Спорт
Во последното коло судиите во првата односно втората македонска фудбалска лига без грешка ја завршиле судиската работа

Судиска комисија при ФФМ ги разгледа спорните моменти од 19 коло на ПМФЛ и ги донесе следните заклучоци:
На натпреварот ФK Шкупи – ФK Шкендија, одигран на 19.02.2023 година, анализирана е ситуацијата од 35 минута.
Главен судија: Александар Ставрев. Помошни судии: Дејан Костадинов и Гоце Петрески.
35 минута: ДОБРА ПРОЦЕНКА НА ГЛАВНИОТ СУДИЈА и ВТОРИОТ ПОМОШЕН СУДИЈА
(Недосуден слободен удар)
Играч од екипата на домаќините додаде топка странично од голот на гостите блиску до аут линијата, соиграчот коректно и без да направи движење за слободен удар се загради од противничкиот одбранбен играч на гостите, ја центрираше топката и друг соиграч постигна гол. Исправна одлука и добра соработка на главниот судија со вториот помошен судија, голот е регуларен, бидејки градењето на играчот од екипата на домакините беше регуларно и коректно.
На натпреварот ФК Брегалница- ФК Скопје, одигран на 19.02.2023 година, анализирана е ситуацијата од 27 минута.
Главен судија: Стојан Трпчевски. Помошни судии: Душко Панов и Тоше Ицев.
27 минута: ДОБРА ПРОЦЕНКА НА ГЛАВНИОТ СУДИЈА (Недосуден удар од 11 метри)
Играч на екипата на домаЌините ја имаше во свој посед топката во шеснаесетникот на гостите, играч од одбраната на гостите со лизгачки старт чисто ја изби топката без контакт над играчот на домакините и истиот падна. Исправна одлука на главниот судија, дозволи играта да продолжи, бидејки стартот на играчот од одбраната на гостите беше исправен и на топка.
На натпреварот ФК Победа – ФК Работнички одигран на 19.02.2023 година, анализирана е ситуацијата од 88 минута.
Главен судија: Јован Качевски. Помошни судии: Давор Цветановски и Мартин Дејаноски.
88 минута: ДОБРА ПРОЦЕНКА НА ГЛАВНИОТ СУДИЈА (Доделен ЦРВЕН картон)
Играч од екипата на гостите беше во посед на топката, на осумнаесет метри централно од голот на домаќините и се наоѓаше во очигледна шанса за гол (сам пред голман), предпоследниот играч од одбраната на домаќините направи старт на ногата на играчот од гостите и направи прекршок, спречувајки го играчот во очигледната шанса. Исправна одлука на главниот судија, досуден слободен удар за гостите и доделен ЦРВЕН картон за играчот на домашната екипа за недозволен старт и спречување очигледна шанса за гол.
На останатите натпревари од ПРВА МФЛ немаше спорни ситуации за судиска анализа.
Судиска комисија ги разгледа и спорните моменти од 16 коло на ВТОРА МФЛ и ги донесе
следните заклучоци:
На натпреварот ФК Вардар – ФК Арсими одигран на 18.02.2023 година анализирани се
ситуациите од 22, 23 и 29 минута.
Главен судија: Крумислав Ѓорѓиев. Помошен судија: Кристија Џонов и Ристе Ѓорѓиев.
22 минута: ДОБРА ПРОЦЕНКА НА ГЛАВНИОТ СУДИЈА (Недосуден удар од единаесет метри).
Играч на гостите беше во посед на топката во шеснаесетникот на домаќините и странично блиску до корнер линијата, играчот од одбраната на домаќините направи минимален контакт и без интензитет над напаѓачот на гостите, при што истиот падна и топката излезе надвор од теренот за игра. Исправна одлука на главниот судија што дозволи играта да продолжи, бидејки контактот беше минимален и недоволен за удар од 11 метри.
23 минута: ДОБРА ПРОЦЕНКА НА ГЛАВНИОТ СУДИЈА (Недосуден удар од единаесет метри).
