Мобилни уреди
(ВО ЖИВО) Сè е спремно „Apple“ ја презентира својата нова серија на iPhone „15“, која би требало да добие четири модели, што знаеме, а што не?

Apple денес во 19:00ч по наше време ќе ги претставува новите iPhone мобилни телефони од серијата „15“, која би требало да има четири модели, а извесно е дека премиера ќе имаат и нов часовник и таблет, така што Apple испрати покани за својот најголем годишен настан, а новите информации за телефонот носат и добри и лоши вести. Лошата работа е што линијата на iPhone 15 ќе чини повеќе од минатогодишните модели, па може да биде најскапиот телефон на Apple досега, а добрата работа е што причината за ова е големата надградба во однос на квалитетот на градбата. како поголема батерија и нова камера.
– Според последните информации, iPhone 15 Pro и iPhone 15 Pro Max треба да бидат направени од титаниум наместо од нерѓосувачки челик како досега. Apple конечно одлучи да користи 10x оптички зум на перископот на камерата за прв пат на своите телефони и се на се, ќе додаде најмалку 200 долари на цената. Така, iPhone 15 Pro ќе чини 100 долари повеќе од истиот модел минатата година, па цената е 1.099 долари, а iPhone 15 Pro Max е дури 200 долари повеќе по почетна цена од 1.300 долари. Моделите iPhone 15 и iPhone 15 Plus ќе се продаваат по непроменети цени од 799 и 899 долари, бидејќи ќе бидат изработени од истиот материјал како и досега. Треба да се земе предвид дека цената овде, за жал, ќе биде повисока од овие.
– Засилување следи и во сегментот на камерата. iPhone 15 Pro и iPhone 15 Pro Max ќе имаат телефото и ултра широкоаголни камери со повеќе мегапиксели од порано, па конечно Apple ја премине „границата“ од 12 MP. Интересно е и тоа што новото „Action Button“, кое ќе го замени прекинувачот за исклучување на звукот, сега ќе има дополнителни функции, меѓу кои и придушување на телефонот, стартување на режимот „Фокус“ и камерата, отворање на кратенката Siri…
Доколку сакате да ја следите во живо презентацијата, ви го претставуваме официјалниот јутјуб линк во продолжение:
Мобилни уреди
„Samsung Galaxy S25“ водечки мобилен уред на глобалниот пазар на премиум смартфони

Од својата презентација на пазарот на почетокот од годинава, серијата „Samsung Galaxy S25“ се етаблира како водечки играч на глобалниот пазар на премиум Android смартфони. Најновите податоци покажуваат дека побарувачката за овие уреди е толку висока, што дури и вкупната продажба на сите други Android флегшипи со ист процесор не успева да ја надмине таа на „Galaxy S25“.
Според информациите што ги објави реномираниот технолошки инсајдер Ice Universe, до крајот на јуни, вкупната глобална продажба на серијата S25 достигнала 20,22 милиони единици. Тоа претставува пораст од 2,2 милиони во споредба со серијата Galaxy S24 во истиот период лани, која тогаш броеше 18,02 милиони продадени уреди. Овој раст јасно покажува дека интересот за новата генерација продолжува да расте.
Особено впечатливо е што сите останати Android флагшипи со процесорот Qualcomm Snapdragon 8 Elite (со исклучок на Samsung верзијата) заедно не успеале да надминат 20 милиони продадени единици во првата половина од годината. Ова ја става серијата S25 пред целата конкуренција.
Една од клучните предности на Samsung е користењето на ексклузивната верзија од процесорот – Snapdragon 8 Elite for Galaxy – прилагодена специјално за нивните уреди. Главното јадро на овој чипсет работи на фреквенција од 4,47 GHz, што е повисоко од стандардните 4,32 GHz. Заедно со напредните AI функционалности и ветената 7-годишна софтверска поддршка, оваа комбинација ја прави серијата Galaxy S25 особено привлечна за глобалните потрошувачи.
Иако Ice Universe не откри конкретен извор за податоците, неколку независни анализи на пазарот ја потврдуваат лидерската позиција на Samsung во првиот и вториот квартал од годинава, при што компанијата останува број еден во светските испораки на смартфони.
Извор: sammobile.com
Мобилни уреди
Се чини дека 5000 mAh батерија на современите телефони не е доволна

