Здравје и убавина
Дали сте ги знаеле овие осум штетни влијанија на солта врз телото

Солта го менува вкусот на храната, но и влијае на телото на начини кои не можеме ни да ги замислиме Солта е примарен извор на јод, а негов недостиг може да доведе до струма, т.е. гуша. Од друга страна, ако се конзумира прекумерно, може да предизвика здравствени проблеми.
Надуеност
Ако имате проблем со надуеност, намалената конзумација на сол може да помогне. Прекумерната конзумација на сол го зголемува нивото на натриум во телото, поради тоа што ги задржува дополнителните количини на течности.
Висок крвен притисок
Солта влијае и на крвниот притисок. Колку повеќе сол внесувате, во организмот има повеќе натриум, а високото ниво на натриум го зголемува крвниот притисок. Со намалување на внесот на сол за 4,6 грама се намалува крвниот притисок. Недостигот на сол има спротивен ефект, така што се препорачува следење на внесот на сол, бидејќи на тој начин се контролира нивото на натриум во организмот.
Болести на срцето
Натриумот е многу важен за организмот, но неговиот вишик прави голема штета и може да доведе до кардиоваскуларни болести, болести на срцето, срцеви инсуфиенции и мозочен удар. Претераната конзумација на сол двојно го зголемува ризикот. Пушачите, повозрасните луѓе, дијабетичарите и луѓето со висок крвен притисок се ризична група, така што мора да го контролираат внесот на солта.
Когнитивните способности
Со зголемување на крвниот притисок се јавуваат мозочни проблеми. Луѓето кои внесуваат многу сол и слабо се движат ризикуваат намалување на когнитивните способности. Експертите советуваат намален внес на сол, како и секојдневно вежбање во траење од 30 минути, за човекот да биде ментално и физички здрав.
Бубрезите
Бубрезите имаат важна улога во филтрирањето на отпадните производи од крвта, а нивно затајување може да доведе до дисбаланс на течностите во крвта, абнормални состојби и на крај смрт. Високиот крвен притисок може исто така да доведе до затајување на бубрезите бидејќи врши притисок на артериите. Лицата кои имаат проблеми со бубрезите со намален внес на сол ќе почувствуваат подобрување. Потрошувачката на солта е дефинитивно поврзана со здравјето на бубрезите.
Потреба за сол
Тие што конзумираат многу сол често чувствуваат потреба за се поголеми количини. На тие луѓе им се советува солта да ја заменат со други зачини, како што е пиперот.
Мозочен удар
Големата потрошувачка на сол ја зголемува количината на натриумот во крвта, а тоа доведува до зголемен крвен притисок, кој може да резултира со мозочен удар. За контрола на натриумот во организмот се препорачува намален внес на сол.
Кожа
Претераното внесување на сол во организмот предизвикува ендеми, т.е. отоци на рацете, нозете и глуждовите. Тоа се екстремни случаи, но често се јавуваат и промени на кожата.
/denar.mk
Здравје и убавина
Овие овошја едноставно се клучот за одмор на вашите црева во организмот

Многу луѓе кога ќе тргнат на одмор се соочуваат со непријатности во дигестивниот систем. Промената на климата, исхраната и околината често го нарушуваат рамнотежниот ритам на стомакот. За среќа, една австралиска нутриционистка нуди едноставно, но ефикасно решение.
Според Ребека Гоуторн, клучот е во изборот на овошје кое ги „радува“ цревата.
– „Крушите се совршен сојузник на дигестивниот систем. Тие содржат комбинација од растителни влакна и природни шеќери – сорбитол и фруктоза – кои ја поттикнуваат работата на цревата и спречуваат запек“, објаснува таа.
Проблемите со варењето се особено чести при патување со авион, бидејќи наглите промени во притисокот и воздухот директно влијаат на работата на стомакот.
– „Но, здравиот дигестивен систем не е важен само за редовна столица“, додава Гоуторн. „Кога цревата функционираат добро, телото подобро ги апсорбира хранливите материи, имунитетот се зајакнува, а нивото на енергија расте.“
Крушите, познати по својата висока содржина на влакна, се идеален избор за секој што сака да го зачува варењето во добра форма – особено за време на летниот одмор. Вашите црева навистина ќе ви бидат благодарни ако ги вклучите во секојдневното мени.
/taratur
Здравје и убавина
Неколку совети за слабеење и покрај слабо поседување на време и внимание за себе

