Мобилни уреди
За месецов закажана презентацијата на најновиот Samsung S24, најмоќниот процесор се очекува да биде во „S24 Ultra“ серијата

Оваа година во Сан Хозе, Калифорнија, на 17 јануари на новиот настан Samsung Galaxy Unpacked ќе биде објавена новата серија на телефони Samsung Galaxy S24. Компанијата официјално закажа датум, а покрај новите телефони треба да видиме и претставување на технологијата Galaxy AI, односно вештачката интелигенција на Samsung.
Samsung Galaxy Unpacked започнува во 10:00 часот по Пацифичко време, што значи дека кај нас настанот всушност ќе се емитува во 19:00 часот, според средноевропското време. Иако тогаш официјално ќе ги видиме новите телефони од претстојната серија Samsung Galaxy S24, преку инсајдери дознавме речиси сè за овие телефони, но сепак можеби ќе видиме изненадувања, со оглед на тоа дека тоа беше неофицијална информација.
Сите три телефони од серијата го задржуваат целокупниот дизајн на нивните претходници, со таа разлика што сега ќе имаат главно рамни наместо заоблени екрани. Телефоните ќе бидат придружени со новиот кориснички интерфејс One UI 6.1, проткаен со вештачка интелигенција и базиран на оперативниот систем Android 14.
Технологијата за вештачка интелигенција треба да го подобри ноќниот режим на фотографирање, преводот во живо за време на повиците и да донесе еден куп софтверски оптимизации. Што се однесува до другите карактеристики, знаеме дека европските членови на новата серија најверојатно ќе имаат чип Exynos 2400, а само моделот Ultra наводно ќе го има најновиот чипсет Qualcomm Snapdragon 8 Gen 4 на секој пазар во светот.
Магазин
Дали е штетно батеријата да се полни неколку пати на ден?

Не, честото полнење на телефонот не е штетно – напротив, полнењето во пократки интервали може да помогне батеријата да трае подолго. Денешните паметни телефони користат литиум-јонски батерии, кои се дизајнирани да издржат ваков начин на полнење, за разлика од постарите технологии кои бараа целосно празнење и полнење.
Исидор Бухман, основач на „Cadex Electronics“, објаснува дека треба да се избегнува редовно полнење од 0% до 100%, освен ако батеријата не покажува проблеми како ненадејно исклучување иако е прикажано дека е наполнета. Во такви случаи, целосен циклус може да помогне во калибрација на сензорот за батерија.
Литиум-јонските батерии обично траат 2 до 3 години или околу 300 до 500 циклуси на полнење, по што нивниот капацитет се намалува за околу 20%. За разлика од претходните верувања, денес не е потребно батеријата целосно да се празни за да се зачува нејзиниот век. Всушност, повеќето производители, вклучувајќи го и Samsung, препорачуваат батеријата да се одржува над 50% секогаш кога е можно.
Препораки за оптимално полнење:
-
Полнете го телефонот кога ви одговара, без страв дека ќе ја оштетите батеријата.
-
Избегнувајте батеријата да паѓа под 20% колку што е можно поретко.
-
Не оставајте го телефонот долго време на полнач откако ќе се наполни до 100%.
-
Целосно празнење (до 0%) правете само повремено, доколку е потребно за калибрација.
Малите, повеќекратни полнења во текот на денот се безбедни и дури препорачливи. Она што треба да се избегнува се екстремите – редовно празнење до нула или долготрајно држење на полнач кога батеријата е целосно наполнета.
На овој начин, батеријата на вашиот телефон ќе трае подолго и ќе функционира поефикасно.
Извор: Benchmark
Мобилни уреди
Овие 5 андроид мобилни уреди се помеѓу најпродаваните 10 во светот

