Магазин
YouTube сака да користи машинско учење за откривање на лажна возраст

YouTube оваа година слави 20 години постоење и ги открива своите планови за 2025 година. Иако платформата постои две децении, многу од нејзините корисници се значително помлади.
Планови за 2025 година
Во чест на оваа годишнина, извршниот директор на YouTube, Нил Мохан, ги претстави главните планови на платформата за 2025 година во блог пост. Некои од клучните иницијативи вклучуваат:
-
Сузбивање на погрешното прикажување на возраста
- „Ние сме целосно посветени да ги заштитиме нашите најмлади корисници“, наведуваат од компанијата.
- „Во 2025 година ќе користиме машинско учење за да ја процениме возраста на корисниците – разликувајќи ги помладите гледачи од возрасните – за да обезбедиме најдобро и најсоодветно искуство и заштита.“
-
Потврда на возраста и заштита на корисниците
- YouTube веќе има механизми за родителска контрола и заштита на помладите корисници.
- Официјалната старосна граница за отворање индивидуална сметка е 13 години.
- Помладите деца можат да ја користат апликацијата YouTube Kids со помош на родител.
-
Подобрување на образовната платформа
- Развој на нови начини за учење преку видеата.
- Дозволување на креаторите да креираат курсеви во рамките на платформата.
Вештачка интелигенција и идниот развој
YouTube планира да ја користи вештачката интелигенција не само за заштита на корисниците, туку и за подобрување на платформата:
-
Борба против длабоко лажни содржини
- Креаторите ќе можат да контролираат како вештачката интелигенција ги прикажува нивните видеа.
- Ова започнува со пилот програма за познати личности, но во иднина би можела да се прошири на поширок круг корисници.
-
Автоматски превод на говор
- По успешното тестирање во 2024 година, оваа функција ќе биде достапна за сите членови на Програмата за партнери на YouTube.
- Со еден клик, содржината ќе може да биде преведена на други јазици.
YouTube и иднината на платформата
YouTube е уверен во својата позиција како една од водечките платформи за содржина. Компанијата се фокусира и на телевизиските содржини:
- Телевизорот сега е најчестиот уред за гледање YouTube, надминувајќи ги мобилните телефони.
- „Неверојатно е да се мисли дека веќе две децении YouTube им помага на луѓето да создаваат, учат, поврзуваат и многу повеќе“, пишува Мохан.
- „Додека влегуваме во нашето следно поглавје, остануваме посветени на зајакнување на креаторите, заедницата и редефинирање на начинот на кој светот гледа, слуша и се поврзува.“
Извор: Androidcentral
Мобилни уреди
Зошто е битен „авионскиот режим“ да биде приклучен додека патувате со авион

Користењето на уредот без режим на авион може да предизвика пречки што пилотите не сакаат да ги ризикуваат. Следниот пат кога ќе ви побараат да го ставите телефонот во авионски режим, знајте дека тоа не е само уште едно бесмислено правило.
Врзете ги безбедносните ремени, кренете ги ролетните на прозорците и преклопете ги страничните маси се стандардните упатства што ги добивате при полетување и слетување. И додека секоја од тие постапки има своја причина, штом авионот ќе достигне одредена височина, повеќето правила стануваат нешто пофлексибилни.
Сепак, има една работа која важи во текот на целиот лет – вклучување на авионскиот режим на телефонот, пишува LADBible.
Многу патници совесно ја следат оваа инструкција, но навистина не разбираат зошто од нив се бара да се „исклучат“ од дигиталниот свет кога веќе се физички офлајн. За да се разјаснат работите, искусниот пилот објасни што може да се случи ако не користите авионски режим, а не станува збор само за бонтон.
Дејвид Морган, шеф за летање и безбедност на Ер Нов Зеланд, откри дека во текот на неговата кариера бил сведок на ситуации кога електронските уреди на патниците предизвикувале пречки.
– Бев во авион кој три пати правеше работи што не сакав да ги правам, поради Game Boy, мобилен телефон и лаптоп – изјави за Staf. Да, дури и нешто едноставно како Game Boy може да пречи на системите за време на летот, што значи дека режимот на авион не е ограничен само на паметни телефони и таблети. Еден од најнезаборавните инциденти се случи додека Морган леташе со Боинг 767 од Мелбурн. Наеднаш ги загубивме сите VHF радио врски. Авионот имал три VHF радија и секогаш кога се префрлале на следното, ни тој не работел. На крајот реков: „Подобро е да ја провериме кабината и да видиме дали нешто предизвикува пречки“, рече тој.
Како што се испостави, патникот користел Game Boy. „Штом уредот беше исклучен, сите три радија повторно работеа“, рече Морган.
Иако многумина мислат дека исклучувањето на мобилните уреди е само формалност, оваа приказна покажува дека зад тоа има сериозна причина.
Со други зборови, користењето на уредот без авионски режим може да предизвика пречки што пилотите не сакаат да ги ризикуваат, па следниот пат кога ќе биде побарано да го вклучите авионскиот режим, ќе знаете дека тоа не е само уште едно правило без причина.
Извор: kurir.rs
Хороскоп
Хороскоп за недела (6 март)