Играч на гостите беше во посед на топката во шеснаесетникот на домаќините, истиот играч падна без контакт од противнички играч сакајки да изнуди удар од единаесет метри.
Исправна одлука на главниот судија, досуден индиректен слободен удар против играчот на гостите за неспортски однос (симулација за удар од единаесет метри).
29 минута: ДОБРА ПРОЦЕНКА НА ГЛАВНИОТ СУДИЈА (Досуден удар од единаесет метри). Играч од екипата на домаќините додаде топка до свој соиграч во шеснаесетникот на гостите, во моментот соиграчот кога ја примаше топката, беше влечен со раце од позади грб од играч на екипата на гостите и спречен да игра со топката. Исправна одлука на главниот судија, досуден удар од единаесет метри за екипата на домакините за недозволен старт (влечење) и доделен жолт картон.
На натпреварот ФК Слога Виница – ФК Борец одигран на 18.02.2023 година анализирана е ситуацијата од 48 минута.
Главен судија: Марјан Младеновски. Помошен судија: Филип Ицковски и Филип Николов.
48 минута: ИСПРАВНА ПРОЦЕНКА НА ГЛАВНИОТ СУДИЈА (Доделен ЦРВЕН картон)
На средината на теренот, по топката тргнаа два противнички играчи, играчот од гостите сакајки да ја удри топката со глава, беше фаулиран на груб начин со високо подигната нога (отворен ѓон) во пределот на главата (вратот) од играч на екипата на домакините. Исправна одлука на главниот судија, досуден е слободен удар за екипата на гостите и доделен. ЦРВЕН картон за играчот на домаќините поради груб старт (удар со високо подигната нога – отворен ѓон) во пределот на главата (вратот).
На натпреварот ФК Гостивар – ФК Пехчево одигран на 18.02.2023 година анализирана е ситуацијата од 45+3 минута.
Главен судија: Фуркан Идризи. Помошен судија: Дарко Јовчевски и Александар Ѓорѓески.
45+3 минута: ДОБРА ПРОЦЕНКА НА ГЛАВНИОТ СУДИЈА (Доделен ЦРВЕН картон)
Играч од екипата на гостите додаде долга топка кон соиграч на дваесет и пет метри од голот, соиграчот пред да ја прими топката во свој посед и да излезе сам пред голманот во очигледна шанса за гол, беше повлечен за рака/рамо од предпоследниот играч на екипата на домакините и спречен да продолжи да игра со топката.
Исправна одлука на главниот судија, досуден слободен удар за гостите и доделен ЦРВЕН картон за играчот на домакините, за спречување очигледна шанса за гол.
На останатите натпревари од ВМФЛ немаше спорни ситуации за судиска анализа.
Спорт
Од денес на нови дресови гордо ќе свети македонското сонце на градите од фудбалерите на Македонија!

Фудбалската федерација на Македонија и техничкиот партнер ЈАКО го претставуваат новиот дрес на македонската фудбалска репрезентација.
Препознатливото сонце истакнато на градите на фудбалерите на модерен начин ја отсликува енергијата и гордоста на Македонија. Дизајнот на новиот дрес останува верен на македонското фудбалско наследство, додека резервниот дрес во бело-жолта боја е уште една интерпретација на македонскиот дизајн за фудбалерите и навивачите.
Нашата репрезентација добива уште една, трета варијанта на дресови и шорцеви во темна боја која дополнително го нагласува сонцето и националната гордост.
Стилските букви на презимињата и броевите на дресовите се во духот на нашата историја и традиција, со оглед на тоа што се инспирирани од кирилицата.
– Исклучително сум горд што имам привилегија да го носам прекрасниот македонски дрес. Со нетрпение очекувам да го облечеме новиот дрес кој ја следи препознатливата традиција. Нашиот дрес со сонце е еден од најпрепознатливите и сигурен сум дека ќе биде многу популарен меѓу нашите навивачи, изјави капитенот македонската репрезентација, Стефан Ристовски.