Ако постојано сте во движење, зафатени со работа и секогаш во брзање, веројатно тешко наоѓате време да се посветите на себе и на физичката активност. Но, со малку организација и вистински навики, можно е да се грижите за своето тело и здравје, без разлика на обврските.
Еве неколку едноставни совети кои ќе ви помогнат полесно да ја одржувате линијата и да се храните поздраво:
1. Опремете ја кујната со здрави намирници
Отстранете ја нездравата храна полна со калории и заменете ја со свежи, нутритивни производи. Ако дома имате само квалитетни намирници, помала е веројатноста да посегнете по нешто нездраво.
2. Одредете точно време за вежбање
Планирајте го тренингот како обврска што не се прескокнува. Најдобро време за вежбање за зафатените луѓе е наутро — пред мејловите, состаноците и стресот од денот. Така ќе започнете со повеќе енергија и фокус.
3. Подгответе ги оброците однапред
Изберете намирници што можат да се чуваат неколку дена и подгответе ги оброците навечер. Така ќе имате контрола врз тоа што јадете и нема да претерувате со количината. Овој навик ќе ви заштеди време и ќе ви помогне да се храните поумно.
4. Ограничете го внесот на шеќер и кофеин
Едно утринско кафе е во ред, но повеќе кафиња дневно можат да направат повеќе штета отколку корист. Исто така, избегнувајте слатки и брзи грицки кога сте под стрес — тие нудат моментална енергија, но подоцна го зголемуваат заморот.
5. Одберете здрави грицки
Секогаш имајте при рака здрави опции: јаткасти плодови, свежо овошје, моркови или енергетски плочки без додаден шеќер. Не заборавајте и на доволно течности во текот на денот, особено во топлите месеци.
6. Вежбајте со партнер
Ако тешко се мотивирате сами, најдете партнер за вежбање. Заедничката поддршка и мотивација значително ја зголемуваат веројатноста да останете доследни на тренинзите. Со овие едноставни навики, ќе можете полесно да го балансирате динамичниот живот со здрав и активен стил.
Здравје и убавина
Доколку сакате да ослабете, тоа незначи дека треба да се гладува

Редовната физичка активност во комбинација со балансирана и умерена исхрана претставува најсигурен начин за намалување на килограмите и обликување на телото. Кога еднаш ќе создадете рутина што ја спојува оваа здрава навика, можете да додадете и неколку дополнителни чекори кои ќе го олеснат процесот на слабеење и ќе ве доведат поблиску до вашата цел – посакуваната тежина и фигура.
1) Јадете свесно и на маса
Избегнувајте да јадете додека работите, сурфате на телефонот, гледате телевизија или читате. Истражувања во Велика Британија покажале дека луѓето кои јадат на ваков „расеан“ начин внесуваат повеќе калории, а подоцна во текот на денот повторно имаат потреба од храна.
Затоа, обидете се појадокот, ручекот и вечерата секогаш да ги консумирате на трпезариската маса, со целосно внимание на оброкот. На тој начин, телото подобро ќе ја препознае количината на внесена храна и ќе ви даде чувство на ситост навреме.
2) Изберете помали чинии
Користењето на помали садови е едноставен трик кој може да резултира со намален внес на храна и до 30%. Со ваков пристап, ќе го контролирате количеството без да се чувствувате лишени.
3) Осигурете си доволен сон
Недостатокот на сон е тесно поврзан со лош избор на храна. Кога сме ненаспани, имаме тенденција да бараме засладени намирници за „брзо будење“, што негативно влијае на метаболизмот и на контролата на тежината. Затоа, квалитетниот и доволен сон е еднакво важен дел од процесот на слабеење.
4) Спијте во целосна темнина
Светлината во просторијата може да го наруши квалитетот на сонот и да ја отежне регулацијата на телесната тежина. Голема студија спроведена во САД утврдила дека жените кои спиеле во темни простории имале помала веројатност да се соочат со прекумерна тежина.
За да ја подобрите ситуацијата, можете да инвестирате во завеси што не пропуштаат светлина или да користите маска за очи додека спиете.
-
Спорт2 дена
За прв пат, во ист ден тројца кичевски судии ќе судат меѓународни натпревари во Австрија и Фарски Острови
-
Хороскоп1 ден
Хороскоп за сабота (18 октомври)
-
Хороскоп4 часа
Хороскоп за недела (19 октомври)
-
Македонија2 дена
Нов случај со измама за наводно случена сообраќајка, каде побарана била изнуда од висока сума на пари за итна операција
-
Временска прогноза2 дена
Дожд на секаде во Македонија, локално ќе наврнат над 20 л/м²
-
Македонија2 дена
МВР: Во целост ја гарантираме безбедноста на граѓаните во насока на спроведување на фер и демократски „Локални избори 2025“
-
Без категорија8 часа
Неколку родителски работи, кои вашето дете ќе го направат посреќно
-
Социјални мрежи7 часа
„Мeta“ ја гаси оваа верзија на „Messenger“