Во минатото, паметните телефони со батерија од 5000 mAh се сметаа за уреди со солидна издржливост. Но денес, ова веќе не е импресивен капацитет. Новите податоци од Counterpoint Research покажуваат дека во првиот квартал од 2025 година, дури 71% од сите смартфони имале батерија од најмалку 5000 mAh, а 10% од нив дури надминуваат 6000 mAh.
Овие високи капацитети, кои порано беа карактеристични за телефони од средната класа, сега стануваат стандард и кај премиум моделите. Очигледно е дека 5000 mAh сè повеќе се гледа како основа, додека етикетата „голема батерија“ сега се применува на уреди со 6000 mAh и повеќе.
Една од причините зошто порано беше тешко да се стават поголеми батерии беше тоа што тие зафаќаа многу простор, што влијаеше врз можноста да се сместат и други важни компоненти, како камери и системи за ладење. Дополнително, поголемите батерии можеа да го нарушат дизајнот и удобноста при користење, што е важно кај уредите од повисока класа.
Решение на овој предизвик се новите силициум-јаглеродни (Si-C) батерии, кои нудат повисока енергетска густина, заземаат помалку простор и се полнат побрзо од традиционалните литиум-јонски. Неколку производители, како Honor, OnePlus и realme, веќе почнаа да ги користат овие батерии во своите најнови уреди.
Модели како OnePlus 13 и realme GT 7 успеваат да понудат батерии над 6000 mAh, без да прават компромиси со дебелината и изгледот на телефонот.
Се чини дека иднината на смартфоните оди кон уреди кои ќе имаат издржливост за цел ден, без да се жртвува дизајнот. Благодарение на новите технологии, корисниците сега можат да очекуваат тенки телефони со батерии што траат значително подолго, пишуваат колегите од „benchmark.rs“
Магазин
Google откри како ќе изгледа Pixel 10 – нова камера и редизајн? (ВИДЕО)

Официјалното претставување е закажано за 20 август
Google повторно ја следи својата традиција – со рано откривање на изгледот на барем еден од своите нови Pixel телефони. Овојпат, тоа се случува речиси еден месец пред официјалната премиера, закажана за 20 август.
На насловната страна на Google Store се појави кратко промотивно видео, кое ни дава прв поглед на она што се претпоставува дека е основниот Pixel 10. Видеото открива дизајн сличен на минатогодишниот Pixel 9, но со неколку значајни измени.
Google COOKED with this Pixel 10 ad! 🔥 pic.twitter.com/I5LSpzydqz
— Pixlo (@pixlospot) July 21, 2025
Кои се новитетите?
-
Нова сиво-сина боја, која му дава модерен и освежен изглед.
-
Редизајнирана задна страна – изгледа како површината на телефонот да “излегува” од рамката.
-
Трета камера – за првпат, и основниот модел можеби ќе добие телефото објектив.
Да потсетиме, Pixel 9 беше опремен само со широкоаголна и ултраширокаголна камера, додека телефото леќата беше ексклузивна за Pixel 9 Pro. Новите протечени информации сугерираат дека во 2025 година сите Pixel модели би можеле да имаат трикамерен систем.
Иако видеото не открива многу технички детали, се претпоставува дека Google ќе се фокусира на подобрувања под хаубата – како новиот чипсет Tensor – наместо на драматичен редизајн на уредот.
Сè ќе биде јасно на 20 август, кога Google ќе ги открие сите детали за новите Pixel 10 уреди.
Извор: B92
-
Кичево1 ден
(ФОТО) Денес во просториите на „РЕК Осломеј“ свечено беше одбележан 28 август, „Денот на рударите“
-
Хороскоп20 часа
Хороскоп за петок (29 август)
-
Хороскоп2 дена
Хороскоп за четврток (28 август)
-
Хроника1 ден
Во хотелска соба бил пронајден починат 69-годишник од Австралија
-
Кичево9 часа
Сечесниот празник на Успението на Пресвета Богородица се прослави со сеноќно бдение во нејзиниот кичевски величествен храм
-
Спорт1 ден
Со заложби на претседателот Омерагиќ и општина Битола, овој град повторно на европската фудбалска мапа, стадионот „Петар Милошевски“ доби зелено светло од „УЕФА“
-
Временска прогноза11 часа
Од утре промена во атмосферата, најава за дестабилизација на времето кое носи нови врнежи од дожд и засилен ветер, ова се информациите…
-
На денешен ден11 часа
Времеплов: На денешен ден (29 август)