Автомобили
Утре во Прилеп ќе се одржи традиционалниот „Авто слалом“, учество ќе земе шампионот од Кичево, Кристијан Бојоски!

Утре (недела), 1-ви јуни со почеток од 11:00ч, град Прилеп повторно ќе биде домаќин на традиционалното државно првенство на Македонија во „Авто слалом“ со возила „Олд тајмери“ и „Јанг тајмери“ во организација на Национална Федерација за историски возила на Македонија која припаѓа во семејството на „FIVA“ – Fédération Internationale des Véhicules Anciens и „Класика Прилеп“ поддржано од Министерство за Спорт.
На наше огромно задоволство и под наше медиумско покровителство свое учество ќе земе нашиот кичевчанец, поранешен шампион и долгогодишен искусен учесник Кристијан Бојоски со својот модифициран „Опел Кадет“, кој долги години е миленик на прилепската публика, а владее голема поддршка и од нашиот град Кичево.
Инаку да потсетиме лани Кристијан Бојоски се натпреваруваше во класа 3 заедно со уште 11 учесници, рекорден број во таа категорија. Бојоски заврши на четвртата позиција со извозено време 1:40
Бидете дел и заедно да навиваме за кичевчанецот кој благодарение на пријателите и спонзорите кои здружено помагаат првично во техничката спремност, а тука не смее да се заборави поддршката на „Adler“, успешно плови по автомобилистичките води.
Имено да потсетиме, во октомври 2023, Бојоски го извози најдоброто време во класата „олд тајмери“ и се закити со пехар и медалја.
Настанот е на официјалната локација пред „Палма Шоп“ во Центарот на градот. Истиот беше закажан за 11-ти мај, но доби нов датум 1-ви јуни поради санација на делови од патеката, тогаш истакнаа од организацијата.
Со среќа на сите учесници!
Автомобили
„BMW“ во својата палета на електрични автомобили ќе го истакне својот модел „i4 M60“, со неверојатни 593 коњски сили

Помина нешто повеќе од една година откако BMW направи освежување на Серија 4 Gran Coupe и електричниот модел i4. Сепак, спортската верзија i4 M50 тогаш не доби технички промени. Таа продолжи да се нуди со истата M Performance поставка која развива 536 коњски сили и 795 њутн-метри вртежен момент. Неколку месеци подоцна, BMWBLOG објави информации дека се подготвува помоќна верзија – i4 M60. Сега, иако неофицијално, таа верзија се појави на холандската страница на BMW.
Новата i4 M60 веќе е наведена меѓу понудените модели, иако сè уште не може да се конфигурира. Интересно е што i4 M50 сè уште стои во понудата, но тоа веројатно ќе се промени наскоро. Новиот модел носи 593 коњски сили, што е за 57 КС повеќе од претходниот. Вртежниот момент останува ист – 795 њутн-метри.
Поради дополнителната сила, i4 M60 е побрз – од 0 до 100 км/ч стигнува за 3,7 секунди, што е за 0,2 секунди побрзо од M50. Максималната брзина останува ограничена на 225 км/ч. Покрај подобрените перформанси, има и други новитети кај оваа верзија, која е најпродаван BMW M модел последниве три години.
Според податоците од холандскиот сајт на BMW, новиот i4 M60 има автономија од 432 до 551 километар според WLTP стандардот. Иако минималниот дострел е помал од претходната верзија (469 км), максималниот сега е поголем (513 км порано). Батеријата и натаму има капацитет од 81,1 kWh, со максимално полнење на 205 kW со еднонасочна струја.
Новата верзија троши малку повеќе енергија – од 21 до 16,6 kWh на 100 км, додека старата верзија имаше потрошувачка од 19,7 до 17,9 kWh. Исто така, автомобилот е малку полесен – намален е за 5 килограми, па сега тежи 2.285 кг.
Брзината на полнење исто така е подобрена. За само 10 минути, може да се добие енергија за 141 до 185 километри, додека кај претходниот модел тоа беше 135 до 175 километри. Бидејќи BMW веќе ги подновува своите веб-страници со новиот модел, целосното претставување на i4 M60 најверојатно ќе се случи многу наскоро.
Извор: bmwblog.com
Автомобили
(ВИДЕО) „Ферари Ф50“ оваа година слави 30 години од производство на еден од најзначајните суперавтомобили

