа од организацијата.

Со среќа на сите учесници!

 

Прочитај повеќе...

Автомобили

„BMW“ во својата палета на електрични автомобили ќе го истакне својот модел „i4 M60“, со неверојатни 593 коњски сили

Објавено пред

на

ФОТО: screenshot/youtube/i4m60/2024

Помина нешто повеќе од една година откако BMW направи освежување на Серија 4 Gran Coupe и електричниот модел i4. Сепак, спортската верзија i4 M50 тогаш не доби технички промени. Таа продолжи да се нуди со истата M Performance поставка која развива 536 коњски сили и 795 њутн-метри вртежен момент. Неколку месеци подоцна, BMWBLOG објави информации дека се подготвува помоќна верзија – i4 M60. Сега, иако неофицијално, таа верзија се појави на холандската страница на BMW.

Новата i4 M60 веќе е наведена меѓу понудените модели, иако сè уште не може да се конфигурира. Интересно е што i4 M50 сè уште стои во понудата, но тоа веројатно ќе се промени наскоро. Новиот модел носи 593 коњски сили, што е за 57 КС повеќе од претходниот. Вртежниот момент останува ист – 795 њутн-метри.

Поради дополнителната сила, i4 M60 е побрз – од 0 до 100 км/ч стигнува за 3,7 секунди, што е за 0,2 секунди побрзо од M50. Максималната брзина останува ограничена на 225 км/ч. Покрај подобрените перформанси, има и други новитети кај оваа верзија, која е најпродаван BMW M модел последниве три години.

Според податоците од холандскиот сајт на BMW, новиот i4 M60 има автономија од 432 до 551 километар според WLTP стандардот. Иако минималниот дострел е помал од претходната верзија (469 км), максималниот сега е поголем (513 км порано). Батеријата и натаму има капацитет од 81,1 kWh, со максимално полнење на 205 kW со еднонасочна струја.

Новата верзија троши малку повеќе енергија – од 21 до 16,6 kWh на 100 км, додека старата верзија имаше потрошувачка од 19,7 до 17,9 kWh. Исто така, автомобилот е малку полесен – намален е за 5 килограми, па сега тежи 2.285 кг.

Брзината на полнење исто така е подобрена. За само 10 минути, може да се добие енергија за 141 до 185 километри, додека кај претходниот модел тоа беше 135 до 175 километри. Бидејќи BMW веќе ги подновува своите веб-страници со новиот модел, целосното претставување на i4 M60 најверојатно ќе се случи многу наскоро.

Извор: bmwblog.com

Прочитај повеќе...

Автомобили

(ВИДЕО) „Ферари Ф50“ оваа година слави 30 години од производство на еден од најзначајните суперавтомобили

Објавено пред

на

ФОТО: screenshot/youtube/DPCcars

„Ферари Ф50 Легаси тур“ 2025 слави 30 години од еден од најзначајните суперавтомобили на „Ферари“ со патување низ Тоскана и круг на патеката Фиорано. Но, ова не е само прашање на возење – ова е и деби на сосема нова гума Pirelli направена ексклузивно за F50.

Ферари ја оживува историјата со секој настан на Легаси. Од Сатурнија до Маранело, од кривулести патишта до бучавата на тркачката патека, ова е прослава на инженерството, убавината и длабоката врска помеѓу машината и возачот, пренесува autoblog.rs.

Прочитај повеќе...

Facebook

Последни објави

Македонија56 минути

МВР со детали за страотната сообраќајка кај Тетово, каде трагично згасна млад живот

На 31.05.2025 година во 15.30 часот во СВР Тетово било пријавено дека на магистрален пат Гостивар-Тетово во близина на клучката...

Македонија3 часа

Бигорскиот Манастир за прв пат се огласи во јавноста по јавните собири

Поттикнати од јавните бранувања, објавите по медиумите и социјалните мрежи и од неодамнешните јавни собири во врска со назначувањето на...

Временска прогноза4 часа

Најави за дожд речиси и да нема, следува период на летни температури и покачен УВ индекс

Пред нас е период на значително потопло време со значителен пораст на температурите на воздухот. Нашата Република Македонија во следните...

Хороскоп15 часа

Месечен Хороскоп (јуни 2025)

ОВЕН Иако сте родени како борец, поседувате срце на некој кој посакува мир. Денес ќе посакувате да водите а со...

Кичево17 часа

(ФОТО) Кога молкот стана глас, а гласот – сила: Кичево денес гласно ја кажа приказната на жените

Во срцето на Кичево, проектот #BeHerVoice, поддржан од Европската Унија и Еразмус+, го обедини гласот на преживеаните, поддржувачите,заедницата и институциите...

Кичево17 часа

Кичевчани со мирен собир ќе оддадат почит за Отец Партениј, за неговите 30 години посветени во монашкиот живот

Група граѓани од Кичево за утре 1-јуни најавија мирен собир во знак на почит на владиката Партениј. Во натпис на...

Временска прогноза23 часа

Конечно очекуваните летни температури на повидок во Македонија, ова се информациите

Територијата на Република Македонија полека потпаѓа под влијание на најавениот прв топлотен Африкански бран за оваа сезона. Температурите на воздухот...

Мобилни уреди24 часа

Според анализа на „Counterpoint“ еве кој мобилен уред е најпродаван во светот

Според анализата на Counterpoint Research, Apple ги освои првите четири позиции на глобалната листа на најпродавани телефони. Најмногу се продавал...

Автомобили1 ден

Утре во Прилеп ќе се одржи традиционалниот „Авто слалом“, учество ќе земе шампионот од Кичево, Кристијан Бојоски!

Утре (недела), 1-ви јуни со почеток од 11:00ч, град Прилеп повторно ќе биде домаќин на традиционалното државно првенство на Македонија во...

Хороскоп2 дена

Хороскоп за сабота (31 мај)

ОВЕН Денот е идеален за решавање на сите незавршени работи како и за дискусии поврзани со финансиски проблеми со личност...

НАЈЧИТАНИ