ОВЕН
Расположението ви е нестабилно, ова е еден од оние денови кога е подобро да се повлечите и да поминете часови во самотија. Вистинската причина во сето тоа е хронична ненаспаност па неуредниот животен ритам стигнува на наплата. Почестете се себеси со одмор.
БИК
Обземени сте со деловните проблеми. Сепак, тоа не е поле на кое моете да очекувате важни случувања. Во центарот на вниманието треба да биде еден член од семејството затоа што од него стигнува голема поддршка која ќе ве накрене. Внимателно смислете како ќе му се заблагодарите.
БЛИЗНАЦИ
Не поместувајте се од местото. Таман кога ќе помислите дека нешто тргнало, нова препрека ќе ве врати на почетната позиција. Со нервоза ништо не решавате, неопходно е да го сочувате трпението. Денот кој тече донесува интересна животна лекција.
РАК
Време е за селекција. Отгрлете некои нешта кои веќе некое време ви создаваат големи грижи. Било да станува збор за човечките ресурси или проектите, ве чека тешка одлука поради која ќе морате да се замерите со многу луѓе.
ЛАВ
Не верувајте во разни ветувања со кои ве затрупуваат. Морате максимално да се ангажирате и самите себеси да си помогнете во пронаоѓање на решенија. Очекувајте стагнација на се па поради тоа не се обидувајте да започнете никаква нова работа.
ДЕВИЦА
Транзитот на планетите ви донесува шанса идеите кои досега биле несфатени конечно да ги презентирате и да добиете поддршка од колегите од кои најмалку сте очекувале. Ви следи официјално запознавање со влијателна особа со која се знаете од гледање.
ВАГА
Ве нервира тоа што сте ја научиле вашата околина дека вие сте иницијатор на се. Расположението ви е такво што денес сакате секоја одговорност да можете да ја префрлите на некој друг а вашата задача да биде само да бидете весел гостин кој треба добро да си помине.
ШКОРПИЈА
Извесни се ненадејни трошоци, сепак не се нервирајте затоа што ќе успеете да ја стабилизрате ситуацијата. Побарајте поддршка од пријателите. Избегнувајте средба со партнерот затоа што е еден збор може да биде причина за сериозна кавга.
СТРЕЛЕЦ
Ако ја анализирате рационално својата позиција, ќе признаете дека таа и не е толку лоша. Проблемот е во тоа што сте склони кон кукање и критикување па собирате такви луѓе околу себе. Слушајќи ја околината упаѓате во песимизам кој всушност воопшто не е ваш.
ЈАРЕЦ
Време е да се реорганизирате. Чистењето како во вашиот дом така и на работното место ќе создаде амбиент за реализација на многу деловни проекти. Но, ако за миг се исклучите од сите професионални активности, ќе сфатите дека центарот на светот не сте вие.
ВОДОЛИЈА
Вистински миг своите планови да ги спроведите во дело особено ако соработувате со странство. Освен тоа, ваквите транзити можат да најават и интересно познанство со личност која е далеку а која ќе ја сретнете на чуден начин, на пример, преку социјалните мрежи.
РИБИ
Слаткоречиви сте спрема сите денес. Вашето добро расположение е всушнсот маска која ја прекрива вашата несигурност која ве обзела. Потсвесно посакувате со своите добронамерни коментари да ги мотивирате другите да ви го возвратат истото. Ќе се разочарате.
Lifestyle
Планирате патување во Бали? Еве што треба да знаете

Бали е една од најпопуларните туристички дестинации во светот. Познат е по егзотичните плажи, тропската природа и богатата култура. За да се зачува ова културно наследство и да се обезбеди одржлив туризам, властите на островот воведоа нови правила за посетителите.
Почитување на локалните обичаи и верски норми
· Туристите мора да покажат почит при посета на храмови и свети места.
· Забрането е влегување без соодветна балиска облека.
· Жените со менструација не смеат да влегуваат во верски објекти, според традиционалните правила.
· Строго е забрането качување на свети дрвја и споменици.
· Несоодветни или голи фотографии на свети локации се недозволени.
Облекување и однесување на јавни места
· Посетителите треба да носат скромна облека во храмови, ресторани, продавници и други јавни простори.
· Забрането е пцуење, предизвикување немир или непочитување на локалното население.
· Не е дозволено споделување говор на омраза или дезинформации на социјалните мрежи.
Туристичка такса и поддршка на одржлив туризам
· Сите меѓународни посетители мора да платат туристичка такса од 150.000 индонезиски рупии (околу 9 евра).
· Таксата се користи за финансирање на проекти за заштита и одржливост.
· Неплаќањето може да доведе до забрана за посета на атракции и можни правни последици.
· Се планира и дополнителен дневен данок, сличен на оној што се применува во Бутан.
Еколошки мерки: крај на пластиката
· Забранета е употреба на пластични кеси, стиропор и пластични сламки.
· Пијалоци спакувани во пластика исто така не се дозволени.
· Овие мерки се дел од стратегијата за зачувување на природата и намалување на негативното влијание од туризмот.
Извор: B92
-
Хороскоп2 дена
Хороскоп за сабота (5 април)
-
Хороскоп19 часа
Хороскоп за недела (6 март)
-
Скопје2 дена
МВР: Дисциплинска постапка за двајца полициски службеници кои лажно тврделе дека возилото „порше“ е службено
-
Спорт22 часа
(ФОТО) ФК Ренова во финишот на мечот ги спаси трите бода во Кичево против ФК Напредок
-
Временска прогноза6 часа
Попоски: Започна продор на ладен воздух, до вечер снежен циклон ја зафаќа Македонија на повеќе места
-
Магазин2 дена
(ВИДЕО) „Форца Бенд“ го објави својот најнов „свадбарски сплет“, во најава нови авторски песни, сплетови и кавери
-
Временска прогноза2 дена
Викендов на повидок екстремен сибирски ладен бран
-
Спорт1 ден
Дисциплинската комисија на ФФМ донесе одлука за поведување казна на ФК Шкендија по непочитување на навивачите на минута молк на мечот против ФК Брера