Со радост ве известуваме дека за прв пат во Македонија, манастирот Богородица Пречиста, познат по својата долга и развиена сточарска дејност, се погрижи жителите на градот Кичево и околината да имаат можност да набавуваат свежо, органско кравјо млеко, директно од манастирската фарма. Повеќегодишното искуство во сточарството и млекарството на жителите во манастирот, донесе голем раст во поглед на модернизацијата и зајакнувањето на земјоделските задруги, меѓу кои една се наоѓа токму над градот Кичево, на 1000 м. надморска височина, „Крнино“.

Грантот за поддршка на земјоделскиот сектор финансиран од ЕУ од ИПА 2019 програмата, додели на земјоделската задруга млекомат и молзилиште. Тоа придонесе за одличен резултат во поглед на хигиената, односно за врвен квалитет.

Како што не известуваат за нашиот медиум официјалните лица, млекото е достапно преку современ млекомат, кој овозможува да го добиете производот секогаш свеж, со зачувани природни хранливи својства, кои се особено важни за човековото здравје. На овој начин, секој може брзо и лесно да ужива во вкусот на вистинското, непастеризирано млеко, без додатоци и конзерванси.

– Млекоматот се наоѓа во центарот на градот, односно во непосредна близина на стариот објект на Општина Кичево или сегашно седиште на ЈП Комуналец и работи постојано.

Секој што ќе посака има можност да проба од овој еликсир за здравјето и сам да се послужи во секое време во текот на целото деноноќие. Одбраниот производ и неговата количина е во релација со потребната сума која купувачот сам ја внесува во млекоматот. Во исто време, млекоматот нуди можност да се одбере калап и од манастирското органско сирење.

Се’ што треба да се направи е да се одбере посакуваната шифра на производот, да се плати износот, а потоа, заедно со најблиските, да се ужива во вкусот на манастирското кравјо сирење, стои во официјалното известување за јавноста.

Ние веќе одиме да ги вкусиме млечните производи, а вие?

Во училишниот двор на ОСУ „Мирко Милески“ – Кичево за прв пат се одржа свечено доделување на дипломи за матурантите од генерацијата 2021/2025.  Класните раководители им ги врачија дипломите, а присутните беа поздравени од директорот Бранислав Стојаноски, кој им посака успех во понатамошното образование.

Од име на матурантите, говор одржа Ивона Димоска, изразувајќи благодарност до професорите за нивната посветеност во изминатите четири години.

Видео и галерија од денешниот настан:

На 10.08.2025 во 21:30 часот во ОВР Кичево е пријавено дека на ул.„Љубица Богеска“ во Кичево се случила сообраќајна несреќа помеѓу патничко возило „фолксваген туран“ со кичевски регистарски ознаки, управувано од А.З. (49) од Кичево и електричен тротинет управуван од 13-годишен малолетник од Кичево.

Во несреќата со тешки телесни повреди се здобил малолетникот, констатирани во Медицинскиот центар Кичево.

По наредба на јавен обвинител, извршен е увид од увидна екипа на ОВР Кичево, истакна МВР за јавноста.