Почитувани сограѓани, драги кичевчани. Заврши и последната проба, воедно во името на организацијата и нашиот медиум Ве покануваме да ни се придружите утре со почеток од 10:30ч на празничната поворка која се организира во чест на празникот „Лазарова Сабота“ ден пред „Цветници“, а со цел торжествено и достојно да го дочекаме нашиот најголем христијански празник „Воскресениот Христово-Велигден“.

Затоа сите вие кои сакате да бидете дел од возобновувањето на една подзаборавена траадиција, да ни се придружите на кичевскиот плоштад од 10:30ч и сите заедно покрај дечињата и родителите, чекорејќи и пеејќи ги празничните каланди отидеме до нашиот храм заштитник на град Кичево „Св.Петар и Павле“ каде свештените лица ќе ги благословат врвовите гранчиња кои дечињата ќе ги однесат.

Инаку оваа традиција е проследена со пеење на препознатливи песни т.н. Лазареви каланди, односно песни со кои народот сакал да ја искаже својата љубов и почит кон Светиот Лазар на начин на којшто знаел и умеел, надвор од Црковните Богослуженија, како што тоа го прави и за прославувањето на другите поголеми црковни празници: Божиќ, Василица, Богојавление итн.

На овој ден се практикува и правењето на традиционалните колачиња т.н. лазароми или „лазарчиња“, кои се направени во форма на човек со прекрстени раце, симболизирајќи го Светиот Лазар кој умрен и завиткан во гробни повои, по четири дена беше воскреснат од Господ Христос.

Во продолжение проследете го ланското видео со дечињата од Кичево, каде по повод празникот, гласно пеат за „Лазаревото воскресение“

Ве очекуваме во што поголем број, бидете дел.