Временска прогноза
Врнежи од дожд, па постепено ладен бран ќе донесе снег во нашите предели

Под влијание на изразен влажен бран и циклонска активност од запад, особено оваа вечер и во текот на ноќта насекаде ќе има врнежи од дожд, додека на планините над 1000 м.н.в врнежите од дожд ќе преминуваат во врнежи од снег и тоа особено во западните предели.
Локално и тоа особено во западните предели врнежите ќе бидат ОБИЛНИ (над 30 л/м2 воден талог), а можна е и локална појава на грмежи. На планинските места, односно на скијачките центри ќе се формира снежна покривка од над 10 цм, а на повисоките планински места истата ќе биде со висина од над 20 цм.
Ќе дува засилен ветер од јужен и од југоисточен правец ( локално со брзина од над 70 км/час).
Во Скопје и околината исто така се очекуваат врнежи од дожд и засилен ветер од јужен и од југоисточен правец.
Утре попладне и навечер ветерот ќе го промени правецот во северен, со што од север ќе започне да се спушта ЗНАЧИТЕЛНО ПОСТУДЕН воздух, па така утре навечер и во текот на ноќта кон среда, како и во среда и четврток провејување на снег локално ќе има и на пониските места (градовите).
Температурите наутро и тоа особено од среда повторно на повеќе места ќе се спуштаат под нулата, локално и под -5 степени а на високите планини и до околу -10 степени. Максималните дневни температури исто така ќе бидат релативно ниски, особено од среда и ќе се искачуваат во интервалот само од 2 до 8 степени.
За Порта.мк пишува Славчо Попоски
Временска прогноза
Од вечерва поларна воздушна маса и олуен ветер на нашата територија

Почнувајќи од денес попладне и навечер, па во текот на следната седмица територијата на Македонија ќе биде под влијание на ПОЛАРНА воздушна маса од север. Сето ова ќе биде проследено со СИЛЕН , повремено и ОЛУЕН ветер од северен правец (над 80 км/час, на планините и до околу 100 км/час). Токму поради ова препорачуваме КРАЈНА ПРЕТПАЗЛИВОСТ поради можни штети.
Во текот на денешната вечер и ноќ температурите НАГЛО ќе опаднат и во следните денови потоа наутро на повеќе места ќе се спуштаат до околу -10 степени, понекаде и до околу -15 степени, додека на високите планини на северозапад температурите ќе се спуштаат и под -15 степени.
Утре локално сеуште ќе провејува снег, додека во текот на следната седмица ќе имаме претежно стабилно, суво и МНОГУ СТУДЕНО време (претежно сув студ).
Во Скопје и околината исто така ќе има послаби врнежи претежно од снег а ќе започне да дува и СИЛЕН северен ветер. Температурите од денешната ноќ НАГЛО ќе опаднат и ќе бидат под нулата (близу -10 степени наутро). Максималните температури исто така ќе се задржат околу или под нулата.
Пишува Славчо Попоски
Временска прогноза
Попоски истакна вонредно метео, доаѓа студ и температури до -15 степени, снег некаде и на пониските места..

Под влијание на брз влажен и студен воздушен бран од север во текот на оваа ноќ и во раните утрински часови од утрешниот ден на повеќе места ќе има врнежи претежно од снег, само на некои од пониските места ќе има врнежи од дожд и снег или влажен снег а ќе започне да дува и умерен до засилен ветер од северен правец.
На планините и на повисоките места ќе дојде до зголемување на веќе постоечката снежна покривка. Мала снежна покривка ќе се формира понекаде и во пониските места (градови).
Потоа нови локални врнежи претежно од снег ќе има во сабота. За време на викендот на многу места ќе дува ЗАСИЛЕН, повремено СИЛЕН ветер од северен правец (над 80 км/час).
Во Скопје и околината оваа ноќ према изутрина и повторно во сабота ќе има повремени врнежи од дожд и снег или влажен снег. Ќе дува ЗАСИЛЕН, повремено СИЛЕН ветер од северен правец.
Минималните температури на повеќе места ќе се спуштаат под нулата, додека максималните ќе се искачуваат во интервалот од 3 до 12 степени.
Поради продор на МНОГУ СТУДЕНА воздушна маса од север, од недела, па во текот на следната седмица ќе имаме МНОГУ СТУДЕНО време со МНОГУ НИСКИ температури на воздухот и истите наутро ќе се спуштаат под -10 степени, понекаде и до околу -15 степени. Максималните дневни исто така понекаде ќе се задржат под нулата и ќе се искачуваат во интервалот од -3 до 5 степени.
Пишува Славчо Попоски.
Временска прогноза
Снег послабо и за месец февруари, сув студ и силен ветер се она што треба сигурно да се очекува, ова се деталите…

Барем според последните анализи со кој ние располагаме, вистинска снежна бајка нема да донесе и февруари месец, освен повремени и послаби снежни врнежи.
Сепак истиот ќе биде просечно студен, што значи температурите ќе бидат во границата на нормалните за месец февруари.
Оваа метео анализа важи за целата територија на Македонија, вклучувајќи го и Скопскиот регион.
Ако вака останат работите вистинска снежна бајка нема да видиме во градовите и во новиот зимски месец (февруари). НАПОМЕНА: Со оглед на тоа дека се работи за долгорочно анализирање на времето, промени во анализата сигурно дека ќе има, но кавки промени ни следуваат останува да видиме понатаму.
Сепак и покрај овие анализи, се надеваме дека конечно феруари месец конечно ќе го покаже своето вистинско лице кога зимата е во прашање, и ќе донесе многу снег во градовите и вистинска снежна бајка.
Инаку утре и повторно од четврток локално ќе има послаби врнежи претежно од снег, а ќе дува и засилен, повремено СИЛЕН ветер од северен правец (над 60 км/час). Наутро температурите насекаде ќе бидат под нулата и понекаде истите се очекува да се спуштат близу -10 степени, додека максималните дневни ќе се искачуваат во интервалот од 1 до 8 степени, а во југоисточните предели температурата се очекува да се искачи до околу 11 степени.
За порта пишува Славчо Попоски
-
Хороскоп1 ден
Хороскоп за сабота (4 февруари)
-
Хороскоп5 часа
Хороскоп за недела (5 февруари)
-
Македонија14 часа
На ГП Деве Баир жители на Бугарија недолично се однесувале и се обиделе физички да ја нападнат полицијата
-
Македонија1 ден
Мин. за земјоделство, шумарство и водостопанство одобри лов на дива свиња до крајот на месец март, ова се деталите..
-
Временска прогноза19 часа
Од вечерва поларна воздушна маса и олуен ветер на нашата територија
-
Скопје2 дена
Осум средни училишта од Скопје денеска добиле закана за поставен експлозив
-
Македонија2 дена
Поради агресивно однесување, СВР Охрид приведе жител на Албанија
-
Спорт2 дена
Одржана меѓународна работилница поврзана со клупскиот лиценцен систем, во организација на УЕФА и ФФМ