Според најновите податоци од „Counterpoint Research“, листата на најпродавани паметни телефони во светот за првиот квартал од 2025 година покажува дека Apple повеќе не е единствениот лидер на пазарот. Иако ги зазема првите четири позиции, Android уредите успеаја да се изборат за половина од топ 10 листата, при што Samsung доминира со четири модели, а Redmi се појавува со еден.
Од Samsung, меѓу најпродаваните се најдоа моделите: Galaxy A16 5G, Galaxy A06, Galaxy S25 Ultra и Galaxy A55 5G. Особено се истакнува Galaxy A16 5G, кој е на петтото место, но е најпродаваниот Android телефон во овој период.
Galaxy S25 Ultra, како единствен премиум Android модел на листата, е на седмото место – нешто пониско во споредба со неговиот претходник, S24 Ultra, кој лани беше петти. Причина за ова е неговото подоцнежно лансирање, што резултираше со пократок период на продажба. Сепак, серијата S25 во целина се продава стабилно, претставувајќи околу 25% од вкупната испорака на Samsung во месеците кога беше достапна.
Redmi 14C 4G е моделот кој ѝ обезбеди на оваа марка место меѓу најпродаваните Android телефони.
Apple, пак, доминира на врвот со моделите iPhone 16, 16 Pro Max, 16 Pro и iPhone 15, кои се на првите четири позиции. iPhone 16 Plus го зазеде десеттото место. Забележително е што iPhone 15, и покрај тоа што е на пазарот речиси две години, сè уште се продава одлично, благодарение на привлечната цена. Иако iPhone 16e не е меѓу првите десет, се очекува да има подобри резултати од претходните SE модели во текот на првата година.
Извор: counterpointresearch.com
Мобилни уреди
Според анализа на „Counterpoint“ еве кој мобилен уред е најпродаван во светот

Според анализата на Counterpoint Research, Apple ги освои првите четири позиции на глобалната листа на најпродавани телефони. Најмногу се продавал iPhone 16, по него следат iPhone 16 Pro Max, iPhone 16 Pro, како и моделот од минатата година – iPhone 15. Овој успех уште еднаш ја потврдува доминацијата на Apple на светскиот пазар на паметни телефони.
Според MacRumors, успехот на iPhone 16 не е случаен. За разлика од претходните години кога најскапите модели како Pro Max беа најбарани, сега обичниот iPhone 16 е многу популарен. Причината за тоа е што го користи новиот A18 чип, кој е речиси ист како A18 Pro чипот во iPhone 16 Pro Max.
Освен тоа, моделот доби нови функции како копче за акција и копче за контрола на камерата – нешто што досега беше достапно само кај Pro моделите. Овие додатоци го направија iPhone 16 попривлечен и го приближија до Pro серијата, давајќи им на корисниците подобра вредност за своите пари. Ова доведе до значителен пораст на популарноста на основниот модел во повеќе делови од светот.
Во првите три месеци од годинава, пет од десетте најпродавани смартфони биле модели на Apple. iPhone 16 Plus се пласираше на десеттото место, додека новиот iPhone 16e го зазеде шестото место во март 2025 година.
Со својата прифатлива цена и одлични карактеристики, iPhone 16e нуди многу повеќе од тоа што претходно го нудеше iPhone SE. Се очекува дека ќе го надмине својот претходник по бројот на продадени уреди, благодарение на подобрениот хардвер.
Извор: Counterpoint Research / MacRumors
-
Хороскоп2 дена
Хороскоп за четврток (26 јуни)
-
Хороскоп16 часа
Хороскоп за петок (27 јуни)
-
Кичево40 минути
Предмалку случена сообраќајка во близина на с.Извор кичевско, правец Кичево-Охрид
-
Кичево2 дена
(ФОТО) Гори ниска шума и дива депонија во атарот на с.Туин кичевско, ТППЕ Кичево уште на терен
-
Македонија3 часа
Од ноќеска цената на дизелот драстично паѓа, еве колку ќе биде литар дизел гориво од полноќ
-
Македонија6 часа
Од 1 јули до крај на месец август на државните патишта во Македонија се воведува летен времен режим на сообраќај со кој се забранува движење на тешки товарни возила
-
Македонија1 ден
Нов случај на измама: Старица дала огромна сума пари на таканаречен лекар кој и кажал лоша вест за ќерката
-
На денешен ден2 дена
Времеплов: На денешен ден – 26 јуни