Како политичарите и носителите на јавни функции НЕ треба да комуницираат со новинарите во моменти на трагични настани. Следниот водич треба да служи како пример пред се за владините службеници, кои во неколку наврати на одвоени прес конференции имаа несоодветна комуникација со дел од новинарите.

Таквата комуникација не смее да стане пракса, на прашањата на новинарите кои се глас на јавноста треба да се одговара постојано и отворено, се вели во соопштението, кое во потточки прецизно го наведуваат следново:

1️⃣ Не покажувајте ароганција и незаинтересираност

-Не бидете одбивни, нетрпеливи или иритирани.

-Избегнувајте сарказам, превртување на очи или покажување на надмоќност.

-Не ја минимизирајте трагедијата и не префрлајте вина на други.

2️⃣ Не прикривајте информации и не избегнувајте одговори

-Не одговарајте со нејасни и празни фрази.

-Ако одредени информации сè уште не се достапни, кажете го тоа отворено наместо да бегате од прашањата.

-Не давајте погрешни или контрадикторни информации – тоа создава недоверба и шпекулации.

3️⃣ Не ja користете трагедијата за политички маркетинг

-Ова не е време за политички поени или ПР настапи.

-Не ветувајте нешто што не можете да го исполните.

-Не ја користете трагедијата за напад на политички противници.

4️⃣ Не ги обвинуваjте јавноста, медиумите или жртвите

-Не сугерирајте дека жртвите сами си се виновни.

-Не напаѓајте новинари дека „ширеле паника“ само затоа што поставуваат тешки прашања.

-Медиумите имаат право да информираат – почитувајте ја нивната улога.

Извор: ЗНМ