Временска прогноза
За снежното невреме: Најпрво локално ќе врне дожд, потоа после пладне кон вечерта врнежите од дожд ќе преминат во снег проследен со силен ветер

Голема промена на времето во Македонија ќе имаме во сабота, тогаш поради спуштање на поларниот вртлог до југ, над јужен Јадран ќе дојде до формирање на секундарен силен циклон кој во Македонија ќе условува најпрвин обилни врнежи од дожд (локално ќе наврнат над 30 л/м2 воден талог).
Најпрвин на повисоките места и на планините, а попладнето и вечерта и насекаде во Македонија врнежите од дожд ќе преминат во врнежи од снег и тие ќе бидат проследени со засилен до силен ветер од северен правец, температурите значително ќе се намалат.
На планините и на Скијачките центри ќе се формира снежна покривка дури до 30 сантиметри, понекаде и повеќе и ќе биде идеално за скијање. На пониските места (градовите) очекуваме снежна покривка од 5 до 10 сантиметри, а во западните предели понекаде таа ќе биде и поголема.
И во Скопскиот регион очекуваме врнежите од дожд во сабота да преминат во врнежи од снег, но во котлината очекуваме помала снежна покривка, а истата поголема ќе биде на околните планини.
Потоа во недела ќе имаме стабилно, суво и многу студено време со засилен, повремено силен ветер од северен правец. Повремено и локално ветерот ќе достигнува брзина од над 75 км/час а максималната температура во недела во Македонија ќе се искачува во интервалот само од -4 до 4 степени. Особено студено утро ќе имаме во понеделник кога минималните температури понекаде ќе се спуштат дури и под -10 степени.
Според моменталните анализи со кој ние располагаме, студен и со температури под просекот ќе биде месецот декември, често ќе имаме посети од поларниот вртлог кој ќе условува чест, за Порта.мк истакна Славчо Попоски
Временска прогноза
Следната седмица вистинска промена на времето

Невообичани ладни утра за овој период од годината со потпросечни температури на воздухот се пред нас, а преку денот ќе имаме многу сонце и ведро време без никаква облачност. Наутро температурите во најголем дел од Македонија ќе се спуштаат под 10 степени, локално и под 5 степени а на високите и на планинските места температурите ќе се спуштаат близу 0 степени, со што е можна појава на слаб мраз и на слана.
Токму ова е поради влијанието на силниот Антициклон (Поле на висок воздушен притисок) кој е распространет во најголем дел од Европскиот Континент и истиот условува да имаме токму ваква временска ситуација и развој на вакви временски услови. Преку ден пак ќе биде пријатно топло со максимални дневни температури кои ќе се искачуваат во интервалот од 21 до 30 степени.
Ваквата временска состојба кај нас ќе се задржи се до 25 септември, по што следува голема промена на временската состојба кај нас, надоаѓање на вистинската есен и многу пониски температури на воздухот, многу повеќе врнежи а на планинските места и појава на снег, истакна Славчо Попоски
Временска прогноза
Брз продор на ладен воздух од север, додека само утре услови за слаб локален дожд

Поради брз продор на ладен воздух од север, утре и задутре (среда и четврток 17/18 септември) во Македонија ќе дува засилен, повремено силен ветер од северен правец (повремено и локално со брзина од над 60 км/час). Времето ќе биде претежно стабилно и суво, а само утре (среда 17 септември) ќе има малку повеќе облачност и ќе има услови за сосема слаб локален дожд.
И во Скопје и околината во погоре споменатиот период ќе дува засилен, повремено силен ветер од северен правец, повремено и локално со брзина од над 60 км/час.
Што се донесува до температурите, тие особено наутро ќе бидат многу пониски и ќе се спуштаат во интервалот од 3 до 12 степени, а на повисоките места и на планините тие ќе бидат пониски со што ќе има услови дури и за појава на слаб мраз и на слана.
Максималните дневни температури исто така ќе бидат значително пониски и ќе биде посвежо и преку ден и тие ќе се искачуваат во интервалот од 19 до 27 степени. Во Скопје и околината наутро температурата ќе се спушта до околи 8/9 степени, а преку ден таа ќе се искачува во интервалот помеѓу 23/24 степени.
Временска прогноза
По ладни утра проследени со ладен воздух од северен правец

Под влијание на стабилна, сува и посвежа воздушна маса од север, во текот на оваа седмица времето во Македонија ќе биде претежно сончево и посвежо со мала до умерена локална облачност. Особено свежо ќе биде наутро кога минималните температури на повеќе места ќе се спуштаат до околу па и под 10 степени, а во делови од нашата Македонија, особено на повисоките и на планиснките места температурата ќе се спушти и под 5 степени, или близу 0 степени.
Максималните дневни температури ќе се искачуваат во интервалот од 19 до 28 степени, а повремено во југоисточните предели таа ќе се искачува до околу 30 степени. Во Скопје температурата наутро во текот на оваа седмица ќе се спушти до околу 10 степени а максималната дневна температура ќе се искачува во интервалот помеѓу 25 и 30 степени.
Утре и задутре (вторник и среда 16/17 септември) ќе дува засилен, повремено и силен ветер од северен правец, повремено и локално со брзина од над 60 км/час. Наутро и тоа како ќе ни биде потребна потоплата облека поради очекуваните многу пониски минимални утрински температури на воздухот, информира Славчо Попоски
-
Кичево15 часа
Во недела на големиот празник рождество на Пресвета Богородица, во кичевско с.Другово ќе се осветува поставениот Крст
-
Хороскоп1 ден
Хороскоп за четврток (18 септември)
-
Музика2 дена
Училиштето за Црковна музика „Митрополит Козма Пречистански“ во петок и сабота преку „аудиција“ врши упис на нови членови за источно пеење
-
Скопје17 часа
Малолетници на 12 и 14 годишна возраст од угостителски објект одзеле пари од вработени и побегнале, едниот се заканил со остар предмет
-
Временска прогноза19 часа
Следната седмица вистинска промена на времето
-
Хороскоп6 часа
Хороскоп за петок (19 септември)
-
Временска прогноза2 дена
Брз продор на ладен воздух од север, додека само утре услови за слаб локален дожд
-
Автомобили2 дена
Колку се задоволни возачите од реалниот домет на електричните автомобили?