Со многу радост, насмевки, возбудливи стихови пеејќи ја најубавата божикна песна „Вечниот Бог“ денес најмилите дечиња со ѕвезди во рачиња го најавија Христовото раѓање – Божик низ кичевските улици. И оваа година благодарение на својот ментор Бошко Сарафилоски и родителите кои неуморно беа ангажирани, со поддршка од кичевското свештенство, се реализираше традиционалната „Бадникова Поворка“ во Кичево.

Како и секоја година така и оваа традицијата продолжи движејќи од кичевскиот храм „Св.Петар и Павле“ по ул. „Маршал Тито“, ул. „Рудничка“, бул „Ослободување“ за на крај поворката да заврши пред големиот и најубав украс на градскиот плоштад во непосредна близина на нашата црква.

Помеѓу луѓето кои ги заслужуваат сите почести се и оние кои секоја година се мобилизираат за транспорт на „Бадникови гранчиња“, а годинава со своите возила дефилираа низ кичевските улици онака баш како што доликува.

Додека ние како медиумски покровители заедно со „Digital Centar Media“ и „Пикси принт“ остануваме секогаш да даваме беспрекорна поддршка на ваквите настани.

Во прилог радосна галерија преку нашиот објектив: