Спорт

Во последното коло судиите во првата односно втората македонска фудбалска лига без грешка ја завршиле судиската работа

Објавено пред

2 години

на

февруари 21, 2023

Од

Порта.мк

Архива ©porta.mk

Судиска комисија при ФФМ ги разгледа спорните моменти од 19 коло на ПМФЛ и ги донесе следните заклучоци:

На натпреварот ФK Шкупи – ФK Шкендија, одигран на 19.02.2023 година, анализирана е ситуацијата од 35 минута.

Главен судија: Александар Ставрев. Помошни судии: Дејан Костадинов и Гоце Петрески.

35 минута: ДОБРА ПРОЦЕНКА НА ГЛАВНИОТ СУДИЈА и ВТОРИОТ ПОМОШЕН СУДИЈА

(Недосуден слободен удар)

Играч од екипата на домаќините додаде топка странично од голот на гостите блиску до аут линијата, соиграчот коректно и без да направи движење за слободен удар се загради од противничкиот одбранбен играч на гостите, ја центрираше топката и друг соиграч постигна гол. Исправна одлука и добра соработка на главниот судија со вториот помошен судија, голот е регуларен, бидејки градењето на играчот од екипата на домакините беше регуларно и коректно.

На натпреварот ФК Брегалница- ФК Скопје, одигран на 19.02.2023 година, анализирана е ситуацијата од 27 минута.

Главен судија: Стојан Трпчевски. Помошни судии: Душко Панов и Тоше Ицев.

27 минута: ДОБРА ПРОЦЕНКА НА ГЛАВНИОТ СУДИЈА (Недосуден удар од 11 метри)

Играч на екипата на домаЌините ја имаше во свој посед топката во шеснаесетникот на гостите, играч од одбраната на гостите со лизгачки старт чисто ја изби топката без контакт над играчот на домакините и истиот падна. Исправна одлука на главниот судија, дозволи играта да продолжи, бидејки стартот на играчот од одбраната на гостите беше исправен и на топка.

На натпреварот ФК Победа – ФК Работнички одигран на 19.02.2023 година, анализирана е ситуацијата од 88 минута.

Главен судија: Јован Качевски. Помошни судии: Давор Цветановски и Мартин Дејаноски.

88 минута: ДОБРА ПРОЦЕНКА НА ГЛАВНИОТ СУДИЈА (Доделен ЦРВЕН картон)

Играч од екипата на гостите беше во посед на топката, на осумнаесет метри централно од голот на домаќините и се наоѓаше во очигледна шанса за гол (сам пред голман), предпоследниот играч од одбраната на домаќините направи старт на ногата на играчот од гостите и направи прекршок, спречувајки го играчот во очигледната шанса. Исправна одлука на главниот судија, досуден слободен удар за гостите и доделен ЦРВЕН картон за играчот на домашната екипа за недозволен старт и спречување очигледна шанса за гол.

На останатите натпревари од ПРВА МФЛ немаше спорни ситуации за судиска анализа.

Судиска комисија ги разгледа и спорните моменти од 16 коло на ВТОРА МФЛ и ги донесе

следните заклучоци:

На натпреварот ФК Вардар – ФК Арсими одигран на 18.02.2023 година анализирани се

ситуациите од 22, 23 и 29 минута.

Главен судија: Крумислав Ѓорѓиев. Помошен судија: Кристија Џонов и Ристе Ѓорѓиев.

22 минута: ДОБРА ПРОЦЕНКА НА ГЛАВНИОТ СУДИЈА (Недосуден удар од единаесет метри).

Играч на гостите беше во посед на топката во шеснаесетникот на домаќините и странично блиску до корнер линијата, играчот од одбраната на домаќините направи минимален контакт и без интензитет над напаѓачот на гостите, при што истиот падна и топката излезе надвор од теренот за игра. Исправна одлука на главниот судија што дозволи играта да продолжи, бидејки контактот беше минимален и недоволен за удар од 11 метри.

23 минута: ДОБРА ПРОЦЕНКА НА ГЛАВНИОТ СУДИЈА (Недосуден удар од единаесет метри).

Играч на гостите беше во посед на топката во шеснаесетникот на домаќините, истиот играч падна без контакт од противнички играч сакајки да изнуди удар од единаесет метри.

Исправна одлука на главниот судија, досуден индиректен слободен удар против играчот на гостите за неспортски однос (симулација за удар од единаесет метри).

29 минута: ДОБРА ПРОЦЕНКА НА ГЛАВНИОТ СУДИЈА (Досуден удар од единаесет метри). Играч од екипата на домаќините додаде топка до свој соиграч во шеснаесетникот на гостите, во моментот соиграчот кога ја примаше топката, беше влечен со раце од позади грб од играч на екипата на гостите и спречен да игра со топката. Исправна одлука на главниот судија, досуден удар од единаесет метри за екипата на домакините за недозволен старт (влечење) и доделен жолт картон.

На натпреварот ФК Слога Виница – ФК Борец одигран на 18.02.2023 година анализирана е ситуацијата од 48 минута.

Главен судија: Марјан Младеновски. Помошен судија: Филип Ицковски и Филип Николов.

48 минута: ИСПРАВНА ПРОЦЕНКА НА ГЛАВНИОТ СУДИЈА (Доделен ЦРВЕН картон)

На средината на теренот, по топката тргнаа два противнички играчи, играчот од гостите сакајки да ја удри топката со глава, беше фаулиран на груб начин со високо подигната нога (отворен ѓон) во пределот на главата (вратот) од играч на екипата на домакините. Исправна одлука на главниот судија, досуден е слободен удар за екипата на гостите и доделен. ЦРВЕН картон за играчот на домаќините поради груб старт (удар со високо подигната нога – отворен ѓон) во пределот на главата (вратот).

