Кичево
Во рамки на програмата Erasmus+, ОСУ „Мирко Милески“ од Кичево беше домаќин на гости од Полска, Италија и Бугарија.

Имено од трети до деветти октомври училиштето како партнер на меѓународниот проект “Wake up your school-become an active citizen”, реализираше различни активности како што се работилници, дебати, дискусии на тема младинско учество и младинско организирање во училиштата, едукативна и културна посета на град Скопје, посета, средби и интервјуа со претставници од Парламентот, разгледување и посета на стара чаршија во Скопје, Музеј на Македонската борба, посета на Охрид и значајни знаменитости од градот. Учениците од проектот, исто така, изведоа драмски активности во Китино Кале, округла маса на која присуствуваа претставници од Општина Кичево, невладин сектор, Црвен Крст на град Кичево, наставници, родителии и раководството од ,,Мирко Милески”.
Учесници во проектните активности од нашето училиште се учениците: Дијана Настеска, Ивана Нокоска, Цветанка Билбилоска, Стефанија Сарафилоска, Марија Петреска, Марија Дамјаноска, Бојан Мојсоски, Викторија Алексоска , Симона Петкоска, Давор Смилески, Петар Кацески, како и Каролина Јовеска (кординатор на проектот) и Гордана Мојсоска- професор по информатика.
Кичево
На „Пресека“ према Охрид вчера се случила нова сообраќајка, учесниците се здобиле со тешки телесни повреди

На 21.04.2025 во 15.30 часот, на магистралниот пат Кичево-Охрид, кај планинскиот превој „Пресека“, се случила сообраќајна несреќа помеѓу патничко моторно возило „киа“ со скопски регистарски ознаки, управувано од К.Ф.К.Л.(53) од Франција и „шкода“ со кумановски регистарски ознаки, управувано од А.К.(42) од Куманово.
Во несреќата, возачот на возило „киа“ и сопатничката К.К.А.Е. (19) од Франција се здобиле со тешки телесни повреди, додека возачот на возилото „шкода“ и сопатниците С.К.(36) и две малолетни лица, сите од Куманово, се здобиле со телесни повреди, констатирани во болницата „Св.Еразмо“ во Охрид.
Увид на местото на несреќата извршила екипа од ОВР Кичево, информира портпаролот на СВР Охрид, Стефан Димоски.
Кичево
(ГАЛЕРИЈА) Кичевскиот храм Св.Петар и Павле за „Воскресение Христово – Велигден“ преполн со верници

И оваа господова 2025 година Православните Христијани од речиси сите страни на градот вчера дојдоа во градскиот храм Св.Петар и Павле – Кичево каде присуствуваа на полноќните богослужби по повод христијанскиот празник „Воскресение Христово – Велигден“.
– На наше огромно задоволство оваа година дворот на храмот заштитник на град Кичево беше целосно претесен за сите верници каде традиционално се собраа на соопштување на радосната вест „Христос Воскресна“, од страна на свештениците.
Радост и среќа будат најмладите кои чествуваат и ја негуваат верата, укажувајќи ни уште еднаш за важноста на овој ден и најголем празник!
Ви прилог официјална галерија преку нашиот објектив на Јован Ангелески
Христос воскресна!
Кичево
СВР Охрид со детали за стравичната сообраќајка во Кичево која одзеде три животи

На 18.04.2025 во 20:40 часот во ОВР Кичево e пријавено дека, на магистралниот пат Кичево-Гостивар, кај место викано „Сеферов бунар“, се случила сообраќајна несреќа помеѓу патничко возило „мерцедес“ со кичевски регистарски ознаки, управувано од З.Д.(64) од Битола, патничко возило „форд“ со кичевски регистарски ознаки, управувано од А.Р.(63) од село Горно Страгомиште, кичевско и патничко возило „опел“ со кичевски регистарски ознаки, управувано од Х.Е.(38) од Гостивар.
На местото на настанот починале возачите З.Д. и Х.Е, а сопатничката од патничкото возило „опел“ Б.Е.(38) од Гостивар, била пренесена во Медицинскиот центар Кичево, каде починала.
Од страна на лекар констатирана била смрт, а по наредба на јавен обвинител телата на починатите се предадени за обдукција.
Во несреќата со телесни повреди се здобиле возачот А.Р. и неговата сопатничка А.А.(67) од село Колари, кичевско, сопатникот од возилото „мерцедес“ Д.С.(37) од Кичево и сопатниците од патничкото возило „опел“- тројца малолетници од Гостивар и Р.Е.(60) од селото Шутово, кичевско, констатирани во медицински установи во Кичево и Скопје.
На местото на несреќата увид извршија јавен обвинител, судски сообраќаен вештак и полициски екипи, за јавноста предмалку извести портпаролот на СВР Охрид, Стефан Димоски.
-
Хороскоп1 ден
Хороскоп за вторник (22 април)
-
Кичево22 часа
На „Пресека“ према Охрид вчера се случила нова сообраќајка, учесниците се здобиле со тешки телесни повреди
-
Хороскоп10 часа
Хороскоп за среда (23 април)
-
Магазин18 часа
В сабота на сцена традиционалниот Велигденски концерт на КУД „Рацин“
-
Култура2 дена
(ФОТО+ВИДЕО) Во Бигорскиот Манастир и оваа година величествена прослава за Воскресение Христово – Света Пасха
-
Технологија2 дена
„Google“ со бесплатен „AI Premium“ план за студентите со времетраење од една година
-
Култура14 часа
(ВИДЕО) Бигорски Манастир објави видео полно воскресенска радост
-
Македонија21 час
МВР: 2252 сообраќајни прекршоци во празничниот викенд, 1018 за брзо возење