Временска прогноза
Засилен ветер и снег е новата метео анализа за викендот кој ни доаѓа
Во петок на 20 декември попладне, преку ноќта кон сабота и во сабота 21 декември територијата на Македонија ќе биде зафатена од нов ладен и влажен воздушен бран од север, и истиот е поврзан и со циклонска активност со центар над Средоземјето.
Во ваква ситуација ќе има нови пообилни врнежи од дожд, а на планините и на повисоките места до околу, па и под 1000 метри, а во сабота понекаде и во пониските места, особено во западните и во северните предели ќе има врнежи од снег. На планините ќе дојде до зголемување на постојаната снежна покривка, а снежна покривка ќе се формира и во повисоките места.
Помала снежна покривка можно е во сабота на 21 декември да се формира и во некои од градовите особено на западот и на северот од Македонија.
Што се однесува до Скопје и околината, исто така тие денови ќе има врнежи од дожд, а особено во сабота поради продор на ладен воздух од север, на околните планини ќе има врнежи од снег, а услови за повремен послаб снег ќе има и во повисоките предели од котлината. Не се исклучува можноста ретка појава на провејување на снег да се појави и во пониските предели од котлината.
Во сабота повремено ќе дува засилен ветер од северен правец кој ќе предизвика температурите значително да опаднат и максималните дневни температури ќе се искачуваат во интервалот само од 1 до 8 степени. Во Скопје до околу 4 степени, информира Славчо Попоски
Временска прогноза
Попоски: Доаѓаат обилни врнежи од дожд кои ќе предизвикаат поплави, ќе има засилен ветер, западниот дел од државата ќе наврнат до 200 литри/м³ дожд
Од денес (понеделник) 17 ноември па се до крајот на следната седмица во Македонија и целиот регион ќе бидеме под влијание на низок воздушен притисок односно циклонски систем со центар над Џенова. Токму поради ова од запад во нашата Македонија во вторник ќе се прошируваат обилни врнежи од дожд кои ќе бидат проследени со засилен повремено силен ветер од јужен правец (повремено и локално со брзина од над 70 км/час). Локално врнежите ќе бидат проследени и со појава на грмежи а овие процеси би можеле локално да бидат застапени и во форма на невреме.
За време на овој период на повеќе места во Македонија ќе наврне големо количество на дожд и тоа над 50 литри/м³ дожд а локално, особено во западните предели цело купното количество на воден талог ќе изнесува над 100 литри дожд на метар квадратен, локално дури и над 150 литри/м³. Токму поради ваквата ситуација растат условите и за локални поплавувања во текот на следната седмица во Република Македонија.
– Во поширокиот дел од регионот постои опасност од големи поплави во текот на следната седмица. Тоа значи дека локално, особено во соседна Албанија, Косово, Црна Гора, јужна и југозападна Босна како и во делови од Словенија и Хрватска ќе наврне и екстремно количество на дожд (над 200/300 литри/м³ дожд на метар квадратен).
Поради јужното воздушно струење кај нас остануваат натпросечно високите температури на воздухот и во текот на следната седмица, тоа значи дека температурите кај нас ќе бидат без поголеми промени во однос на оние температури кои ги имаме сега, известува Славчо Попоски
Најново: Локално ќе наврнат над 300/400 литри/м³ дожд а во Македонија, особено во западните предели над 100/150 литри/м³ дожд, локално дури и до околу 200 литри/м³ дожд.
Временска прогноза
Од вторник следува промена на времето во Македонија
Во вторник и во среда (18 и 19 ноември) нашата Македонија ќе биде зафатена од голем влажен воздушен бран од запад и истиот ќе биде поврзан со циклонски систем со центар над Џенова. Во ваква ситуација кај нас ќе дојде до голема промена на времето која ќе предизвика од запад во нашата Македонија да се прошируваат обилни врнежи од дожд. Локално овие врнежи ќе бидат обилни и поројни и проследени со појава на грмежи.
Сето ова ќе биде проследено со засилен до повремено силен ветер од јужен правец (повремено и локално со брзина од над 70 км/час). Локално овие процеси ќе бидат застапени во форма на невреме.
И во Скопје и околината во погоре споменатиот период ќе имаме обилни врнежи од дожд проследени со засилен до повремено силен ветер од јужен правец а ќе има услови и за појава на грмежи.
Само во овие два дена локално ќе наврне големо количество на воден талог (локално над 50 литри дожд на метар квадратен а во западните предели локално дури и над 80 литри дожд на метар квадратен).
Што се однесува до температурите, поради јужното воздушено струење тие остануваат без поголеми промени во однос на оние температури кои ги имаме сега, што значи дека натпросечните температури на воздухот за ноември продолжуваат и во овие два дена од следната седмица, информира Славчо Попоски
Временска прогноза
Попоски: Следната седмица ќе имаме чести и обилни врнежи од дожд проследени со повремено силен јужен ветер
Уште од самиот почеток на следната седмица судејќи според понатамошните нови излези на прогностичките модели ни следува нова голема промена на времето. Ќе бидеме под влијание на нов циклон со центар над Џенова и истиот ќе условува следната седмица да имаме чести и обилни врнежи од дожд проследени со повремено силен јужен ветер.
Од она што во моментов можам да го кажам за јавноста е тоа дека ќе наврне големо количество на дожд во текот на следната седмица во Македонија. Сепак и покрај ова ќе бидеме под влијание на јужно воздушно струење и сето ова ќе услови да имаме температури над просекот за месец ноември.
Се на се, овие врнежи кои ги најавувам за следната седмица и тоа како може да создаваат проблеми и поплави во регионот, а можни поројни локални поплави се можни и во нашата држава, информира утрово Славчо Попоски
-
Хороскоп1 денХороскоп за недела (16 ноември)
-
Скопје1 денЦУК: Двете жени се пронајдени во црн пат помеѓу Долно Количани и Батинци и се во добра здравствена состојба, истите биле државјанки на Македонија
-
Спорт1 денДриблинг атракции, фудбалски надигрувања и фер плеј. Фудбалски викенд во Кичево, дечињата на „ФК Кичево“ активни во сите генерации
-
Спорт12 часа(ЖИВО) У17: Македонија – Русија во вториот контролен меч, кичевчанецот Војчески во стартниот состав
-
Временска прогноза1 денОд вторник следува промена на времето во Македонија
-
Хороскоп51 минутаХороскоп за понеделник (17 ноември)
-
Спорт5 часа(ФОТО) У17: Русија поуспешна од Македонија во вториот контролен меч, одигран денес во Струмица
-
Македонија5 часаПоради сообраќајка прекин во сообраќај кај Валандово
