Магазин
WhatsApp воведува транскрипција на гласовни пораки: Полесна и подостапна комуникација
WhatsApp претстави нова функција која овозможува претворање на гласовни пораки во текст, нудејќи подобра пристапност и приватност за корисниците. Оваа иновација е особено корисна во ситуации кога слушањето на гласовни пораки е непрактично, како на бучни места или во присуство на други луѓе.
Како функционира?
Новата функција автоматски создава транскрипт од гласовната порака директно на вашиот уред. Ова значи дека текстот останува приватан и достапен само за вас. За да ја активирате, потребно е да одите во Settings > Chats и да ја вклучите опцијата „Транскрипти за говорни пораки“. Дополнително, можете да го изберете јазикот на кој ќе се врши транскрипцијата.
Кога ќе добиете гласовна порака што сакате да ја прочитате, едноставно држете подолго на пораката и ќе се појави опцијата за транскрипција. Текстот потоа ќе биде прикажан на екранот, овозможувајќи ви лесно да го прочитате содржајот.
Достапност и идни ажурирања
Функцијата ќе биде достапна за сите корисници во текот на наредните недели. Првично ќе поддржува ограничен број јазици, со планови за проширување во иднина.
Оваа новина ја зацврстува позицијата на WhatsApp како платформа која се грижи за потребите на своите корисници, овозможувајќи им поголема флексибилност во начинот на комуникација.
Извор: pcpress
Хороскоп
Хороскоп за среда (22 октомври)

Овен
Успевате да ги решите сите проблеми кои ве оптоваруваа изминатиот период. Денеска ќе се чувствувате многу подобро.
Имате потреба отворено да разговарате со саканата личност за работите кои долго ги држевте во себе.
Проблеми со нозете.
Бик
Не е претерано поволен ден за нови вложувања, кредити, позајмици или други финансиски одлуки.
Ви годи вниманието кое го добивате од личноста која долго време се труди да ви се приближи.
Посетете лекар за рутинска контрола.
Близнаци
Задоволни сте од околностите на ова поле. Остваривте стабилност кон која тежнеевте и добро се чувствувате поради тоа.
Ве очекува интересна средба со личност која искрено ви значи.
Потребно е да внесувате повеќе течности.
Рак
Одлучни сте и подготвени да ги покажете способностите во најдобро светло. Сакате унапредување.
Сакате стабилност во врската. Подготвени сте за важни одлуки.
Би ви годела масажа и опуштање.
Лав
Во себе имате мир, самодоверба и добро се чувствувате. Пред вас е поволен период да донесете важни одлуки на ова поле.
Можна е минлива авантура, но денешниот ден генерално не е поволен за сериозна врска.
Многу сте чувствителни.
Девица
Можно е и самите да не сте сигурни во која насока би требало да одите. Имате голема дилема кога станува збор за работата.
Можете да очекувате позитивна ситуација со саканата личност, но некои ситници ви ја нарушуваат убавата атмосфера.
Ви недостасува сон.
Вага
Можете да се надевате на остварување позитивни промени на полето на работата. Пред вас е поволен ден.
Спонтано доаѓате до ново познанство кое многу ќе ви годи.
Напнати сте.
Шкорпија
Чекате нова шанса за важни работи. Подготвени сте да се посветите максимално на работата.
Ви се допаѓа личност со која на прв поглед немате ништо заедничко, но ве спојува некоја необична енергија.
Тахикардија.
Стрелец
Пред вас е можност да се занимавате со некои работи кои одамна сте требале да ги завршите.
Ве очекуваат убави моменти со саканата личност. Ако сте слободни, ве очекува интересен флерт.
Избегнувајте стресни околности.
Јарец
Можно е вашата стабилност да биде загрозена на некаков начин. Тоа ќе ви донесе голем стрес.
Имате впечаток дека саканата личност ви внесува притисок во животот. Не сте подготвени да и се посветите и да ги менувате своите навики.
Можна е главоболка.
Водолија
Ако соработувате со личност родена во земјен знак, во текот на денешниот ден ќе имате мали проблеми.
Имате стабилен однос со саканата личност и поради тоа сте заодоволни. Не ве очекуваат големи промени.
Можни се проблеми со кичмата.
Риби
Дружењето со колегите ви носи нови идеи за работа.
Ве очекува средба со личност која на прв поглед делува малку дистанцирано.
Здравјето е без проблеми.
Lifestyle
За само 10 минути, вашите фуги ќе блеснат како нови: трик што ја враќа белината без многу трошок