Спорт
(ВИДЕО) Најмладите најубаво знаат да ги пречекаат своите звезди од македонската фудбалска репрезентација со најискрени насмевки

Претседателот на Фудбалската федерација на Македонија Муамед Сејдини сподели видео каде дечињата ги пречекуваат фудбалерите на македонската репрезентација, каде истакна:
„Многу детски насмевки, позитивна енргија, на тренингот на нашите златни момци. Идолите на младите генерации го почнуваат походот кон ново големо историско остварување, и ново Европско Првенство, а најмладите, најубаво знаат да ги пречекаат своите звезди, кои кај нив ги предизвикуваат најискрените насмевки.“
Спорт
Македонија до 21 година ги започнува подготовките за „Анталија Куп 2023“

Младата репрезентација на Македонија до 21 година пристигна во Анталија и денеска ќе ги започне подготовките за претстојните три контролни натпревари против селекциите на Летонија (23.март), Финска (25. март) и Словачка (28.март).
Нашата млада селекција максимално ќе го искористи овој подготвителен период, со цел што подобро да се подготви за почетокот на квалификациите за пласман на Европско првенство 2025 година.
Еден од најдобрите поединци на штипска Брегалница и стандарден член на младата репрезенетација на Македонија, Иван Николов даде свое видување за претстојните натпревари што не очекуваат и квалификацискиот циклус за пласман на ЕП 2025.
– Контролните мечеви во Анталија се одлична можност за што подобро да се подготвиме за предизвикот што не очекува во септември, односно почетокот на квалификациите за пласман на Европско првенство. Што се однесува до самата група од квалификациите, јасно е дека во денешно време нема лесно противници, но оваа наша група на фудбалери поседува голем квалитет и заедништво, имаме големи очекувања, сакаме да оствариме нешто големо и да избориме пласман на Европско првенство. Имаме серија на потивни резултати на последните натпревари, што ни дава дополнителен мотив дека можеме да одиграме добри квалификации.
-Идеме чекор по чекор, не очекува уште многу работа до почетокот на квалификациите, моментално е најбитно овој подготвителен период во Анталија да го искористиме на најдобар можен начин, да ја унапредиме нашата игра за да можеме максимално подготвени да го дочекаме почетокот на квалификациите.
–Првиот меч во Анталија го играме против Летонија, селекција со високи и снажни фудбалери која игра доста тврд фудбал. Ние сме поквалитетна селекција од нив, но тоа ќе мора да го покажеме на терен. Се надевам дека ќе продолжиме со одличната игра и позитивната серија на резултати.
–Атмосферата во самиот тим е одлична, се познаваме меѓусебно многу добро, со оглед на тоа што поголемиот дел од фудбалерите бевме дел и од репрезентацијата на Македонија до 19 години
–Убеден сум дека со голема пожртвуваност, борба и желба за надигрување можеме да оствариме добри резултати.
-
Хороскоп20 часа
Хороскоп за вторник (21 март)
-
Кичево3 часа
Тешка сообраќајка предмалку била случена на излез од град Кичево према Македонски Брод
-
Кичево1 ден
Вчера во Кичево настанал пожар во зграда, каде за среќа нема повредени, интервенирала ТППЕ
-
Хороскоп2 дена
Хороскоп за понеделник (20 март)
-
Кичево42 минути
(ФОТО) Дечињата од кичевското ООУ Др „Владимир Полежиноски“ со цветни бомби ја најавија пролетта
-
Македонија1 ден
Од ноќеска нова намалена цена на горивата, кај авто-плинот сè уште нема промени..
-
Спорт1 ден
(ВИДЕО) Сејдини и Масев ги пречекаа Адеми и Ристовски, кои од вечерва се приклучуваат на А тимот за првиот предизвик в четврток
-
Временска прогноза23 часа
Продор на влажен воздушен бран од запад утре ќе донесе поинтензивни врнежи од дожд во Македонија!