Денеска (20.07.2025) полициски хелиокптер од типот Бел-412 од Одделот за воздухопловни единици дејствуваше на пожар во Василево, с. Нивичино.

Поради разгорување на пожарот и опасност кон викендици и лица што дејствуваат во гаснење на пожарот полицискиот хеликоптер со прецизни налети дејствуваше во близина на патот и објектите кои што беа обиколени со пожар за да се обезбеди безбеден премин и да можат екипите од терен на безбедно да извршат евакуација на загрозените лица и да се повлечат на безбеден терен, соопшти МВР.

Денеска (20.07.2025) во утринските часови, по претходно повикана помош за спасување на лице кое се наоѓа на непристапен планински предел на планината Баба, битолско, хеликоптерот агуста бел 212 на Хеликоптерската единица за полициски намени при МВР, веднаш по применото барање за помош, полета и се упати на спасувачка мисија на планина Баба.

Хеликоптерот на Министерството за внатрешни работи се упати за извршување на зададената задача со тројца припадници од Одделот на воздухопловни единици и тим од четири припадници од Специјалната антитерористичка единица “Тигар”.

Повреденото лице, за релативно кратко време беше успешно извлечено од местото Видиковец на планината Баба, по што беше предадено на итната медицинска помош од Битола.

Полициските службеници, припадниците на Одделот за воздухопловни единици и на Специјалната антитерористичка единица Тигар, уште еднаш како и многупати досега ја покажаа својата хуманост и пожртвуваност на дело.

🔥 Состојба на пожари (19.07.2025 до 20:30 часот)

На територијата на државата се евидентирани вкупно 27 пожари на отворен простор, од кои:
🔴 4 активни
🟠 5 под контрола
🟢 18 изгаснати
⸻

🔴 АКТИВНИ: 4
1. Општина Василево: с. Нивичино (нискостеблеста шума, смрека, грмушки и сува трева)
2. Општина Македонски Брод 1: с. Грешница (мешана шума и ниска вегетација)
3. Општина Македонски Брод 2 (реактивиран): помеѓу с. Црешнево, с. Локвица, с. Крапа (деградирана дабова шума, грмушки и ниска вегетација)
4. Општина Прилеп: помеѓу селата Царевиќ и Смолани (мешана шума и ниска вегетација)

⸻

🟠 ПОД КОНТРОЛА: 5
1. Општина Желино: с. Желино према Еребино (нискостеблеста шума, грмушки и ниска вегетација)
2. Општина Македонски Брод: с. Слатина (смрека, сува трева и друга ниска вегетација)
3. Општина Велес: кај селата Џидимирци – Крушје – Иванковци (мешана нискостеблеста деградирана шума)
4. Општина Свети Николе: с. Орел – с. Ѓуѓанци (смреки и ниска вегетација)
5. Општина Старо Нагоричане: с. Орах (сува трева)

⸻

🟢 ИЗГАСНАТИ: 18
1. Студеничани: Горно Количани (ѓубре и сува трева)
2. Бутел: кај гробишта Бутел (сува трева)
3. Сарај: на обиколница Сарај (ѓубре и сува трева)
4. Кисела Вода: ул. Сердарот (ѓубре и сува трева)
5. Крушево: Градска депонија (ѓубре)
6. Демир Хисар: Градска депонија (ѓубре)
7. Ресен: помеѓу с. Прељубље и с. Покрвеник (ниска вегетација)
8. Дојран: с. Николич (нискостеблеста шума)
9. Струга: с. Ложани (нива со жито и стрниште)
10. Свети Николе: с. Немањици (ниска вегетација и фотоволтаици)
11. Штип: с. Аргулица (сува трева)
12. Кочани: с. Мојанце (стрниште)
13. Куманово: с. Четирце (ниска вегетација)
14. Липково: с. Ваксинце (сува трева)
15. Тетово: Фалише (ниска вегетација)
16. Брвеница: с. Теново (депонија)
17. Гостивар 1: с. Дебреше (ниска вегетација)
18. Гостивар 2: с. Врањевци (ѓубре, багрем и ниска вегетација)

Извор: ЦУК