Со текот на времето, фугите меѓу плочките потемнуваат, стануваат валкани и тешко се чистат. Наместо да користите силни средства како белило, постои едноставен и евтин начин со кој ќе ги направите повторно бели – и тоа за само десет минути.
Што ви е потребно:
-
Малку хидроген (се купува во аптека – безбеден е за користење во домаќинство)
-
Сода бикарбона
-
Стара четка за заби или мека четка
-
Крпа и топла вода
Постапка:
-
Прво, пребришете ги плочките со влажна крпа за да ја омекнете нечистотијата.
-
Во мала чаша, измешајте две лажици сода бикарбона со малку хидроген – колку да се добие густа паста.
-
Со четката нанесете ја смесата директно врз фугите и оставете да стои околу 10 минути.
-
Потоа, со кружни движења, истријте ги фугите. Ќе забележите како нечистотијата се отстранува веднаш.
-
На крај, исплакнете со топла вода и пребришете со сува крпа.
По само неколку минути, вашите фуги ќе изгледаат бели и чисти како нови, без непријатен мирис и без скапи средства за чистење.
Овој природен метод е безбеден, ефтин и ефикасен, а хидрогенот што го користите е ист оној што често се користи за дезинфекција на рани — значи нема никаква опасност при употреба.
Пробајте го овој домашен трик – ќе ве изненади колку брзо ќе се исчисти купатилото, а фугите повторно ќе заблескаат како првиот ден!
Извор: B92
Магазин
(ФОТО) По 25 години во „Бигорскиот манастир“ се враќа копаничарската колонија

По дваесет и пет години враќање „на изворот“, со благослов на нашиот старец, преосвештениот епископ Антаниски г. Партениј во Бигорскиот манастир деновиве започна 38-та копаничарска колонија организирана од ЗКМАК. Токму во Бигорски, во јуни 1994 година, се одржа првата колонија и тука израснаа нејзините рани изданија, во непосредна близина на славниот иконостас на Петре Филиповски-Гарката – дело коешто со своите скулпторални квалитети и внатрешна логика на формата повеќе од два века е мерило и вдахновение за резбарите.
Колонијата ја отворија: претседателот на ЗКМАК, г. Никола Михајловски, деканот на Факултетот за дизајн и технологии на мебел и ентериер при УКИМ, проф. д-р Ѓорги Груевски, и ректорката на УКИМ, проф. д-р Биљана Ангелова. Со пригодно слово во името на игуменот, владиката г. Партениј, се обрати архимандритот Доситеј, кој ја поздрави колонијата и гостите и ја изрази радоста што колонијата повторно се враќа во срцето на копаничарството, во Бигорскиот манастир. Во воведните обраќања беше нагласена мисијата за живо предавање на традицијата, од мајстор на ученик, во средина каде што духовноста и уметноста природно се прегрнуваат.
Работните пунктови се поставени во манастирскиот двор, а колонијата ќе трае од 18 до 23 октомври 2025, обединувајќи истакнати мајстори-резбари од повеќе градови и ново поколение млади творци.
Повеќе прочитајте на официјалниот линк од „Бигорскиот манастир“ – ТУКА
-
Хороскоп1 ден
Хороскоп за вторник (21 октомври)
-
Магазин13 часа
(ФОТО) По 25 години во „Бигорскиот манастир“ се враќа копаничарската колонија
-
Временска прогноза2 дена
Пред нас период на суво време и значително топло
-
Македонија1 ден
Дизелот со намалена цена од ноќеска, додека бензините остануваат со иста цена
-
Lifestyle2 дена
5 причини да јадете тиква: Ако сакате да ослабете, подгответе ја вака
-
Lifestyle2 дена
Со топол леб или палачинки: Овој џем од јаболка ќе стане вашето омилено есенско откритие
-
Магазин2 дена
Apple го претстави првиот M5 чип
-
Гејминг2 дена
Battlefield 6 продаде над 7 милиони примероци за само три дена