Министерството за здравство (МЗ) денеска информираше дека во изминатото деноноќие се потврдени 29 нови случаи на Ковид-19, односно, регистрирани се 9 случаи во Скопје, 5 во Кичево, по 4 во Куманово и Тетово, по 2 во Прилеп и Охрид и по 1 случај е регистриран во Штип и Струмица.

Од МЗ истакнаа дека во последните 24 часа не се регистрирани починати лица од Ковид-19

Регистрирани се 34 оздравени пациенти, односно, од Скопје – 18, Прилеп – 4, Куманово и Тетово – по 3, Битола – 2 и по 1 од Кичево, Гевгелија, Свети Николе и Делчево.

Регулаторната комисија за енергетика и водни услуги (РКЕ) денеска одлучи да се зголемат малопродажните цени на нафтените деривати, просечно за 1,15 отсто, односно од половина до еден денар.

Малопродажните цени на бензините Еуросупер БС-95 и Еуросупер БС-98 се зголемуваат за 0,50 денар/литар, додека малопродажните цени на Еуродизел (Д-Е V) и на Екстра лесното масло за домаќинство (ЕЛ-1) се зголемуваат за 1,00 денар/литар.

На полноќ бензинот Еуросупер БС – 95 ќе се продава по 68,50 денари/литар, бензинот Еуросупер БС -98 по 70,50 денари/литар, а Еуродизел БС (Д-Е V) ќе чини 61,50 денари/литар. Екстра лесното масло за домаќинство ќе чини 61,00  денар за литар, а мазутот М-1 НС 35,237 денари за килограм.

Комисијата за заразни болести утринава одржа состанок на кои се донесени одлуки за нови мерки.

Министерот за здравство Венко Филипче информира дека до Кризниот штаб ќе бидат предложени три нови мерки, кои би требало да стапат на сила од среда, доколку бидат усвоени од Владата.

Се предлага целосно укинување на полицискиот час бидејќи епидемиолошката состојба е стабилна и го дозволува ова.

Да се укине ограничувањето од максимум 100 гости на свадби и прослави.

Се преглага и да се дозволи организација на настани, концерти и забави во клубовите и локалите само на отворено, со капацитет до максимум 50% од објектот и не повеќе од 1000 лица.