На натпреварот ФК Гостивар – ФК Пехчево одигран на 18.02.2023 година анализирана е ситуацијата од 45+3 минута.

Главен судија: Фуркан Идризи. Помошен судија: Дарко Јовчевски и Александар Ѓорѓески.

45+3 минута: ДОБРА ПРОЦЕНКА НА ГЛАВНИОТ СУДИЈА (Доделен ЦРВЕН картон)

Играч од екипата на гостите додаде долга топка кон соиграч на дваесет и пет метри од голот, соиграчот пред да ја прими топката во свој посед и да излезе сам пред голманот во очигледна шанса за гол, беше повлечен за рака/рамо од предпоследниот играч на екипата на домакините и спречен да продолжи да игра со топката.

Исправна одлука на главниот судија, досуден слободен удар за гостите и доделен ЦРВЕН картон за играчот на домакините, за спречување очигледна шанса за гол.

На останатите натпревари од ВМФЛ немаше спорни ситуации за судиска анализа.

Следно

Македонската женска репрезентација во фудбал ги заврши натреварите во рамките на „Turkish cup Alanya 2023“, можност добија млади фудбалерки..

Не пропуштај

Женската репрезентација на Македонија до 17 години денес и по два дена игра два контролни натпревари со Црна Гора

Спорт

ФФМ со интензивна постапка за утврдување на неправилностите од мечот помеѓу Кожуф и Башкими

Објавено пред

12 секунди

на

мај 7, 2025

Од

Порта.мк

Фудбалската федерација на Македонија (ФФМ) продолжува со интензивна постапка за утврдување на неправилностите поврзани со натпреварот од 28. коло во Втора МФЛ меѓу ФК Кожуф и ФК Башкими.

По добиени сознанија и укажувања од раководителот на одделот за безбедност и заштита на интегритетот во рамки на ФФМ, веднаш беше отпочната постапка, а изјавите од службените лица на натпреварот се веќе добиени.

Тие се прецизни и јасни и укажуваат на тоа дека натпреварот има сериозни нарушувања на интегритетот.

Очигледните неправилности кои се евидентирани се причина Комисијата за натпреварување да не го регистрира натпреварот, односно бодовите од истиот не се заведени.

Истовремено, двата клуба се предадени на дисциплинска постапка.

ФФМ ќе ги искористи сите можни средства согласно своите овластувања за целосно расчистување на овој срамен случај кој фрла сериозна дамка врз фудбалот во Македонија.

Ќе се започне со прибирање изјави од сите лица за кои ФФМ има сознанија дека биле инволвирани во случајот, вклучително и фудбалери за кои постојат индиции за вмешаност.

Притоа, посочуваме дека секој обид за лажно давање изјава ќе сноси соодветна одговорност согласно законските прописи.

Собраниот доказен материјал до овој момент е доставен до архивското одделениe при Министерството за внатрешни работи (МВР).

Дополнително, за случајот е информирана УЕФА, која внимателно го следи развојот на настаните.

ФФМ ја уверува јавноста дека ќе ја истера постапката до крај и ќе следуваат драстични казни за сите за кои ќе се докаже дека се вмешани во нарушување на интегритетот на натпреварувањето, стои во интегралното соопштение на Федерацијата, кое ви го пренесовме во целост.

Прочитај повеќе...

Спорт

ФФМ огорчени од фудбалските сцени на мечот од ВМФЛ помеѓу Кожуф и Башкими

Објавено пред

19 часа

на

мај 6, 2025

Од

Порта.мк

Фудбалската федерација на Македонија (ФФМ) со длабоко разочарување и огорченост го следеше натпреварот помеѓу ФК Кожуф и ФК Башкими од Втора МФЛ.

– Сцените што сите ги видовме на теренот и однесувањето на поединци претставуваат директна навреда за фудбалот, за фер-плејот и за сите што со чесна намера учествуваат во спортот, истакнаа од ФФМ.

Прочитајте повеќе на официјалниот натпис од ФФМ, во продолжение ТУКА

Прочитај повеќе...

Спорт

(ФОТО) Момчињата на „ФК Кичево“ гостуваа во Охрид, едниот натпревар го добија постигнувајќи „петка“ на градски

Објавено пред

4 дена

на

мај 3, 2025

Од

Порта.мк

©porta.mk

Денес стадионот во склоп на „Билјанини извори“ – Охрид, беше преполн од родители и љубители на фудбалот. Во пелагониска-езерска регионална лига се сретнаа екипа на домаќинот „ФК Ла Масиа“ и нашиот тим од „ФК Кичево“ кој одиграа одличен и возбудлив меч, така што екипите поделија по 1 бод, односно резултатот до последното судиско свирче заврши 3:3.

Во еден цврст натпревар, домаќините го отворија резултатот рано во првото полувреме, но кичевчани брзо се враќаа од резултатска криза. Мал милион неискористени шанси за гол, најпрво преку Матески, Сарџоски и Сталески.

Во листата на стрелци ⚽️ за нашиот тим се запишаа: Дарио Јосифоски, Марко Сталески и Борис Матески од белата точка.

Пред натпреварот на генерација 2010/2011, натпревар одигра и генерација 2012 на „ФК Кичево“ против екипата на „Академија Охрид“ и истиот го доби со резултат од 0:5, стрелци на головите беа: Берк Али ⚽️⚽️, Малик Фазлиоски ⚽️, Мухамед Исмаилоски ⚽️, Дариан Арсоски ⚽️.

Честитки до сите фудбалери за прикажаната игра!

Во прилог фотогалерија преку нашиот објектив од натпреварот на генерација 2010/2011.