Славчо Попоски предмалку објави првични информации за неверојатната нагла промена на времето која ни претстои.

Во првата метеоролошка карта, односно до среда (19 март) наутро на повеќе места во регионот, како и во Македонија, особено во западната половина од нашата Македонија ќе се формира снежна покривка, снег ќе има и во градовите.

Метеокарта (приказ)

Во втората метеоролошка карта, односно во среда наутро во Македонија појава на мразеви. Со овие прикази повеќе од сигурно се потврдува дека промената на времето ќе дојде сигурно.

Денес (петок 14 март) и утре (сабота 15 март) ќе го имаме максимумот од овој топол бран кој ја зафати Македонија и кој не е вообичаен за овој период од годината.

Времето ќе биде постабилно, посончево и многу ветровито. Ќе дува засилен, повремено силен ветер од јужен и од југозападен правец (повремено и локално со брзина до околу 80 км/час).

Што се однесува до температурите на воздухот, тие насекаде ќе надминуваат 20 степени, на многу места тие ќе се искачат до околу, па  и над 25 степени, а во Повардарието тие ќе се искачат дури до околу 30 степени, особено во сабота (15 март).

И во Скопје ќе имаме слично време со температура која ќе се искачи близу 30 степени, вели Славчо Попоски.

Денес (среда 12 март) и во текот на ноќта кон утрешниот ден (четврток 13 март), како и во четврток претпладне под влијание на влажна и нестабилна воздушна маса од запад, која е во склоп со длабокиот циклонски систем од Атлантикот, во Македонија ќе имаме повремени врнежи од дожд, кои локално ќе бидат поројни проследени со грмежи и со услови за појава на град.

Ќе дува засилен до повремено силен ветер од јужен правец (повремено и локално со брзина од на 75 км/час). Процесите локално се очекува да бидат поинтензивни и во форма на невреме.

И во Скопје и околината ќе имаме слично време, со повремени врнежи од дожд кои во делови од котлината ќе бидат поројни и со услови за појава на грмежи. Ќе дува засилен, повремено силен ветер од јужен и од југоисточен правец.

– Што се одннесува до температурите, тие ќе бидат невообичаено високи за овој дел од годината и на многу места тие ќе се искачат до околу, па и над 20 степени, а во Повардарието тие се очекува да се искачат, или пак да надминат 25 степени.

И во Скопје и околината ќе биде невообичаено топло за овој период од годината со температура која ќе се искачи до близу, или околу 25 степени.

– Да напоменам дека поради силното јужно и југозападно струење, од Сахара кон нашата Македонија и понатаму ќе се врши транспорт на прашина и на песок, со што Атмосферата ќе биде заматена, а времето ќе биде многу мачно и спарно, вели Славчо Попоски