Спорт
(ВИДЕО) Младинците на Македонија до 21 година на „Анталија Куп 2023“ ја победија Финска на пенали и домаќински прославија во соблекувалната!

Младата репрезентација на Македонија до 21 година во еден неизвесен и возбудлив натпревар, успеа да издвојува победа над Финска по подоброто изведување на пенали, на отварањето на меѓународниот контролен турнир „Анталија Куп 2023″. Во регуларните 90 минути немаше победник, резултатот беше 1:1.
Во првиот дел, видовме еден доста тврд натпревар, со многу борба, пожртвуваност и трчање на двете страни. Противникот неколку пати опасно се закани по нашиот гол, но Марко Алчевски беше на висина на задачата и одлично интервенираше. Најопасен во нашиот состав беше крилниот фудбалер Берат Калкан, кој имаше неколку одлични продори по левата страна. Добрата партија, нашиот фудбалер ја круниса со погодок од пенал за водство на Македонија.
На почетокот на вторите 45. минути, Финска успеа да го израмни резултатот. Стрелец на погодокот беше Скита. До крајот на натпреварот имавме уште неколку добри прилики, но не успеавме да реализираме. Убедливо најдобрата можност за Македонија ја имаше Хамза Рамани, но неговиот силен удар заврши покрај голот.
По пенал серијата, избраниците на селекторот Драги Канатларовски успеаа да обезбедат триумф.Сигурни од белата точка беа Малески, Крстевски, Николов, Фета и Фетаи. Фантастичен на нашиот гол беше Марко Алчевски, кој успеа да им одбрани два пенали на фудбалерите на Финска.
Во вториот натпревар од денешната програма играат селекциите на Словачка и Бугарија.
Македонија: Марко Алчевски, Марио Ричков, Андреј Стојчевски, Имран Фетаи, Стефан Деспотовски, Берат Калкан, Хамза Рамани, Решат Рамадани, Ване Крстевски, Лука Станковски, Марио Илиевски;
Резерви: Михаил Димитриевски, Димитар Тодоровски, Мартин Талаков, Иван Николоски, Матеј Ангелов, Виктор Крстевски, Иван Николов, Бехар Фета, Леонид Игнатов, Васко Василев, Христијан Малески;
Селектор: Драги Канатларовски;
Методи Максимов поради повреда на задната ложа не беше во можност да се стави на располаѓање на селекторот Драги Канатларовски на денешната средба.
Видео: sportmedia.mk
Спорт
Кичевски ФК Напредок како во старите добри времиња, 4 погодоци против ФК Скендербегу на градски!

ФК Напредок во досегашниот дел од првенството одигра 3 и оствари 3 одлични победи.
Уште една одлична фудбалска претстава на нашите фудбалери предводени од шефот на стручниот штаб Бобан Дујковиќ.
Овој пат надиграна беше екипата на ФК Скендебегу со резултат 4:1 (2:0).
Стрелци на головите беа: О.Исмаили 1:0 во 14′,Н.Калевски 2:0 во 33′,М.Котевски 3:0 во 55′,А.Османи 3:1 во 66′ и за конечни 4:1 А.Божиноски во 83′.
Благодарност до публиката која е присутна во сè поголем број.
Одиме напред
Спорт
Милевски го истакна составот за квалификациските натпреварувања за СП, со Белгија и Казахстан, Ќамили и Митровски повредени, додека во составот се враќа Бабунски

А репрезентацијата на Македонија влегува во завршната етапа од квалификациите за Светското првенство 2026, кое ќе се одржи во САД, Канада и Мексико.
Во октомври националниот тим ќе одигра два решавачки натпревари – прво гостувањето против Белгија во Гент, а потоа и средбата со Казахстан во Скопје, како најава за ноемвриската завршница на квалификацискиот циклус.
Селекторот Благоја Милевски го соопшти списокот на играчи, без поголеми изненадувања. Поради повреди отпаднаа Лирим Ќамили и Димитар Митровски, додека во составот се враќа Давид Бабунски од редовите на Вардар.
Милевски се одлучи да ги повика следните фудбалери:
Голмани: Столе Димитриевски (Валенсија, Шпанија), Дејан Илиев (УТА Арад, Романија), Дамјан Шишковски (Борац Бања Лука, БиХ), Игор Алексовски (Фљамуртари, Албанија)
Одбрана: Висар Муслиу (Сент Тројден, Белгија), Никола Серафимов (Левски Софија, Бугарија), Езѓан Алиоски (Лугано, Швајцарија), Ѓоко Зајков (Ајман, ОАЕ), Андреј Стојчевски (Словачко, Чешка), Дарко Велковски (Зрињски, БиХ), Стефан Деспотовски (ОФК Београд, Србија), Бојан Илиевски (Струга Трим Лум), Стефан Ашковски (Раднички Ниш, Србија)
Среден ред: Енис Барди (Коњаспор, Турција), Јани Атанасов (Лариса, Грција), Елиф Елмас (Наполи, Италија), Исник Алими (Далиан Јингбо, Кина), Лука Станковски (Раднички Крагуевац, Србија), Тихомир Костадинов (Сигма Оломуц, Чешка), Решат Рамадани (Шкендија)
Напад: Бојан Миовски (Глазгов Ренџерс, Шкотска), Милан Ристовски (Бохемианс 1905, Чешка), Дарко Чурлинов (Кочаелиспор, Турција), Александар Трајковски, Давид Бабунски (Вардар), Елмин Растодер (Тун, Швајцарија)
Извор: ФФМ
Спорт
(ФОТО) ФФМ донираше компјутери во ОУ „Аврам Писевски“ од с.Бардовци, малите дела носат големи промени!

Во насока на општествена одговорност и поддршка на одржливите практики, Фудбалската федерација на Македонија (ФФМ) во понеделникот донираше компјутери на основното училиште „Аврам Писевски“ во село Бардовци. Станува збор за техничка опрема која претходно беше во употреба во Федерацијата, а сега добива нова улога во образованието.
Оваа акција е усогласена со принципите на циркуларната економија што ги промовира УЕФА – Reduce, Reuse, Recycle, Recover – при што веќе користената опрема повторно се става во функција, обезбедувајќи им подобри можности за учење и дигитален развој на учениците.
Со вакви чекори се постигнуваат три цели: Заштита на животната средина преку намалување на електронскиот отпад, унапредување на наставниот процес преку подобра техничка поддршка и поттикнување на дигиталната писменост кај младите.
ФФМ е уверена дека малите дела носат големи промени. Заедно можеме да се грижиме за природата и за генерациите што доаѓаат – затоа што вистинската игра е за иднината!
Извор: ФФМ
-
Хроника20 часа
Вчера утро на магистралниот пат Кичево-Охрид се случила трагична сообраќајка каде животот го загуби младо момче од кичевско
-
Кичево22 часа
Денес се одбележува 82 години од најкрвавата битка кај с.Кленоец кичевско, додека на денешен ден загинал и Јосиф Јосифовски-Свештарот
-
Хороскоп1 ден
Хороскоп за понеделник (6 октомври)
-
Хороскоп11 часа
Хороскоп за вторник (7 октомври)
-
Временска прогноза2 дена
Од утре повторно дождливо време, додека на планините и планинските превои не е изклучена можноста за нов снег
-
Македонија17 часа
Од вечерва горивата со намалена цена за литар
-
Македонија36 минути
Целосно затворен патен правец Велес-Тетово помеѓу Волково и Кондово, истиот ќе се одвива двонасочно поради градежни работи