„Ферари Ф50 Легаси тур“ 2025 слави 30 години од еден од најзначајните суперавтомобили на „Ферари“ со патување низ Тоскана и круг на патеката Фиорано. Но, ова не е само прашање на возење – ова е и деби на сосема нова гума Pirelli направена ексклузивно за F50.
Ферари ја оживува историјата со секој настан на Легаси. Од Сатурнија до Маранело, од кривулести патишта до бучавата на тркачката патека, ова е прослава на инженерството, убавината и длабоката врска помеѓу машината и возачот, пренесува autoblog.rs.
Автомобили
„Hyundai“ во иднина би можел да лансира погон на задни „хибрит“ тркала

Кога новиот Hyundai Palisade дебитираше во САД минатата недела, конечно ја пополни празнината во линијата со хибриден погон. Поставувањето го спојува 2,5-литарски, четирицилиндричен турбо мотор со тандем од електрични мотори, интегриран во шест-брзински автоматски менувач за вкупно 334 КС и 460 Nm максимален вртежен момент.
Она што е интересно е дека Hyundai планира да лансира варијанта со погон на задните тркала во 2026 година која ќе го содржи предметниот погон. Во меѓувреме, премиум-дивизијата на корејската марка, Genesis, исто така влегува во хибридниот простор, но само одбрани, „клучни модели“ ќе добијат електрифицирани погонски единици.
За автомобили со пониски цени, Hyundai развива втор хибриден систем кој користи помал, 1,6-литарски турбо мотор. Во овој случај, ефикасноста е подобрена за четири проценти, а максималниот вртежен момент е малку зголемен, од 367 на 380 Nm. Иако ниту еден модел не е конкретно именуван, веројатен кандидат за усвојување на ова склопување е Hyundai Tucson, бидејќи сегашната хибридна верзија произведува помал максимален вртежен момент од споменатите два.
Хибридната понуда на Hyundai Group ќе се движи од компактни до големи возила, вклучувајќи ги и моделите на Genesis. Комбинираната излезна моќност ќе се движи од сто и нешто до триста и нешто коњи.
Како што е случајот со новиот Palisade, хибридното поставување со два мотори има двојна цел: едната е да се грижи за стартувањето, генерирањето електрична енергија во батеријата и неговата употреба, додека другата се однесува на погонот и регенеративното сопирање.
Во поврзаните вести, Hyundai потврди дека ќе продолжи да нуди механички систем за погон на сите тркала, со одредени модели кои користат e-AWD, кој користи електричен мотор на задната оска.
Извор: Automotoshow.rs
Фото: ©Paul Esch-Laurent / unsplash.com
-
Кичево1 ден
(ФОТО) Кога молкот стана глас, а гласот – сила: Кичево денес гласно ја кажа приказната на жените
-
Кичево1 ден
Кичевчани со мирен собир ќе оддадат почит за Отец Партениј, за неговите 30 години посветени во монашкиот живот
-
Хороскоп2 дена
Хороскоп за сабота (31 мај)
-
Хороскоп23 часа
Месечен Хороскоп (јуни 2025)
-
Македонија10 часа
Бигорскиот Манастир за прв пат се огласи во јавноста по јавните собири
-
Македонија7 часа
На место каде е дозволено 60 км/ч, службеници од БПС Гостивар на радар сопреле возач кој „летал“ со 145 км/ч
-
Временска прогноза1 ден
Конечно очекуваните летни температури на повидок во Македонија, ова се информациите
-
Мобилни уреди1 ден
Според анализа на „Counterpoint“ еве кој мобилен уред е најпродаван во светот